* 改舊眉* 飄霧補色效果

曾經紋過眉 / 繡過眉 / 飄霧過眉, 日子耐咗經已退色, 想重新再做但又希望改色 / 改眉型, 唔知得唔得嘅呢? 🤔

如果舊有眉色經已退得七七八八, 只係剩返好淡色, 咁想改眉色 / 改眉型問題係唔大~ 

但若果之前整得好粗好深色, 而顏色又未退得晒, 咁短期內就未必改到眉型喇, 再做飄霧眉亦只能加深, 不能減淡的。

又 share 一下幾個改舊眉例子 →

由於新式飄霧眉色料都用植物性色乳, 可被皮膚吸收再經代謝排出體外, 冇重金屬成份, 亦唔會做到好深層, 所以日子耐咗顏色變淡係正常, 能夠 last 幾耐主要視乎你整幾深色, 而大部份人 1 年後就會忍唔住想再整。

以下圖為例, 過 1 年退色後邊框位同線條變得模糊係好正常, 其實都可接受, 自己用眉筆填少少色都 ok, 但當然重新整過唔使畫眉就更爽啦~ 😆

所以呢類情況重新再飄霧, 係只需加返線條 + 補霧少少底色就足夠, 眉型我亦改 balance 咗, 至於舊有啡紅眉色我就用咗橄欖啡色去調改, 於是好快地 1.5 hr 又變返堂靚眉~

Shiseido「Synchro Skin White Cushion Compact 智能美白氣墊粉底」用後感

Shiseido 上一款黑盒「智能氣墊粉底」雖然已經推出咗 2 年, 但依然係我嘅最愛! 當年係買完一盒又一盒, 無法自拔~  

直到後來為咗寫 blog 不停試其他新粉底, 試下試下就漸漸遺忘咗佢了 😅

而下圖較新推出嘅呢款同系列「Synchro Skin White Cushion Compact 智能美白氣墊粉底」, 本來一出嗰陣都有去專櫃睇過, 但 sales 姐姐話呢隻白盒冇黑盒咁滋潤, 我皮膚又乾喎, 於是就冇買嚟試了......

咁啱上個月 X'mas 推出咗聖誕限量包裝, PR 姐姐 send 咗俾我試, 既然兜兜轉轉整定我要試佢, 咁我就唔客氣喇~ 😆

「無針埋線 vs. 蛋白線埋線」邊樣效果好啲? 真如堂中醫「穴位蛋白線」效果

剛介紹完「無針埋線」, inbox 就收到好多人問比起我以前去 "真如堂" 做過嘅「穴位蛋白線埋線」, 效果邊樣好啲? 「無針埋線」又係咪真係可以媲美「蛋白線埋線」?

遇啱我放完產假返工見人前作最後瘦面準備, 上星期都有去 "真如堂" 做咗次「穴位蛋白線埋線」, 又等我分析一下 2 者效果分別, 等大家參考一下啦~ 😊

先講「Liftera V Lift 無針埋線」→

雖被包裝美喻為「無針埋線」, 但講到底其實都只係新式 HIFU 機, 同真正埋線效果都係有分別, firming 效果當然有啦, 但就只可稍為收緊下巴 + 鬆弛咗嘅肉, 從而達至整體緊膚瘦面效果, 但就唔會有咩戲劇性改善, 唔會由肥面變激瘦, 亦唔能夠改善到面部不對稱 / 眼尾下垂問題。

所以會較適合面部已經出現鬆弛下垂 / 肥腫的人做 (例如產後嘅我), 若果本身塊面瘦 / 皮膚唔太鬆 / 年紀較輕去做, 效果就唔會太明顯。


再講「穴位蛋白線埋線」→

下圖係上星期去 "真如堂" 做完 10 條「穴位蛋白線」嘅即時效果~ 💆🏻‍♀️

早前打咗次 HIFU 已經收咗少少腫, 不過都仲係覺得唔夠, 再做埋「穴位蛋白線」拉提效果就明顯 double up! 望上去又再後生啲~

FANCL 冬季新出「無添加亮肌盈潤粉底霜」+「無添加亮肌盈潤底霜」review

呢套新出嘅「無添加亮肌盈潤粉底霜」+「無添加亮肌盈潤底霜」係 X'mas 前就收到了, 但之前坐月好耐冇出街冇化妝, 一直到今日先攞出嚟試, 即刻寫個 review 先~

首先 FANCL 嘅化妝品我覺得碎粉 + 粉餅 + 眉筆 + 唇膏 + 胭脂粉 + 眼影粉都係好 ok 的 👍🏻

唯獨係 base 同 foundation 差少少......

