韓國「Jung Saem Mool 鄭瑄茉」 🇰🇷 超好用底妝品推介

韓國星級化妝師 鄭瑄茉 嘅 YouTube video 大家應該有睇過，而佢創立嘅「Jung Saem Mool 」更加係得奬無數嘅暢銷彩妝品牌，被喻為韓國必買美妝品牌 🏅 香港亦有好多網店代購

早幾個月前香港 Times Square 連卡佛都新開咗專櫃 🥳 只係貨品種類少過韓國好多，部份產品仍需靠韓國代購或托朋友去韓國旅行買, 個人認為佢嘅底妝品真係幾唔錯又抵用，好值得推介！介紹一下幾款我用過嘅底妝品 👉🏻

* 以下妝品我已經用咗一段時間，並非購自香港，部份產品香港專櫃可能冇出售，不過放心香港大把代購 😉 ** 文章內售價參考自韓國官網兌換港元計

潤色防曬打底隔離霜 Tone Balancing Base SPF50+ PA+++

約 $190 / 40ml 

共有 6 款不同功能，分別為光澤 / 保濕 / 清爽 / 遮蓋泛紅 / 提亮 / 均勻膚色等等，對我呢啲有選擇困難症嘅人嚟講真係幾難揀 😂

諗咗好耐，最想當然係揀一支咩功效都有就最好啦 😆 結果就買咗呢支 Tone Balancing Base，除咗有 SPF50+ PA+++ 防曬度，仲有均勻膚色、修飾毛孔、平滑肌膚紋理、保濕 、提亮功效，就好似 bb cream 咁 all in one 😍

雖然話係打底 base，官方描述亦係 sell 自然裸妝感，但其實佢嘅遮瑕度係超高！一啲都唔算裸妝，on top 唔再搽粉底都得 ，所有膚色不勻 / 泛紅 / 暗黃 / 黑眼圈問題全都 cover 到，連毛孔 / 紋理等等都填平到 50%，妝感平滑無瑕，仲有埋防曬，真正係一支攪掂晒好方便！👍🏻🤩

缺點s：

1. 只出得一隻色冇色揀，搽到上面有少少偏白，以我平時韓國粉底用開 23 號色計叫勉強可接受，膚色稍為深少少都用唔到 

2. 雖說有保濕成份，但保濕度勁低，我搽咗 2 支保濕精華後再用佢都覺得乾，質地亦比較難推開，比較偏向控油 type。但話分兩頭，夏天好熱時用佢係唔錯嘅～ 秋冬就唔好諗 😅

3. 始終只係一支打底 base，持久度一定唔及粉底，但普通日常用都可以嘅

柔焦裸色遮瑕氣墊粉底 Skin Nuder Cover Layer Cushion SPF 50 PA+++

約 $260 連 refill 

印象中共出過 3-4 款唔同功效 cushion 粉底，而呢款係屬於半啞緻 semi-matte 控油妝效，高遮瑕兼有美白抗皺效果，持妝度及抗氧化變沉達 12 小時 🕰️ 

因為係初夏時買的所以特意揀控油款，夏天熱焗潮濕天氣用真心一流！又控油又清爽又防溶，薄薄一層遮瑕度已經好高乜都遮到，妝效超持久全日都唔會氧化變沉色，霧面妝效夏天用超正！ 🤩

不過秋冬用就應該唔OK了，因為感覺都幾乾，到時再試佢另外一款經典補濕 cushion ☺️

我揀嘅色號 medium 搽上面剛好

優點係有 5 隻色揀，比其他韓國牌子多咗深色選擇，膚色深嘅人都有得揀 👏🏻

專業持妝定妝蜜粉 Pro-Lasting Finish Powder 

$210 / 10g 

皮膚易出油 / 鍾意清爽霧面妝感 / 夏天易溶妝 / 大汗嘅人一定要試呢盒定妝碎粉！佢嘅粉末係超輕身幼細，定妝極持久，控油度非常高，仲可以撫平毛孔、紋理同凹凸位，連我明明係 dry skin 都覺得佢超好用！😍

