疫情下少咗人出街冇晒遊客, 美妝業生意淡薄是必然了.....
但亦因為呢個原因, 唔少䕶膚品牌都喺呢段時間推出網購 discount, 如果屋企咁啱冇乜存貨, 襯有 discount 買就剛好, 順道可支持一下過渡零售業寒冬 💪🏻
以 Glycel 為例, 今期都有啲買 1 送 1 / 優惠套裝 / 滿 $500 減 $100 / 滿指定金額送 free gift / 其他折扣等等, 如今次介紹呢盒「Hydro Firm 燕窩完效極緻乳霜」就做緊 7 折再減 $100 →
其實 Glycel 每次推出嘅幾百蚊 set 裝都好抵, 今次仲加埋個「滿 $500 減 $100」優惠就更抵 🥳
其他 限時優惠套裝
今次用後感主角 →
燕窩完效極緻乳霜
Hydro Firm Skin Perfection Cream
蘊含升級版矜貴燕窩 + 極地雪藻 + 紫茉莉萃取精華, 從肌膚細胞底層開始以嶄新科技結合抗老, 延緩細胞老化, 達至緊緻彈滑, 保濕舒緩的全方位完效修護效果, 重現完美肌膚，體現「全能美學」
$1080 / 50g
網購優惠 7 折 + 滿 $500 減 $100 (免運費), 折後 $656
折後都差不多等於 6 折了 🤩
講開平價 vs. 貴價面霜.....
平嘅我都有試有用, 但大家試過海量都知啦, 就算係日韓熱賣 / 網上熱推嗰啲, 最盡都只得滋潤抗皺用途, 唔會有咩特別效果改善, 但有搽點都好過冇搽, 只得少數係有驚喜。
貴嘅雖然都唔一定有驚喜, 但用後睇得到改善嘅機率點都高少少, 所以對要求高 x 要睇到膚質有轉變嘅人嚟講, 多會偏向揀貴的買。其實唔一定 work 㗎, 但至少有個期望, 心態就似搏一搏買鋪大細咁 🎲 當然買前先上網揾揾用家評價就更好啦 🖥
(product sponsored by Glycel)
呢樽 Hydro Firm 乳霜質地係半 gel 半 cream, 偏薄偏清爽, 好適合 summer 用 🔆
搽勻後秒速吸收, 唔黏笠零油光 →
睇開我 blog 嘅人可能會問 :「咁薄咁爽你啱咩?」🤔
冇錯我真係唔啱㗎! 🤣🤣🤣
就係因為我太乾, 佢又薄成咁, 但咁貴又唔想嘥咗佢, 我就唯有「千層糕式」咁搽幾層 + 搽到好似敷 sleeping mask 咁厚..... 勁在咁搽法佢都照樣快吸收零油光喎!
不過隔耐咗一捽就會起擦膠碎, 唔捽佢就冇事嘅 😆
咁搽法 1 星期後我就開始發現......
朝早起身雖然油光會明顯多咗好多, 但一洗完面呢, 塊面就變得好似剝殼雞蛋咁光滑喎! 好似打咗臘拋過光咁~ 望上去狀態好好, 膚色都均勻埋 🤩
原理我覺得係因為我千層式咁搽, 鎖濕度提高咗, 於是佢全晚好似修䕶罩咁, 封住我搽過嘅精華水 + 精華素 + 面霜, 又冇俾冷氣抽乾水份, 所以瞓醒皮膚就好似敷完 mask 咁, 有飲飽食醉 feel~
咁同用 sleeping mask / 厚搽晚霜有咩分別?
首先佢一啲都唔油淋淋, 係直頭唔覺佢有油份, 無論搽幾多層都係快吸收兼清爽的, 唔覺得有負膽, 我仲反而嫌佢厚搽都唔夠潤𠻹, 但又估唔到朝早起身有咁嘅效果~ 另外就算我平時經常厚搽晚霜 / 用 sleeping mask 都唔覺有呢種 "打臘拋光" 效果~
不過咁, 我試過單搽 1 層 / 單次厚搽都冇呢個 feel, 要每層薄搽吸收後 → 先再搽第 2 層 → total 搽 2-3 次先得。同埋秋冬就真係會嫌佢唔夠潤了, 係 summer 先啱用。
以 Glycel 嘅晚霜計呢樽都算有驚喜, 其他系列雖然會潤過呢樽, 但 "打臘拋光 feel" 就呢樽先有
啱啱洗完面乜都未搽個樣 →
沒有留言:
發佈留言
注意：只有此網誌的成員可以留言。