近排返工同啲客傾開計, 好多人都話而家日日戴口罩, 連搽防曬 / bb cream / 粉底都懶了, 一來怕會侷住塞毛孔, 二來夜晚要卸妝好麻煩...... 但唔化返少少粉底又會似黃面婆喎, 好糾結...... 😓
又懶又想靚, 可唔可以兼得呢?
得㗎~ 得㗎~ 🤗
今次推介呢樽「Jane Iredale - Powder Me 防曬粉」就非常適合懶人用! →
有 SPF30 PA+++ 物理性防曬 + 可均勻膚色 + 天然礦物製 + 不傷皮膚不阻塞毛孔 + 用普通潔面品即可卸淨。一樽攪掂又唔使刻意卸妝, 夠晒方便啦~
其實 Jane Iredale 都好出名了, 除咗係美國首個提供全系列礦物化妝品嘅品牌之外, 呢樽「 Powder Me 防曬粉」更加係唯一一款獲 "皮膚癌症基金會" 推薦嘅防曬產品, 全球賣到街知巷聞!
只不過因為唔係周街買得到, 所以仍然有好多人只聽過未用過, 手上呢樽係化妝師朋友送俾我的, 其實佢真係一件 "必試底妝品" 嚟㗎! 👍🏻
Powder Me SPF ® Dry Sunscreen 防曬粉 SPF 30 (17.5g)
🌟 SPF30 PA+++ 全物理性防曬, 可阻隔空氣中污染物, 抗水性 40 分鐘以上
🌟 優良修飾膚色及掩蓋色斑效果
🌟 天然優質礦物原料, 不含油脂, 不傷皮膚不阻塞毛孔, 孕婦 / 小童 / 暗瘡肌均合適
🌟 通過低敏測試, 獲皮膚科醫生推介, laser / 醫美療程後亦可使用
🌟 不含重金屬 / 礦物油 / 香料 / 化學染料 / 防腐劑 / 滑石粉等填充物或結合劑
🌟 用後不需特別卸妝, 用普通潔面產品即可
🌟 內置海綿粉樸, 外附鏡子, 使用快捷, 亦方便外攜補妝
由於唔少網店有售, 售價方面都幾海鮮價, 俾大家參考吓 👉🏻
$520 (滿 $500 免運費) @ Jane Iredale 香港官網
$330 (滿 $300 免運費) @ Salala Beauty 網店
$364 (優惠中免運費) @ Mint Organics 網店
內置海綿粉樸 + 外附鏡子, 方便外攜補妝 →
粉樸係可以拆出嚟洗的, 如需另外購買係 $30 個
粉樸質地軟綿綿極好 feel →
唯一美中不足係 size 有點大, 眼底 / 眼角等微細位置會唔夠貼, 角度要自己遷就一下
同埋要小心唔好倒太多粉, 好易飛粉攪到成身都係粉
Total 有 3 隻色, 我用嘅色號係中間 #Nude →
使用上的確係方便! 唔使用化妝掃, 又唔使整污漕雙手, 簡單碌幾碌就可化到完美底妝 🥰
樽粉本身已帶遮瑕度, 唔搽 bb cream / 粉底直接用佢都夠 coverage 的, 而且遮瑕度仲係 "疊加-able", 如想高 coverage 啲上多 1 層就得了~
薄上一層 : 如同 bb cream 妝效
上 2-3 層 : 如同遮瑕膏 + 粉底妝效
當然~ 如愛 full coverage 厚妝也可先用 bb cream / 粉底後再用佢, 不過我就覺得有點厚
before & after →
下圖係搽完 skincare 後直接用「Powder Me 防曬粉」上 2 層效果, 其實望落同搽咗遮瑕膏 + 粉底 + 碎粉冇分別, 係好夠 coverage 乜都遮到咁滯, 而且仲唔會覺得好乾 🥳
(萬一重手厚粉咗 / 覺得乾, 亦只需 on top 噴一嘖 "定妝噴霧" 就可加速融合)
如果好近 close up 睇會見到妝效唔係全啞緻的, 會帶微弱光澤感 / 少少光身, 不過只有自己見得到, 人哋睇係察覺唔出有光澤
戴完口罩半日, 甩出嚟嘅粉都只係好少 →
不過美好嘅景況只能維持半日, 之後就會開始出油要補粉 (咁用佢補粉都好簡單啫), 始終唔係啞緻型, 控油度會爭啲, 但論遮瑕度 + 方便度 + 成份唔份皮膚就實在好, 唔使刻意卸妝嗰吓正~
一樽 = 防曬 + 全個底妝, 你值得擁有呀~ 🤩
沒有留言:
發佈留言
注意：只有此網誌的成員可以留言。