秋冬 Light Smokey 眼粧

唔知大家有冇睇開 FANCL 每個月免費派發嘅 newsletter 呢?~ 

幫 FANCL 寫化妝專欄差不多有接近 1 年喇，又係時候到期暫別，完結篇特別揀咗個「秋冬眼妝」示範，係任何眼型都適合化㗎~ 😃

Light Smokey 眼妝

Step 1 : 於整個眼蓋掃上淡啡色 eyeshadow

Step 2 : 再於低一半位置掃上深啡色 eyeshadow

Step 3 : 畫上較粗的眼線，於眼線乾透前用棉花棒將眼線微微燻染開

Step 4 : 下眼線後方 2/3 處添加一點淡啡色 eyeshadow

雖然同傳統 smokey eyes 一樣係由淺至深漸層暈染，不過就屬於「微煙燻感」，比平時嘅 smokey eyes 更柔和、更適合日常使用、步驟亦簡單得多，就算係化妝新手都冇難度 ✌🏻

其他秋妝要點 →

CLINICZ x Isadora 免費新年化妝班

水亮彈滑肌膚再配合精緻動人嘅賀年妝，等大家响新一年可以大行桃花運呀！

1 月 8 號我就會聯同 CLINICZ 舉辦「免費新年化妝班」，教大家點樣化個醒神亮眼賀年新妝，參加者仲可以可免費尊享「CLINICZ 720 Scan Genius 皮膚紋理及輪廓分析」乙次 (價值$1,200)！

快 d 登記參加啦: https://goo.gl/dHCspf

玩玩唇膏試色~

好多人都知，我一向都唔鐘意自己個嘴......

雖然鐘意厚唇，但就認為自己唇型唔靚，唇框位又唔夠實線、鬆鬆矇矇咁好似污嘴狗，搽親唇膏都要預先用 concealer 遮好唇框，好麻煩呀......

為了隱藏唇部缺點，我通常都愛用 nude 色 / 淡色唇膏，又或者化個唔需要凸顯唇線的咬唇妝，總之盡量將焦點移離個嘴。

不過大家都知近 2 年真係好興玩唇色啦，仲要又紅又 sharp 個種! 

好老實，自己係 makeup artist 都咁講，化人唔同化自己，化落人地度靚、不等於自用同樣靚，加上本身唇型又麻麻，用了幾個月時間先說服到自己用呢類唇色，結果試下試下慢慢就接受了，仲覺得幾靚、幾新鮮添!

今日返工之前就試了幾款新唇色玩玩，順便俾大家望望實物試色圖~

偽鬼妹妝??

係似鬼定似鬼妹??

我已經分唔到 hahaha~

純粹興起無聊玩玩~



Video 內用過的妝物 (順序) →

back to hk + 蘋果日報訪問 + Kiehl's Sleeping Mask 用後感

剛從北京回港, 返到屋企囡囡見到我如同陌生人一樣, 好 hurt.... 所以說家中有小朋友真的不能出太多 trip, 海外 pre-wedding 與我無緣了....  

上星期工作行程特別緊湊, 上機前一晚還接受了蘋果日報訪問 + 教化妝班, 去到北京還要遙距處理幾單 hk 的廣告化妝, 好擔心因自己不能跟場會有什麼閃失.... 好彩總算又過了幾關, 感激一班 makeup artist 落力幫到手!

這幾天我近乎是與世隔絕, 內地把 facebook 等網站都全 block 了, 就連 blog 都上不到, 而我又換了中國電話卡, 所以.... 今天回來時有看到大家的留言, 請待我慢慢每個回覆~

離開了 hk 一星期, 一返來就見到蘋果日報訪問已出街, 分享一下~

(按圖可放大)

小誤會一則~

在早前 post 過的 "今期全城熱話: Loreal Magic Blur 美塗霜" blog 文中, 曾收到有關 silica 等成份問題留言, 我認為其中一位 blog 友的提問很好, 也值得分享給大家認識有關這個成份的迷思~

舊文重溫: http://isadoracheng.blogspot.hk/2015/03/loreal-magic-blur.html

問題是這樣的:

"你所講既Silicon / Silica 係咪=Dimethicone ??
我看成份表好少見到Silicon / Silica 多數見 Dimethicone
Silicon / Silica 唔係係化妝品&護膚品裡面係禁用既咩???
但好果你講到Dimethicone係完全=Silicon / Silica...
雖然都係化學野..唔係用黎護膚的好東西..
但其實佢地都有好大分別吓ga wo...
我個人覺得未免有點兒誇大了。
你睇到這留言的話希望你會回啦~ 因我都想了解更多關於Silicon / Silica 既野!!" 

而我當時的回覆:

Dimethicone 是二甲矽油, 是線狀結構的 silicone / silica 黏合劑 = 同類東東, 而它們並不屬禁用成份, 事實上很多舊有及新出的底妝品內也有, 甚至很多高清蜜粉 / 毛孔 base 大部份都有 (如 banila co. / Makeup Forever / Shu Uemrua 等), 會有良好的控油 / 遮毛孔作用, 但同時亦會令皮膚轉乾, 卸妝不徹底也會 block 毛孔引致過敏等, 所以也會有些外國品牌標榜自己沒這些成份, 令使用者更安心, 特別是皮膚易過敏的人~ 另外沒錯它們絕對沒有護膚作用, 所以如有這些成份的 skincare 都只能日間使用了 (個人認為有這些成份的 skincare 還是不用為妙, 化妝品倒沒所謂, 始終不為護膚而用), 而且因它們有斥水性, 不會溶解於水中, 所以卸妝亦必需用 cleansing oil 清洗~

******************************************************************************************************

有關 silica / silicon (矽) / Dimethicone (矽油) 成份是好是壞, 一直存在著不少爭議, 有支持的用家, 亦有反對的用家, 各有理據. 