類似嘅白色輕薄控油定妝粉我以前都用過超多，不過呢盒簡直係頂級中嘅頂級！🤩 係真正薄如輕煙，輕薄到不留痕跡，薄薄一層摸上手已經超乾爽、滑溜、零黏膩感，防汗防水度亦高，係超有實力！

乾肌用可能會嫌佢乾，但我夏天用覺得佢好爽爽～ 🤤 薄用都ok 嘅

用碎粉掃效果會更輕薄，但係我懶 😂 只用佢附送嘅粉樸

個天鵝絨粉樸質地亦超柔軟，唯一唔夠方便嘅係盒粉冇位放粉樸，要另外存放膠袋內，不過我冇理佢夾硬擠囉 ，於是個盒係關唔實有條罅嘅 🤣

專業六色遮瑕盤 $235

有 2 色可選，我買嘅係 #SKIN，有 6 隻唔同深淺嘅膚色，質地柔軟輕薄，遮瑕度屬中等，但就唔建議一般用家買了，呢盒屬於高難度妝品唔適合新手，比較適合專業用家 / 化妝師用 👩‍🎨

日本藥妝店銷量 No.1 🏆 unlabel LAB 胎盤素緊緻精華

根據過往經歷，行 Donki 買日本開架化妝品會經常掘到寶，但係買到有驚喜嘅護膚品機率就偏低 (唔係冇好嘢只係欠驚喜)，主要係價位同 target 嘅年齡層有關吧？

不過見呢支 unlabel LAB 精華講到咁巴閉，榮獲日本藥妝店銷量 + 樂天用家排名No.1 咁樣，見售價唔貴，好奇心驅使下就試試～ 

unlabel LAB 胎盤素緊緻精華

PLACENTA ESSENCE

$128 / 50ml @ Donki 

全系列有 4 款精華，分別為美白、緊緻、抗皺、補濕，主打高性能護膚，採用100MPa 超高壓納米級成份提取專利技術，能令精華快速滲透至皮膚基底層，發揮最大護膚功效，集中解決肌膚各種問題。

而我揀嘅係藍色胎盤素緊緻精華，功效指能重塑緊緻輪廓，促進肌膚細胞再生，令肌膚飽滿有彈性，有效延緩肌膚老化。

以價位嚟講，我對佢期望不大純粹一試，而用過之後結論都係一樣 😆 

除咗有補濕感之外，其他所講嘅功效目測都欠奉，完全 feel 唔到有緊緻過，亦有種我唔太鍾意嘅黏稠感，不過冇期望冇失望冇所謂～ 

其實我對佢個「超高壓納米級滲透專利技術」係零質疑，始終科研都係有實證理據的，不過實際效果同質感適唔適合自己就全屬個人 preference，可能其他 3 款功效會比較明顯啲都唔出奇，下次有機會再試試～ 

美國 🇺🇸 「NeoStrata」Restore 抗氧修護精華 + Enlighten 醫學淨白精華 + 眼霜 用後感

由皮膚科醫學權威果酸之父所研創嘅 NeoStrata，相信大家都唔陌生，佢嘅果酸護膚品 gel plus 我年輕時都用過幾支。雖然品牌最出名嘅係果酸護膚品，但其實佢其他產品都唔錯亦唔貴的，以下幾款都值得一試 ☺️

由於 NeoStrata 零售分銷點及網店太多，非常海鮮價，買前建議先上網格價 💰😉

抗氧修護精華素 Restore  Bionic Face Serum

約 $300 左右 / 30ml

含維他命 A、C、E 及 8 組補濕份子，配合獨特Gel Matrix科技，能於肌膚表面形成天然水護膜鎖緊細胞水份，並增厚活細胞層，令皮膚回復健康更生週期，同時強化肌膚細胞癒合能力，加強肌膚自我保護功能及再生能力，有助舒緩及減退面紅、刺癢、改善泛紅