差響邊呢? 

最主要係所有 base 顏色都偏白 (日本嘢係咁), 質地較乾, 唔容易推勻, 而 foundation 亦同樣唔夠保濕貼面, 唔夠均勻之外妝效亦唔持久。But 都係嗰句, 勝在無添加囉 😅

又睇睇今次新出嘅 base + 粉底霜有冇改進到~

我要減肥! 我要燒脂! 💪🏻

生完 bb 成個人肥咗 2-3 個碼, 由 S 變 L 心情極度沮喪, 轉季靚衫全部得個睇字著唔落, 而家坐完月終於可以開始努力減減佢喇! 💪🏻

至於點減.....

照舊都係靠食 supplement 啦~ 

我都係懶嗰堆唔做運動, 個人又為食戒唔到口, 最好唔使節食、唔使郁都可以瘦~ 😝

今次推介嘅 7 款瘦身 / 燒脂 / 排毒 supplement, 以前都有響 blog 或 FB 介紹過, 既然試過 work 就當然要繼續 encore 啦~

「無針埋線」同 HIFU 有咩分別?「Liftera Ultra V Lift」無針埋線緊緻瘦面效果

放咗 1 個月產假, 再休息多一陣就要準備開始返工喇~ 🤱🏻

雖然個身仍然係肥腫要再慢慢努力減, 不過做完「古法紮肚」都總算叫做對個身交待咗, 係時候輪到減塊面~

比起修身瘦 body, 我覺得塊面係相對易減啲, 尤其只要肯付出少少 $ 就得喇 😆

話晒生完 bb 塊面腫到豬頭咁, 又多咗個雙下巴, 連條頸都粗咗, 單靠自己搽 firming 護膚品根本冇可能減到, 就算用埋家用式瘦面機都唔幫得幾多, 想加速瘦面進度出得街見人, 就要靠外援幫幫手了~

瘦面外援有咩選擇?

當然係去美容院做機最快見效啦! 首選係最新興嘅「Liftera Ultra V Lift」= 而家啲廣告成日推嘅「無針埋線」緊緻瘦面 treatment 💆🏻‍♀️

「產後古法紥肚」15 日成果

上星期已 share 過「古法紥肚」10 日效果, 尋日剛完成晒全個 15 日療程, 又分享下效果同感想先 😌

首先呢段期間我並冇節食 / 冇食過減肥 supplement, 始終養好身體緊要啲, 所以坐月期間想修身能夠做嘅就只有靠搽瘦身 skincare 了。

不過上一胎試過只靠搽瘦身產品係減得好慢, 每晚狂搽狂捽都要 8 個月先瘦得返晒, 過程係好漫長好攰, 而且期間買瘦身產品嘅 $ 都唔少, 所以今胎就決定試試揾人上門做 「古法紥肚」, 今日終於完成晒 15 日療程, 效果我係滿意嘅! 

當然唔會即刻瘦到好似以前咁, 但就於短短 15 日內加快咗修身速度, 成個人感覺輕返好多, 就算之後靠自己減都容易啲 👍🏻

6 款 BB 䕶膚品牌推介 baby skincare 👶🏻

話晒已經係第 3 胎, BB 䕶膚品必定試過唔少啦~ 

話說 10 年前哥哥出世時, BB skincare 選擇得好少, 來來去去唔係用「強生」就「施巴」(但哥哥用「強生」會敏感起紅疹)。5 年後到妹妹出世選擇已經多咗好多, 仲有唔少天然有機牌子揀𠻹! 到而家又過咗 5 年, 輪到細佬出世選擇當然就更多啦~ 

