澳洲 Khemist 有機「纖體淡紋理療精油」

認識 Khemist 呢個香薰護理牌子, 係因為公司附近有分店, 差不多每日經過都見到, 好自然地就成為咗佢嘅長期顧客, 用緊佢嘅香薰機 + 香薰油 + 消毒噴霧 + paper mask + 身體磨砂 + body lotion + 嬰幼兒 lotion 等等。

早排新年時見有優惠就買咗佢呢支「纖體淡紋理療精油」試, 有專門針對腰腹收緊 + 淡化橙皮紋及妊娠紋效用, 啱我 🙋🏻‍♀️

So far 用完咗 2 支, 覺得功效都幾 ok, 推介一下~

產品資料 →

理療精油 - 纖體淡紋

Therapeutic Oil Treatment : Anti Cellulite & Stretch marks / Body Slimming

蘊含獨特罕貴的摩洛哥歐盟有機認證堅果油 + 松針精油 + 小麥胚芽油 + 琉璃苣油 + 維他命 E + 薄荷精油 + 芝麻油 + 橄欖油等植物精油, 能有效收緊身體線條, 重塑曲線, 保持窈窕, 並能刺激皮膚自然療癒過程, 預防及淡化妊娠紋及橙皮紋等問題。

KHEMIST 理療精油系列產品皆確保安全及有效, 更已證明在自然療法上別具成效。

  

$328 / 100ml

Khemist 網店 : http://www.khemist.online

FB 專頁及分店地址 : https://www.facebook.com/hklivingkhemist/

FB 久不久都有購物優惠公佈, 建議買前可先看一下 ☺️

使用方法 →

建議每天早上及睡前使用, 以適量理療精油塗抹於在意的位置 (如腰腹 / 臀部 / 大腿), 輕輕打圈按摩直至完全吸收。 

個人認為按摩耐少少功效會更好, 我每次最少都會按半分鐘, 成個腰腹我大約係用 3-4 泵左右 

用後感 →

收緊腰腹嘅產品我平時係用開 Clarins「Extra Body Shaping Cream」, 由生完 bb 至而家都用咗 1 年幾了, 可能連續用得太耐啦, 就開始覺得效果減弱, 冇乜進展空間..... 

反而轉用咗呢支 Khemist 後似乎又有返啲進展, 雖然唔會一用就見效, 都係要持之以恆, 不過覺得用完 1 支後肚肚又真係好似緊咗啲, 腰側有返啲線條咁, 所以之後又返轉頭買多支, 同埋佢個質地都稀身夠易推, 明明全支都係油但一啲都唔黏笠, 好快吸收, 氣味仲幾好聞添! 好似做 SPA 般的味道~ 🥰

至於妊娠紋 / 橙皮紋, 由於我好好彩生完 3 個都冇呢個問題, 所以就測試唔到佢係咪可以減淡到了, 但照常理都應該有用總好過完全唔用嘅 😉