首試真如堂中醫美容「穴位蛋白線」好得!!

上星期我終於試咗做 "蛋白線" (埋線) 喇!! 😍

其實 "埋線" 呢個即時提升輪廓 + up lift 瘦面嘅 treatment，幾年前已經有幾個朋友揾西醫做過，見效果幾好，攪到我都心思思想做好耐，不過見評語參疵，甚至聽到其中一位朋友話佢做完後條線凸返出來 (好恐佈)! 所以都係睇定啲先，一直到遇到「真如堂」先將第一次奉獻俾佢! 😆

至於咩係 "埋線"?

其實係將唔同長度嘅可吸收純植物蛋白線 (韓國製)、用支激幼嘅針植入皮膚表層，將鬆弛嘅肌膚組織集中提拉，增加皮膚彈性及緊緻度，同時仲可以刺激膠原增生減少皺紋，風險低亦冇副作用，男女 welcome。

而一塊面要埋幾多條線，就視乎皮膚鬆弛度 or 自己想要嘅效果有幾强，由只埋 10 條線至到幾十條線都得，如 budget 有限或唔想一次過埋咁多條線的話，亦可以分開幾次做，好 flexible~ 

至於我點解要做?

邊個唔想靚 please~ 😂

加上去到呢個過晒 35 歲嘅年紀，你話皮膚唔會鬆就假，skincare 都唔會幫唔到太多，而 RF / HIFU 我都做過好多次喇，做極都仍然會有大細面 + 面珠下垂壓到兩條笑紋好深，而且價錢又貴，倒不如 try try 做埋線平好多~

埋線係揀咗呢間「真如堂」→

http://www.virtue.com.hk

雖然今次我係 free trial，但過往都有幾間 offer 過我試的，只係我都 reject 了，認為埋入塊面度嘅當然要揀間口碑好又有信譽，唔可以求其話 free 就試嘛。

而「真如堂」本身係中醫館，由擁有專業資格及臨床經驗豐富的中醫師主理，仲要好出名有好多明星幫襯，比較有信心! (除咗埋線仲有其他中醫療程 / 中醫針灸美容服務)

店面內貌 →

連東周刋封面都有報導過「真如堂」係明星私房!

上到去同醫師講清楚我 concern 嘅鬆弛位置 + 大細面問題，俾佢檢視完後，好快地劃好線就可以開始 →

而揀「真如堂」最主要係因為深信中醫師會比西醫更懂得穴位落針 →

成個過程清脆利落，一啲都唔會覺得痛 (咁少少感覺一定有嘅)，感覺仲微弱過打透明質酸針好多，而且超快整完，由上去到走出門口都只係 30 分鐘! (傾計唔計吓)

完成後 →

輪廓係即時出晒! 塊面又 V 好多! 從我嘅會心微笑表情大家應該可以 feel 到我有幾興奮! 🤣 

皮膚會有啲泛紅 (加上我皮膚薄掂吓都會紅)，帶個口罩遮遮就 ok，好快會退紅。

我係即刻就地化返個妝先走，都完全遮到晒唔使帶口罩~

於是見整完塊面效果咁好，又試埋個鼻，真係好即興! →

搭車返到屋企塊面已經完全唔紅喇 →

雖然好近都會見到針口，但就真係微細到不得了，第二日已經唔見晒，連焦都冇結過。

除咗有即時效果外，隔一陣仲會愈來愈 firm~

before & after 即時對比圖 →

側面正面都 firm 晒! 睇落成個後生咗、精靈咗! 😍

成塊面只係 10 條線就有呢個效果! 

假如整多幾條線會有幾靚我唔敢想像! 😂

腮邊 + 鼻樑即時對比圖 → 

除咗下巴 / 腮位 firm 咗之外，鼻樑呢個效果仲勁過打透明質酸! (仲要平 N 倍) 又挺又自然!

鼻位係 3 條蛋白線

5 日後對比圖 →

由於蛋白線植入後效果會逐漸加強，去到第 5 日塊面比剛剛整完時仲變得更 V，而笑紋位亦改善咗好多!

整一次可 last 幾耐?

約 6-9 個月不等，視乎個人吸收情況，我係打算每隔 2-3 個月得閒就衝上去自費整幾條，等塊面可以 keep 住一直 V 落去，好過等半年要全塊面重新整~ 😆

唔好以為咁靚嘅 treatment 效果會好貴，價錢係平的! 每條線只係 $300 左右，今次更會有讀者優惠仲抵! 平過 + 效果好過打 HIFU 好多倍呀~~

大家如有興趣也可致電或 facebook inbox "真如堂" 瞭解一下 →

香港銅鑼灣渣甸街35號1-3樓(銅鑼灣地鐵站F出口)

星期一至六 10:30-19:30 / 星期日及公眾假期 10:30-18:00

Facebook 專頁 :

https://www.facebook.com/virtuecwb/

(療程費用包括診金，若評估後不欲接受療程，需收診金每次 $150)