今次推介嘅 6 款 BB 䕶膚品牌, 其實用過冇話邊隻特別好啲, 至少用完冇出現過敏感, 成份亦全部適合嬰幼兒使用~

Burt's Bees 天然寶寶護理系列 →

全系列有 body lotion + 沐浴露 + 洗頭水 + 尿片膏 + 萬用軟膏等等, 98%-99.8% 天然安全成份, 採用不刺激眼睛配方, 不含硫酸 / 酞酸鹽 / 石化物 / 苯甲酸酯, 唔會刺激 BB 皮膚, 經兒科醫生驗證為防過敏配方。

售價每件為 $89-$99，外型上最靚係佢，送禮一流 🎁

Burt's Bees 專門店、部份萬寧及屈臣氏有售

https://www.burtsbees.com.hk/天然寶寶護理系列

有圖有真相 😙 產後「古法紥肚」收腹修身 真係得??

雖然我本身係瘦底, 但懷孕後期同產後亦難免腫過豬頭...... 😔

加上已經係第 3 胎, 個肚唔鬆就假, 生完都仲好似有 6 個月肚咁..... 我仲記得生完第 2 晚護士經過望一望我個肚問 :「咦? 乜你仲未生咩? 未生點解響產後病床嘅?」真係 hurt 爆呀 😅

生完 2 星期個肚仍然有咁大, 淨係著得入孕期褲, 連束腰褲 XL size 都著唔落 →

SaSa 扺買 40 周年限量「Beauty Closet 美妝衣櫥聖誕倒數月曆」開封 🎁

今年連 SaSa 都有出聖誕倒數 Advent Calendar 呀，包裝外型仲要好靚𠻹! 裡邊仲附設埋一筒顏色筆，等你開盒後可以幫兩邊啲花花填色 😍

內裡每格小抽屜都藏有 1 件化妝品 / 護膚品，total 有 12 件 →

最驚喜係佢只售 $888!! 但裡邊嘅產品就價值 $3,386 !! 

好明顯我係等唔切 X'mas 就已經拆晒啲禮物出嚟啦 🤣個盒亦可以 recycle 用嚟放文具，或者俾囡囡用嚟放 barbie 衫仔都唔錯喎~ 

繼續睇睇裡邊收埋咗啲乜嘢寶貝啦~

(trial products given by SaSa)

紐西蘭有機天然護膚品「Antipodes 潔面啫喱 + 爽膚水 + 精華素」review

呢 3 支有機天然洗面啫喱 + 爽膚水 + 精華素，係大半年前訪問紐西蘭護膚品牌「Antipodes」CEO 時送俾我試用嘅禮物，等我孕期可以用返啲天然有機 skincare，早已全部用完了，襯 👶🏻未出世仲有時間， share 下用後感先~

HELENA RUBINSTEIN「PRODIGY Make Up Remover 卸妝膏」用後感

話說呢支 HR 卸妝膏網上好評都唔少，好多用家都大讚，dry skin 特別啱用咁話~

咁啱閨密去 HR 買嘢送咗支 travel size 唔用俾咗我，又試試係咪真係咁好用先 🤗

孕裝最終回 🤰🏻(11 月淘寶秋冬裝)

有 follow 我 Facebook 嘅朋友應該知道我已經放緊產假 ，就快可以見到 👶🏻喇~~

卸貨在即，而家塊面 + body 已腫脹到去一個點，唔係好想見人..... 😓所以今次 outfit 文就恕我唔著上身影俾大家睇了，只 post 今期買咗啲咩衫。

同上幾次一樣，今次介紹嘅衫亦非全部孕裝，只係稍為鬆身嘅款式，孕婦 + 普通人都啱著，而且佔大部份我其實係買定嚟等生完 bb 之後著的，都就快生得唔使再買孕裝喇~


雪紡併接連身裙 →

呢條裙話就話係孕裝，不過其實只係稍為鬆身嘅普通款式，一啲孕味都冇，我個肚咁巨甚至認為係窄𠻹! (但非巨肚孕媽應該可以著到生) 留返生完 bb 之後著就啱晒~

¥ 99 / 2 色選擇 (free size)  
https://item.taobao.com/併接連身裙

「英國暢銷 Instant Lash 睫毛眉毛濃密精華 + Instant Eyes 眼部啫喱」用後感

呢 2 支我係 5 個月前於飛機上買的，印像中一 set 係 $500 左右，好明顯係喺機上悶到發慌揭開 duty free 本書仔睇到，不經意地敗咗家 😂

見佢講到自己效果好勁咁，響外國得過好多獎，又唔算貴，加上認為擺得入 duty free 應該都係 best seller，唔會差得去邊卦? 所以就買咗 try try~ 