主打高效抗氧修復 + 延緩肌膚衰老  + 提升彈性 + 減少幼紋及皺紋 + 加強滋潤, 適合乾性缺水、老化肌、敏感肌，特別適合秋冬乾燥天氣 / 長期冷氣地方 / 激光及醫美療程後使用

由於質感較厚杰黏稠，滋潤度非常充足，油肌 / 年輕肌絕對不合適，呢支係真正為超級乾肌 / 老化成熟肌而設 🧑🏻🧓🏻 秋冬乾燥天氣用最適合，夏天晚上開冷氣瞓覺較乾時都可以用 ❄️🛏️  個人認為佢除咗擊退泛紅呢點冇乜效果之外，其他所講嘅功效都做得足，成熟乾肌值得一試 👍🏻

醫學淨白精華 Enlighten Illuminating Serum 

 約 $300 左右 / 30ml

主打美白淡斑抗氧化，含維他命 C、維他命 B3，及非刺激性抗衰老成份葡萄糖胺等 7 重亮白怯斑技術，能促進角質層脫落刺激細胞更新，減淡色斑及痘印，從根源瓦解黑色素並抑止黑色素增生，並減少紫外線引致的炎性細胞，還原透亮膚色💡

質感同上面支 Restore 精華一樣較厚杰黏稠，黏嘅程度係直頭會黐手，又係極度滋潤只適合超乾肌 🧑🏻🧓🏻 提亮膚色效果係有的，用咗之後膚色係冇咁黃，但淡斑效果就覺得一般般，察覺唔到有變淡，但如秋冬時想搵支性質溫和而有效退黃嘅滋潤精華，呢支都可以係一個選擇

P.S 以上 2 款精華用後感都唔差，但由於質感都偏黏稠，感覺分子較大不易滲透至肌底，用前最好再加一支細分子嘅補濕精華會更全面

醫學祛黑緊緻眼霜 ENLIGHTEN Brightening Eye Cream 

約 $244 / 15g

含 5%非刺激性果酸成份乳糖酸Bionic Acid 及葡萄糖酸 PHA，有效分解眼周肌膚黑色素，減淡黑眼圈，並促進眼肌血液循環，改善浮腫收緊眼袋，提升緊緻度並減少幼紋，經眼科醫生測試，不含香料及油份，不會引致油脂粒

質地輕薄易吸收，重點係不含油份唔會起油脂粒，對易出油脂粒嘅人嚟講絕對係 selling point 👏🏻

不過因為太輕薄，感覺滋潤度唔多充足，而且唔覺得有改善到黑眼圈，亦冇收緊浮腫效果 🤷🏻‍♀️

其實我對佢評價並唔高，不過咁，以一支二百幾蚊嘅醫學科研眼霜嚟講，佢一啲都唔貴，如果純粹想搵啲嘢搽吓都可以考慮，反正你買成千蚊嘅眼霜都唔會減到黑眼圈同眼袋，倒不如買支平啲嘅補濕保養一下算數 😆

Sulwhasoo 雪花秀 ❄️ First Care 潤燥再生精華 + 禦時緊顏參養煥顏面膜 Creamy Mask

話說 2-3 年冇寫 blog，期間當然有試過唔少護膚品，雖然係遲咗分享，但遲到總好過冇到，勁快講講之前用過嘅「雪花秀」精華同面膜 ❄️ 

第 5 代潤燥再生精華 

First Care Activating Serum 

屬雪花秀皇牌抗衰老精華，上年已出到最新第 6 代，不過 2 年前我用嗰陣仍然係第 5 代，老老實實用完第 5 代之後都冇諗過要試第 6 代，皆因覺得效果普普通通，除咗補濕之外就冇咩特別，但售價就一啲都唔平 (約 $600) 😅

