韓國「Jung Saem Mool 鄭瑄茉」 🇰🇷 超好用底妝品推介

韓國星級化妝師 鄭瑄茉 嘅 YouTube video 大家應該有睇過，而佢創立嘅「Jung Saem Mool 」更加係得奬無數嘅暢銷彩妝品牌，被喻為韓國必買美妝品牌 🏅 香港亦有好多網店代購

早幾個月前香港 Times Square 連卡佛都新開咗專櫃 🥳 只係貨品種類少過韓國好多，部份產品仍需靠韓國代購或托朋友去韓國旅行買, 個人認為佢嘅底妝品真係幾唔錯又抵用，好值得推介！介紹一下幾款我用過嘅底妝品 👉🏻

* 以下妝品我已經用咗一段時間，並非購自香港，部份產品香港專櫃可能冇出售，不過放心香港大把代購 😉 ** 文章內售價參考自韓國官網兌換港元計

潤色防曬打底隔離霜 Tone Balancing Base SPF50+ PA+++

約 $190 / 40ml 

共有 6 款不同功能，分別為光澤 / 保濕 / 清爽 / 遮蓋泛紅 / 提亮 / 均勻膚色等等，對我呢啲有選擇困難症嘅人嚟講真係幾難揀 😂

諗咗好耐，最想當然係揀一支咩功效都有就最好啦 😆 結果就買咗呢支 Tone Balancing Base，除咗有 SPF50+ PA+++ 防曬度，仲有均勻膚色、修飾毛孔、平滑肌膚紋理、保濕 、提亮功效，就好似 bb cream 咁 all in one 😍

雖然話係打底 base，官方描述亦係 sell 自然裸妝感，但其實佢嘅遮瑕度係超高！一啲都唔算裸妝，on top 唔再搽粉底都得 ，所有膚色不勻 / 泛紅 / 暗黃 / 黑眼圈問題全都 cover 到，連毛孔 / 紋理等等都填平到 50%，妝感平滑無瑕，仲有埋防曬，真正係一支攪掂晒好方便！👍🏻🤩

缺點s：

1. 只出得一隻色冇色揀，搽到上面有少少偏白，以我平時韓國粉底用開 23 號色計叫勉強可接受，膚色稍為深少少都用唔到 

2. 雖說有保濕成份，但保濕度勁低，我搽咗 2 支保濕精華後再用佢都覺得乾，質地亦比較難推開，比較偏向控油 type。但話分兩頭，夏天好熱時用佢係唔錯嘅～ 秋冬就唔好諗 😅

3. 始終只係一支打底 base，持久度一定唔及粉底，但普通日常用都可以嘅

柔焦裸色遮瑕氣墊粉底 Skin Nuder Cover Layer Cushion SPF 50 PA+++

約 $260 連 refill 

印象中共出過 3-4 款唔同功效 cushion 粉底，而呢款係屬於半啞緻 semi-matte 控油妝效，高遮瑕兼有美白抗皺效果，持妝度及抗氧化變沉達 12 小時 🕰️ 

因為係初夏時買的所以特意揀控油款，夏天熱焗潮濕天氣用真心一流！又控油又清爽又防溶，薄薄一層遮瑕度已經好高乜都遮到，妝效超持久全日都唔會氧化變沉色，霧面妝效夏天用超正！ 🤩

不過秋冬用就應該唔OK了，因為感覺都幾乾，到時再試佢另外一款經典補濕 cushion ☺️

我揀嘅色號 medium 搽上面剛好

優點係有 5 隻色揀，比其他韓國牌子多咗深色選擇，膚色深嘅人都有得揀 👏🏻

專業持妝定妝蜜粉 Pro-Lasting Finish Powder 

$210 / 10g 

皮膚易出油 / 鍾意清爽霧面妝感 / 夏天易溶妝 / 大汗嘅人一定要試呢盒定妝碎粉！佢嘅粉末係超輕身幼細，定妝極持久，控油度非常高，仲可以撫平毛孔、紋理同凹凸位，連我明明係 dry skin 都覺得佢超好用！😍