秋冬 Light Smokey 眼粧

唔知大家有冇睇開 FANCL 每個月免費派發嘅 newsletter 呢?~ 

幫 FANCL 寫化妝專欄差不多有接近 1 年喇，又係時候到期暫別，完結篇特別揀咗個「秋冬眼妝」示範，係任何眼型都適合化㗎~ 😃

Light Smokey 眼妝

Step 1 : 於整個眼蓋掃上淡啡色 eyeshadow

Step 2 : 再於低一半位置掃上深啡色 eyeshadow

Step 3 : 畫上較粗的眼線，於眼線乾透前用棉花棒將眼線微微燻染開

Step 4 : 下眼線後方 2/3 處添加一點淡啡色 eyeshadow

雖然同傳統 smokey eyes 一樣係由淺至深漸層暈染，不過就屬於「微煙燻感」，比平時嘅 smokey eyes 更柔和、更適合日常使用、步驟亦簡單得多，就算係化妝新手都冇難度 ✌🏻

其他秋妝要點 →

飄眉 vs. 霧眉 vs. 新式飄霧眉 •● 有咩分別?

好多客人整眉之前都會問做「飄眉」定「霧眉」好?

其實「飄」同「霧」都各有各優點缺點，但如果只能揀一款的話，我會揀做「飄」。不過對於眉型太幼 / 眉毛稀疏的人，都係先做「飄 」再加少少「霧」互補更好，既有底色又有線條感，色效亦會更 long keep，大家睇完就明白了 😉

霧眉 →

✔︎ 好似用眉粉填色咁，效果輕淡，柔和自然

✘ 由於只有底色，欠缺線條感，若果本身眉型太幼 / 唔夠眉毛，夾硬做霧眉就會好似 "一堆真眉毛外邊加咗個淺色框"，會同真眉毛產生明顯色差，一眼就俾人望穿，而且剛整完時會較實色, downtime 期會似小虎, 日子耐咗退色後邊框位顏色仲會燻染化開。

(好友於韓國做的「霧眉」效果)

NARS「2018 聖誕限量版妝品系列」率先睇

每年 NARS 嘅聖誕限量妝品都係出晒名實用 + 值得搶購，無論幾迫人都要去望望嗰種，今年當然冇例外，款式仲要靚過往年𠻹呀! 😍

今年 packing 除咗用上 70 年代龐克風窩釘 design 之外，仲推出咗好多 gift set + 化妝組合，仲有可以陪住你倒數、內藏 24 件迷你妝品嘅 Advent Calendar! 

真係睇見都心跳加速~~ 

近期用緊嘅卸妝水 / 卸妝油 / 潔面品 / 磨砂產品

仲有 1 個月多啲 👶🏻就出世了~~

愈接近放產假工作就愈忙，要趕工完成晒所有 booking 先安心，所以呢個月都係一起身就返工、一放工就瞓覺，連 blog / video 都冇時間 update 了，唯有等放產假 BB 出世前休閑啲先再接再厲啦~

話說幫咁多位客人整過「角蛋白睫毛」treatment，自己對眼又點會冇整呢，整完仲好翹好精神𠻹，趕時間嗰陣連眼妝都唔使化咁滯~

至於點樣可以令弧度 keep 得持久啲?

自從整咗「角蛋白睫毛」後，認為睫毛都夠捲曲同粗黑了，就好少再搽 mascara，只會畫 eyeliner + 少少 eyeshadow，眼妝變得更易卸，於是就改咗用卸妝水，好少用有油份嘅 eye makeup remover 喇~ 而 cleansing oil 就仍然每晚都會用，不過就只用來卸臉妝，用時會盡量避開睫毛，睫毛愈少接觸油份，捲曲效果就可以維持得更耐 👏🏻

整完 1.5 個月後睫毛仍然上翹 →

雖然眼尾部份已冇初初整好時咁翹，但其他位都仍然 keep 到，就好似夾咗眼睫毛咁 🤗

另外因 eye cream 都含有油份，搽 eye cream 時都要避開睫毛喔~

唔請陪月姨姨，自己坐月要點做?