感覺會較適合初老年輕肌吧～ 以我 40+ 中女計會覺得如想要補濕 + 抗衰老效用，會有好多更便宜選擇

禦時緊顏參養煥顏面膜(5片裝)

Concentrated Ginseng Renewing Creamy Mask EX

5 片夾埋足足有整瓶雪花秀「禦時緊顏參養乳霜」含量，能全日維持肌膚緊緻回彈力 + 滋養度，專利 double wrapping sheet 花紋網狀結構面膜內層，有效緊貼輪廓加強滲透吸收

$840 / 一盒 5 片

係真心貴嘅！但效果都算唔錯，面膜柔軟貼面嘅程度係前所未有，感覺好似有好多乳霜包住塊面咁好奢華，敷後亦見得到有深層滋潤淡紋效果，起碼覺得值回票價先 👍🏻

至於會唔會回購呢？🤔

會比較傾向試過就算，我比較師奶啲，寧願買幾盒平少少嘅 paper mask 粗敷 😆 始終面膜得閒敷吓都只能作急救，要養膚係要定期隔日敷先有效，投資太大好難成日敷大家懂的 💸🤣

韓國 d'Alba 白松露精華噴霧 💦 傳說中的空姐噴霧 ✈️

咩叫「空姐噴霧」？🤔

由於機倉內較乾燥，傳說中呢支國補濕精華噴霧深受韓國空姐熱愛，個個都有一支以拯救缺水肌，因而被稱為空姐噴霧～ 

咁都係噴霧一支啫，有乜咁特別？

特別在佢係水油配方 (精華水 x 精華油純素配方)，可改善乾性肌膚水油平衡，除含有高濃度意大利白松露萃取，仲有膠原蛋白 + 維他命 E  + 8 種植物精華油 + 美白抗氧成份，有保濕鎖水、修復、提亮、抗氧化、滋潤養膚功效

唔少用家話佢一支已等於爽膚水 + 精華液 + 精華油多合一，讚佢夠全效可以一支打低幾盒護膚品，仲話如果趕時間剩係用佢都足夠！

實質效果又有冇咁神效？

類似嘅水油混合配方 spray 我曾經都試過好幾個牌子，比較之下感覺呢支 d'Alba 的確係特別好用嘅~ 水油比例剛剛好唔會太油膩，亦唔會噴完好似冇噴過咁，霧珠夠幼細吸收速度快，用後就算唔再搽其他護膚品都唔會覺得塊面好乾，用完 feel 到皮膚有飲飽水，摸上塊面有柔膚效果軟稔稔觸感，目測見到皮膚有變更細緻，淡淡 spa 薰芳氣味聞落去亦頗 relaxing 😌

之後再搽其他護膚品都有見到加強咗吸收，我覺得佢幾乎係零缺點，乾肌真係要買支試吓 👍

雖然係好用，不過就唔會好似人哋講到咁單用一支唔使再搽其他護膚品，乾肌始終都要另搽精華 + 面霜先足夠

用法：

搖勻後噴上面，個人喜好噴 5 下落掌心按壓上面至吸收，比噴上面效果更好，也可於妝後噴上使用

本身有出 2 款噴霧，呢支黃色係 for 乾肌的，另外有款粉紅色係 for 油肌

售價 / 售賣點：

有分新舊版，舊版 100ml 新版 120ml，售價約 $158 - $200 不等，香港不少網店都有售，如 iherb / HKTVmall 等等，google「 d'Alba 噴霧」可找到大量選擇

Happy shopping 🙌

I'm back~~👋

好耐冇見～～ 

呢幾年一直都有讀者或客人問我點解而家唔再拍片寫 blog?