類似嘅白色輕薄控油定妝粉我以前都用過超多，不過呢盒簡直係頂級中嘅頂級！🤩 係真正薄如輕煙，輕薄到不留痕跡，薄薄一層摸上手已經超乾爽、滑溜、零黏膩感，防汗防水度亦高，係超有實力！

乾肌用可能會嫌佢乾，但我夏天用覺得佢好爽爽～ 🤤 薄用都ok 嘅

用碎粉掃效果會更輕薄，但係我懶 😂 只用佢附送嘅粉樸

個天鵝絨粉樸質地亦超柔軟，唯一唔夠方便嘅係盒粉冇位放粉樸，要另外存放膠袋內，不過我冇理佢夾硬擠囉 ，於是個盒係關唔實有條罅嘅 🤣

專業六色遮瑕盤 $235

有 2 色可選，我買嘅係 #SKIN，有 6 隻唔同深淺嘅膚色，質地柔軟輕薄，遮瑕度屬中等，但就唔建議一般用家買了，呢盒屬於高難度妝品唔適合新手，比較適合專業用家 / 化妝師用 👩‍🎨

懶人口罩底妝 💗 妝品好物分享

Video 內介紹過的產品 (順序) 👉🏻

一晚散盡 $2000消費券 💸 到底買咗啲乜？🎁

大家開始用緊消費券未呢？🤗

我就一早已經諗好晒要買啲乜，凌晨攞完消費券即晚網購用晒喇！😆 

分享吓買咗啲咩 + 來個簡短用後報告～ 

有網購開化妝護膚品的話，應該對「strawberrynet 草莓網」唔陌生，除咗可以用消費券之外，而家做緊 promotion 仲有全單 8 折呀！🤩 而且係即日送貨！(滿 $300 免運費) 🛻 

https://www.strawberrynet.com/en-hk/

Guerlain 夏天新出 😎 L'ESSENTIEL 祼光絲霧精華粉底液 😎 review

今一年日日戴口罩，眼影胭脂唇膏已經好少用，不過底妝都仲有日日化嘅，搽少少粉等塊面冇咁暗沉，望上去精神啲嘛，心態上返工都更有衝勁～

最近試用咗 Guerlain 夏天新出嘅粉底液，報告吓效果俾大家知先 😊

(所有圖片可按圖放大)

口罩期防汗控油不溶妝 💦「ANESSA 極防水美肌 UV 透滑 BB 霜 SPF50」

戴口罩都仲要化妝?

我就唔係日日化嘅, 都係睇心情啦 ☺️

加上一早已經紋咗眼線 + 飄咗眉 + 植咗睫毛, 其實都冇乜嘢要化, 淨係搽層 cushion 再掃少少碎粉定妝, 均勻一下膚色就出得門口 ✌🏻

自從轉用下面呢支「ANESSA 極防水美肌 UV 透滑 BB 霜 」之後, 而家仲連粉底碎粉都慳返𠻹! 淨係搽佢 1 支就有齊 SPF50 防曬 + 防汗水粉底 + 控油定妝功效, 又再慳返多啲時間 👏🏻

反正化唔化妝都係要日日搽防曬, 咁揀支有色嘅順便均勻埋膚色就更靚啦~

口罩下的控油修飾毛孔 base「韓國 April Skin💡Perfect Magic Face Starter」

而家每日都要長時間戴口罩, 可以唔化妝就盡量唔好化啦~ 又或者只化眼妝, 等皮膚休息一下, 化咗妝侷住都對皮膚唔好 😉

不過都明白有啲人係貪靚到戴住口罩都想化妝嘅...... 想個妝再持久啲乾爽啲, 控油 base 一定幫到手! 如我以前推介過嘅 NARS「Pore & Shine Control Primer 零毛孔控油妝前底霜」($370), 就係我用過最持久嘅控油 base, 不過乾肌用就會有少許乾。