話說早 10 年 8 年前，陪月姨姨只係部份有 budget 嘅人家先會請，進展到近年幾乎 7-8 成孕媽都會請。所以自從我 🤰🏻之後，就有好多讀者 inbox 問我 book 咗邊間陪月呢?

我....... 其實...... 真係完全冇諗過要請呀! 🤣

好多人聽到都話「下? 唔請?!」似乎好驚嚇.... 😅

其實好多人以前生嗰陣都冇請陪月㗎，冇話唔得嘅，係辛苦少少囉，但自覺辛苦一下都係一個過程，值得的~ 更何況既然我頭 2 胎都冇請陪月，頭一胎仲要係 31 週早產嬰都攪得掂，呢一胎就更加有經驗唔需要請陪月了~

但對於生第 1 胎嘅媽媽嚟講一定係會緊張啲，擔心唔知點應付好，如冇家人幫手，請個陪月照顧一下亦無可厚非~ 無論大家有冇打算請陪月，我都 share 少少自己嘅坐月經驗同心得，等大家有個知字啦 🤗

食 / 湯水方面

坐月期間不宜大量進補，要食得清淡，來來去去都係清菜 / 蒸雞 / 薑飯 / 蒸肉餅之類，煮法唔係特別難，加上而家網上啲坐月餐單咁公開，仲教埋煮法、有咩湯水合適等等，工人姐姐 or 屋企人都煮到，冇人煮仲可以上網訂「坐月餐 / 上奶湯」每日送上門𠻹!

網上「坐月餐」訂購公司眾多，每日速遞一日三餐月費由 $8000 至萬幾蚊都有，附上其中一間資料 : https://www.ulifehk.com/

但格過價最平月費都要 $8000 左右，仲要只得一人份量，想慳 $ 就當然係揾家人 / 工人姐姐幫手煮啦，不過湯水就未必人人識㷛、準備功夫亦繁多，我就覺得可以上網訂 😉

「眉毛濃密者補色 / 補崩位 / 補高低」飄眉 • 霧眉 special offer

近來整「角蛋白睫毛」同客人接觸多咗，好多人傾傾下計都會順道問起:「我堂眉使唔使做飄眉 / 霧眉呢?」

當然係視乎個人需要啦~  但若果眉毛稀疏 / 冇乜眉毛 / 斷眉 / 唔夠色，咁「飄眉 / 霧眉」一定係最好嘅選擇，單係唔使每朝早畫眉煩少樣、慳返化妝時間呢點已經夠方便啦~

而家就連唔少男仕都會約做飄眉𠻹，common 到不得了~

Lash Lift「角蛋白睫毛」小疑問??

好多客人預約整「角蛋白睫毛」時都會問 :「Isa 係咪就快生得? 約佢整睫毛會唔會辛若到佢?」

真係好多謝大家關心呀~~ 😘

我其實仲有 2 個月先開始放產假，所以同其他孕媽一樣都仍然努力返緊工㗎~ 

而整睫毛 / 飄眉 / 教化妝班呢類工作，對我嚟講亦都係好輕鬆，唔使走來走去，workload 並唔重，所以唔使擔心我會覺得辛苦~

另外唔少客人嚟整睫毛都會有個共同疑問，就係「睫毛多與少會唔會影響效果呢」??

D.U.P 新出「Orishiki 折式 ● 隱形薄膜雙眼皮膠水」review

早幾日響 Facebook 提到買咗呢支 D.U.P 新出「Orishiki 折式 ● 隱形薄膜雙眼皮膠水」，又話係日本 Cosme 第 1 位，估唔到完全係賴嘢之作..... 😬

本來已經想掉咗佢，但又有唔少留言話想知佢有幾賴嘢?  😅

襯臨掉落垃圾筒前出出圖先 haha~

孕婦一週穿搭 🤰🏻(9 月初秋)