只因為 4 年抱 2 又返工又湊仔真係好心力交瘁，最主要係生完身型變漲後就冇晒拍片意慾了，然後又做咗 2 次子宮頸癌細胞切除手術要休養，跟住又沉迷於玩 B 完全荒廢咗個 blog 😆

中途有試過想打開電腦寫寫 blog，奈何個腦塞咗、靈魂飄走咗寫唔出有營養價值嘅嘢，為免 hea 寫悶親一衆街坊同自己，就不如先歇歇，點知一歇就 2-3 年 😅

係時候開返筆喇～ 😌

大家呢幾年又過得如何？還好嗎？

2021 年度香港 cosme 美妝大賞得獎產品分享

 

香港 cosme 美妝大賞 website

https://hk.cosme.net/best-cosme-awards/2021/annual

日本 b.glen 礦泥潔面乳

https://www.bglen.hk/zh/kcw1

innisfree 控油礦物質散粉

https://www.innisfree.com/hk/zh/product/productView.do?prdSeq=35790&catCd01=UB

日本 NAIL HOLIC 指甲油

https://www.kose.com.hk/v2/nailholic

日本 LuLuLun 面膜 paper mask

https://lululun.hk

CANMAKE Perfect Stylist Eyes 眼影

https://canmake.com.hk/item/eyes/perfect-stylist-eyes

10分鐘緊緻輪廓 GLYCEL「G-PowerLift+ 離子射頻緊膚儀」用法詳細講解 + 最新優惠

GLYCEL 又有新優惠套裝了! 🥳

今次係大家成日都問好唔好用嘅【G-PowerLift+離子射頻緊膚儀】😌

順便睇埋個示範講解 + before & after 效果睇吓啱唔啱你用啦~

【$1,288 G-PowerLift+離子射頻緊膚儀套裝】

( 1套 11件/ 總值 $4,518)

GLYCEL 官方網站優惠連結 👉🏻

https://bit.ly/3powjey

 

到底 Hydrogen water (氫水樽) 係乜東東？

早幾日喺 FB 提過今個月每日飲 hydrogen water + 轉咗隻新益生菌，意外地令 2 年來一直落唔到嘅磅數喺冇做任何運動，亦冇節食之下，不費吹灰之力自動減走 5 磅！本來係為保健，點知有意外收穫喎！ 🤩

然後有好多人留言問可唔可以講吓咩係 hydrogen water? 

首先，我嘅 hydrogen water 水樽係朋友送嘅聖誕禮物 🎁 其實好多國家都有出，歐美 / 日本 / 台灣亦好多人用緊，至於價錢就比較貴，約幾百至三千蚊都有。

而我用緊嘅牌子叫「Qlife」Q-Cup Max Portable 便攜版，方便帶返工用，USB 叉電，售價約 $2000。以為貴就一定係外國製？未必～～ 我部 Qlife 係 designed in Taiwan 及以外國零件同技術製造，但產地並沒明確寫明，估計應該都係中國生產。

咁貴一個水樽係咩因由？🤔

超簡單！🍁 一盒眼影化出個性秋妝 🍁

 

送禮自用必買聖誕禮盒 😍 GLYCEL LUXE 🎄🎅🏻 聖誕奢寵美肌盛薈寶盒 💝

一年一度聖誕就快到 GLYCEL 聖誕禮盒又嚟喇！ 今年套「聖誕奢寵美肌盛薈寶盒」box set 係前所未有咁抵買，件件產品都大件兼實用，送禮自用都一流

$880 一套 10 件，價值 $3114 = 29 折！記住唔好錯過～

GLYCEL 購買連結

https://bit.ly/3pz7KMN

套裝包括:

泉淨活膚肌底精華 60ml

瑞士冰川活效修護面膜 1 set

幹細胞 VII 複活修護晚霜 15g

燕窩緊緻修護乳霜 15g

泉效極緻再生防曬日霜 SPF30 15ml

高效鎖水活膚修護乳 15ml

高效活肌亮澤精華 15ml

泉效極緻再生眼霜 7g

高效活膚潔面乳 80ml

高效膠原水凝眼膜k 1pc

送 HK$200 電子禮券