如想控油之餘有返少少保濕效果, 同時又可 cover 毛孔紋理, 咁就可以考慮今次介紹呢支 April Skin → 

  

因為係保濕 + 控油每樣有啲, 所以論控油度必定不及 oil-free 嘅 NARS, 但對 dry skin 而言就比較合適。一般控油 base 因為偏乾都只適合夏天用, 而呢支就冇咁乾, 一年四季都能用, 我自己都覺得呢支啱用啲, 而且平啲 ☺️

就算唔化妝、剩係想預防出油都可單用, 不過搽咗並唔等於會完全唔溶妝 / 唔出油, 只不過就溶少一半, 持久度再長啲, 一定好過唔用咁解~ (用咗都要卸妝, 避免 block 毛孔)

日本「驚安殿堂」✈️ 化妝品好物分享 2020

雖然而家 hk 乜都買得到, 新貨又追得日本好貼, 不過點計都係日本買會新啲啲 + 抵少少 + 更齊貨嘅~ Share 上個月去日本買咗啲咩 / 好唔好用先, 部份妝品 hk 都有售~

由於篇文太長, 今次只介紹化妝品, skincare 下篇再分享, 要啲時間寫 😉

* 文章內價格以 100 yen 兌 7.1 港元 + 免稅 + 四捨五入計算

** 所有相片均可按圖放大 🔍

KOSE 旗下 ESPRIQUE

hk 官網 : https://www.kose.com.hk/esprique/index.html

總覺得佢 image 同 Shiseido MAQUILLAGE 好似, 都係主攻 OL 路線, 包裝同價位都差不遠

乾肌冬季救星! 🌟 Tom Ford 白色氣墊「Soleil 柔光水瀅白氣墊粉底」用後感

年初曾經分享過 Tom Ford「Traceless Touch (黑盒) 氣墊粉底」嘅用後感, 唔知大家仲有冇印像呢? 舊文重溫 : http://isadoracheng.blogspot.com/2019/Jan/tom-ford-cushion

隔咗咁耐一早用完 lu~~ 

都真心覺得佢效果係好嘅, 想 encore 買多盒 refill, 不過專櫃姐姐見我皮膚乾, 叫我不如試試新啲嗰款「白盒 cushion」→

其實呢款我之前都有去 counter 摸過, 又唔算話好新, 都推出咗 9 個月, 當時唔買佢係因為遮瑕度比黑盒 cushion 低, 加上推出時係春夏, 用佢又似乎太過光潤, 唔夠啞緻控油......

不過見而家冬天皮膚勁乾, 加上早 2 星期前做完 Wiish Derma 嗰個「等離子 treatment」後膚質好咗, 少咗瑕疵, 唔使再用咁高遮瑕度嘅粉底, 就聽專櫃姐姐講 try try 呢款白盒啦~ ☺️ 

(下圖取自 Cosmopolitan HK)

沙漠肌冬天上妝好幫手 👍🏻 植村秀「Skin Perfector 輕潤美膚噴霧」Makeup Refresher Mist

明明搽完 skincare 後都潤潤哋, 但上完粉底同碎粉後隔一陣又再乾到繃繃緊, 乾紋又重現? 之但係唔掃碎粉定妝又好易溶妝喎? 唔通又要換過支粉底? 

冇錯近排天氣真係好乾呀! 乾到搽埋精華油化完妝都覺得塊面好 dry..... 唔想特登買過支新粉底, 其實仲可以考慮買支定妝噴霧自救喎~ 😉

介紹得俾大家自救, 就當然唔係普普通通嘅補水 spray 啦~ 

Shu Uemura 呢支係帶植物精油成份的, 滋潤感好充足, 唔係噴完好似冇噴過嗰啲, 噴完個妝真係會 K.O 到乾燥感, 望上去更平滑剔透, 係我冬天妝後嘅好幫手! 👍🏻