踏入孕 7 月，肚肚又大咗~

平時嘅衫已經緊到著唔落喇，於是又買多咗幾件鬆身衫。當個肚去到咁嘅 size 買衫真係愈嚟愈有難度，普通 boutique 一定唔使諗，唯有靠淘寶了~

厚身針織冷背心 (孕裝) →

話就話係孕裝，但其實只係一件普通厚身針織背心，亦非特別大件，普通人同樣著到，襯衫用一流，又可以擋冷氣 + 遮一遮肥大 hip 位，質地仲要幾靚幾厚身，秋冬仍可繼續著，物超所值! 😍

Makeup Secret 化妝品用後感 + 試色【Shiseido 最新系列 + 植村秀 + Urban Decay + cle de peau + Covermark】2018 9月 review

Shu Uemura 植村秀新出「the lightbulb 白瓷光感粉底液」review

咦?? 呢支「the lightbulb 白瓷光感粉底液」唔係幾年前已經有喇咩? 點解會係新出? 

其實今次呢支係全新版本，雖然中文名一樣叫「白瓷光感粉底液」，但英文名以前嗰支叫做「the lightbulb glow-coverage-comfort」，而新出呢支就叫「the lightbulb second-skin glow breathable perfection」，妝效同以前嗰支唔同㗎~   

試用咗一排，又係時候寫個 review 😌

貴婦級氣墊粉底! cle de peau 首個新出 cushion「鑽光水凝氣墊粉底」review

cle de peau 嘅底妝產品一向出名，上月新推出嘅「鑽光水凝氣墊粉底」仲備受一班明星名人熱捧，唔知係咪真係所講咁好用呢? 

出於 cle 家粉絲心態又好、出於好奇心又好，話晒係 cle 第一次出 cushion 粉底，點都要捧捧場嘅~

單睇佢個奢華貴婦 feel 鏡面盒設計已經被迷暈! 😆

媽媽私密分享「萬一私處受感染發炎點算好? K.O 妹妹發炎、不再翻發有得預防」

Regal Green 私密淨

Facebook : Regal Green

屈臣氏有售
網上購買: ZINOMALL.com
Website: https://herbs.hk/product/regal-green-femininecare

(trial product given by Regal Green)

台灣 BeautyMaker 新出「Perfect Concealer Palette 遮瑕組合」review

話說一盒有幾隻色嘅遮瑕組合，我舖頭都有隻美國「Cinema Secrets 五色遮瑕膏」，都用咗好多年喇~ 只不過佢每次一 sold out 等美國訂貨都好耐，遇上缺貨時我上堂教班就好頭痕 😩

但要揾過隻牌子暫時 replace 都唔容易呀! 始終要一盒有齊深淺橙色 corrector + 深淺膚色遮瑕膏，顏色仲要合心意 + 質地唔要乾 + 貼皮膚喎，其實係好難揾.....

雖然而家「Cinema Secrets 五色遮瑕膏」已經返咗現貨，但我之前都貪新鮮買咗盒台灣「BeautyMaker Perfect Concealer Palette」，勝在價錢唔貴只係百幾蚊，又試試先~

勁 hit ! 👁👁 歐美 Lash Lift「角蛋白捲曲美睫術」

「角蛋白睫毛」响歐美 + 日韓都 hit 咗好耐喇~

只不過 hk 都係近呢一年先興起，甚至仲有好多人仍未知佢同「孕睫術、傳統電睫毛、植眼睫毛」有咩分別?

我又 share 吓~ 🤗

孕婦一週穿搭 🤰🏻(夏 8 月中)

踏入孕 6 月，重咗 18 磅，個肚又漲咗 👶🏻

本身已經唔屬於「由懷孕到生都唔會肥」嘅得天獨厚體質，加上今個月仲要變得大食咗，身型開始愈來愈圓潤喇，點都要添置幾件孕裝，但仍然堅持「盡量買鬆身衫．少買孕裝」concept，務求生完 BB 都著得返~ 

所以今篇亦係 mix 咗普通衫 + 孕裝，普通人 / 準媽媽都啱睇~

連身牛仔褲 (孕裝) →

連身裙 / 連身褲仍然係我孕期最愛，唔使諗點襯，一笠就得夠方便 💗

呢條連身褲有 L / XL 分，但最細只得 L size，而且並非修身 cutting，質地亦偏厚，著上後會臃腫啲，勝在超大件可以著到生兼夠平。

有黑 / 藍色選擇，購自淘寶 ¥ 118 @ https://item.taobao.com/item002