Laura Mercier 新出「輕透水凝潤色粉底 Tinted Moisturizer」用後感

Tinted Moisturizer = 粉底❓

雖然近年好多牌子都已將 tinted moisturizer 歸入 foundation 類別, 但其實佢真正解法係「潤色霜」👉🏻 一款䕶膚成份比粉底多, 滋潤度有如精華面霜, 同時具唔同膚色選擇嘅 "有色潤面霜", 特別適合 dry skin 秋冬用。

由於䕶膚成份較多, 色體佔少, 於是妝感都偏透薄, 遮瑕度 + 持久度都比 foundation 低, 所以嚴格來說並非真正嘅粉底, 比較似膚色 base 多啲, 不過都有好多人會當佢係薄身粉底用~

我自己就多數當佢係防曬 base 用, 勝在好似粉底咁多色揀, 質地又柔滑貼膚, 好過用嗰啲紫色 / 綠色 / 白色 base 搽到塊面鬼咁白。有時出一陣街唔想化咁多妝, 都會就咁搽完 serum 就搽 tinted moisturizer, 再掃少少碎粉定妝簡單均勻一下膚色, 遮掩倦容 ☺️

又睇睇今次 Laura Mercier 新出呢支 Tinted Moisturizer 啱唔啱你?~

Shiseido 新出「Synchro Skin 感肌同步持久底妝系列」用後報告

今次敗家係俾個客引誘嘅~ 話說客人過來紋眼線時話 Shiseido 出咗新粉底, 好似好好用咁, 問我試咗未? 於是我放工就即刻走咗去 Shiseido 八卦 😆

發現成個「Synchro Skin 底妝系列」原來都出咗幾多嘢喎! 剛好見 counter 冇乜人我就全部試試, 最後買咗粉底液 + 遮瑕膏 + 碎粉, 用咗 2 星期, 報告一下效果先~ 

TALIKA 新出遮瑕筆 + 眼影霜 👍🏻 掂喎!

TALIKA 嘅美容儀器 / 睫毛增長精華咁出名, 應該冇人唔識啦 ☺️

唔講唔知原來佢新出嘅眼妝品都好 ok 喎! 話晒都係眼部產品護理專家, 出嘅眼妝品就當然唔止剩係化妝咁簡單, 係將護膚同化妝合 2 為 1 咗, 有效淡紋同 up lift, 仲有好多項專利𠻹!

先講講呢支遮瑕筆 →

GUERLAIN 全新秋妝「PARURE GOLD 金鑽修顏系列」review

GUERLAIN 每次出嘅化妝品都 grand 到一個點, 尤其係啲限量品就更加令人注目, 質地仲要幾唔錯𠻹, 唔係只得個樣~

而今季新出嘅秋妝「PARURE GOLD  金鑽修顏系列」, 除咗繼續 keep 住高貴靚樣之外, 仲非常實用 + 質感靚 + 妝效極好! 👏🏻

一齊睇睇化出嚟嘅效果吖~~ 😊

RMK「Translucent Face Powder 輕透蜜粉」review

數數下 RMK 嘅產品原來曾經都試過唔少, 尤其係佢嘅粉底 / base 我仲 keep 住買咗好幾年𠻹, 到而家都仲用緊 (買嚟教化妝班用), 貪佢夠貼面夠 coverage, 感覺唔乾又冇香料~

不過佢嘅定妝碎粉我就從來未用過, 皆因響專櫃試 tester 已經覺得佢好閃, 冇乜意慾買嚟試。咁啱上次 sale 嗰陣買咗套粉底 set, 裡邊附設咗呢盒粉 (half size), 好啦~ 就順便試下 ☺️

「抗磨擦」不脫妝? 🔆 Kanebo ALLIE「EXTRA UV BB GEL 特效防曬 BB 霜 SPF50 PA++++」用後感

見 SaSa 今期呢張 Kanebo ALLIE 防曬廣告貼得咁勁, 主推耐汗防水 + 抗磨擦不易脫落 + 高效防 UV + 加入棈華成份, 好似幾好咁, 我又去八封一下 😎

試過佢幾款 tester 上手, 質感似乎幾 ok, 不過屋企仲有 2 支防曬未用完唔想浪費, 於是就改買防曬 BB gel 試了。

ALLIE 係 SaSa 今期防曬 Top 10 之一 →

Guerlain 新出「祼光絲柔精華粉底液 L'ESSENTIEL Natural Glow Foundation」用後感

Guerlain 春夏新出呢支 foundation 其實已經收到成個月...... 

我又衰嘅, 今期成日趕住衝出門口返工, 求其三爬兩撥化個妝就算, 總係唔記得咗試佢 😆

見星期日終於得閒, 實行冇街去都攞佢出嚟試試先~

點知原來都幾唔錯喎! 有驚喜! 呢支可以 keep~~ 👏🏻

Paul & Joe「升級版水凝透亮啫喱粉底霜 Gel Foundation」用後感

失驚無神衝入化妝 counter 買嘢, 好多人都試過......

而我今次就係收工諗住返屋企, 點知老公突然打嚟叫我 join 埋佢啲朋友食飯, 收咗線先醒起自己全日帶口罩開工冇化妝喎! 成個手袋得 1 支潤唇膏, 點見人呢?

好彩一早紋咗眼線 + 整咗角蛋白睫毛, 至少叫做「有眼妝」🤣

又好彩餐廳出面就係 FACESSS, 於是就打算揾個 counter 買支唇膏搽下, 等個嘴有返啲色, 至於底妝...... 我已經豁咗出去諗住素顏算數 😆

結果衝咗入 Paul & Joe, 全因當時佢 counter 冇人唔使排隊等 haha~

Armani 春夏新出「POWER FABRIC 持久零瑕粉底霜」review

近日所有 Armani 廣告都係 promote 緊呢盒新出粉底霜, 主 sell 高遮瑕度 + 持久遮瑕 + 輕盈貼服, 係皇牌 Power Fabric 粉底液嘅「膏狀版」。

以前都拍片推介過 Power Fabric 粉底液係好好用, 今次同系列推出粉底霜喎, 當然好有興趣想試啦! 加上為咗攞泊車優惠總要揾件嘢消費下, 諗都唔使諗即刻衝去 Armani counter~~

試過 tester 覺得幾 ok, 於是就為振興 hk 零售業出咗一分綿力 🤣🤣🤣

NARS「Natural Radiant Longwear Foundation 自然亮采持久粉底液」用後感

一支啱自己膚質用嘅粉底, 可以幫你均勻到膚色 + 修飾到毛孔乾紋 + 平滑到肌膚紋理 + 令你膚質睇上去好似好細緻咗、年輕咗咁....... 咁一支唔啱自己用嘅粉底呢?

我係 NARS 嘅 fans, 當然有買過用緊佢唔少產品啦~ ✌🏻

但係佢今次呢支「Natural Radiant Longwear Foundation」呢, 我就覺得唔係好啱自己膚質喇.....

植村秀 Shu Uemura 新出夏季防水防油「Unlimited 無限輕透持妝粉底液」review

雖然未到夏天, 但各大品牌已陸續推出「防水防油持久粉底」喇~ 

其實而家天氣仲咁清涼, 汗同油都未有一滴, 咁早試夏天粉底係好難測試到防水防油效果, 認為入季先開始試至係最準確嘅評價, 始終咁涼去試夏天粉底, 係一定會有 bias 認為妝感會乾嘛。

不過實在有太多人 inbox 問嚟緊夏天買咩粉底好......

咁我就唯有早啲開始試, 分享下用後感, 等大家預早睇下知道下, 但買就睇定啲先啦, 建議等天氣熱啲再去 counter 試~ 😊 

今次係試 Shu Uemura 新出夏季「Unlimited 無限輕透持妝粉底液」→