Silica / silicon (矽) 鐵定是化妝品成份, 如 skincare 內含這些成份的都別用, 尤其在晚間睡前用會 block 毛孔. 但如化妝品含這些成份倒沒所謂喔, 反正晚上也需卸妝. 

而 Dimethicone (矽油) 則屬 silica / silicon 的柔滑黏合劑, 其實也屬同類, 只是形態不同, 雖然未至於有害, 亦有即時柔滑效果, 但我認為凡含 Dimethicone 的護膚品, 都不是好東東, 沒實際護膚作用之餘, 長期用反而會令皮膚變乾 (所以通常也會加入其他補濕成份). 

全部用後也需卸妝, 因為這些成份都有斥水性, 清水 / 普通洗面產品是洗不到的, 所以它們都是化妝品成份, 而放在 skincare 內就可圈可點了, 有人覺得好, 因為有即時效果; 有人覺得不好, 用久了皮膚會乾這樣.

至於會不會致敏的問題, 在早前的 blog 文內亦有解釋過~

這個提問背後也有段小插曲:

我承認 google blogspot 真的有點問題, 有時我在 email 明明見到有留言提示, 但當 click 入文章內回覆時, 有些留言會自動消失不見, 未能個別回覆, 久不久也會發生....

於是偶爾也會發生一些小誤會, 如有時大家可能以為我不回覆等等. 而今次上述 silica 問題提問的 blog 友, 便以為我刻意 delete 了她的留言, 以為我因為覺得唔岩聽, 怕其他人見到她質疑我會沒面子, 認為我沒實力回答, 怕被人看穿, 所以要 delete 她的留言....

當然只是個小誤會~ 

我並不覺得以上那個 silica 提問有任何唔岩聽的地方喔, 也 feel 不到當中有質疑我的地方, 相反還覺得她問得好好, 屬大家都可能想知的迷思, 當時也有回覆了該問題.

所以今天看到 blog 友留言質疑我為何 delete 她的提問時, 我還百思不解, click 進去文章才發現該留言不見了, 同樣地, 她的新留言亦沒在 blog 內顯示, 只能在 email 提示中看到.

我自己當然沒 delete 過, 也不知原因, 明明我當時回覆後 double check 過是仍在的, 絕對沒覺得她的留言有問題呢~ 

其實無論在舊 blog / 新 blog 也好, 任何罵我或是支持我的留言, 過去或現在也好, 我全都不會 delete 的, 任何留言我都歡迎, 不會因為覺得唔岩聽而偷偷刪除, 或刻意迴避不答, 從不會只 keep 對自己有利的留言.

(如偶爾見到 "作者已刪除留言" 的話, 請別誤會, "作者" 意思是指留言者, 並非我刪除的~)

所以純屬小誤會一則, 但由於留言消失了, 我也未能親自向那位 blog 友解釋得到, 如巧合看到, 我仍然非常歡迎再次提問呢, 希望別介懷~ 

【新婚通信】化妝示範花絮 x Maybelline 新出 Big Eyes Mascara review

2-3 星期前化的 Mysterious Black Lady 雜誌妝, 終於刊出了! 自己超喜愛這個妝, 化完後一直在期待雜誌 post 出 ^^

今次的示範妝容, 化法與早幾天拍的 "X'mas Party 紅唇妝" video 相近, 只是沒為 model 貼上假睫毛, 也沒畫下眼線而已 (下外眼線則同樣掃了少許淡啡色 eyeshadow).

Model 天生一副美人胚子, 同樣的妝比我 carry 得靚多倍, 就無需靠假睫毛輔助了, 簡單掃上 mascara 已經好 ok~

大家準備好要化紅唇妝過 X'mas 了嗎? ^^

(btw, 是日拍攝之 studio, 竟然是以前拍攝電影 "六樓後座" 同一單位!)

今次亦有為 model 貼上 "雙眼皮網紋貼", 隱形到影近鏡都不覺眼, 絕對是恩物~

Halloween 萬聖節化妝班 (Full)

上星期的特備 "Halloween 萬聖節化妝班" 終於完成了!

大家似乎玩得很開心呢 ^^

Halloween 化妝除了在萬聖節用得著之外, 其他日子應該不會化吧? 但每逢 Halloween 都總有極多 makeup artist 到各區酒吧 / 蘭桂坊駐場, 為街上的人化妝, 順道賺賺外快的; 也有些人是學來自娛, 幫自己化及替朋友們畫畫玩玩~

我們也有在 Halloween 前應應節喔, 上星期就特別開了一班給校內學員~

本打算只開一班, 後來發現查詢的人原來都不少, 就打算在萬聖節前再 encore 多開一班了! (詳惰在底部)

圖片今次不放大了, 怕引起部分人情緒不安......

堂上花絮: 火燒爛肉製作中!

模仿 NARS 的秋妝 step by step

上月出席了 NARS 彩妝發佈會, 看看今季有什麼新品, 順道也仿了一個 NARS 的 F/W 妝容~

在 Facebook 貼圖時, 大家都說很好看, 大概是因跟我平常的化妝風格不同吧? 這個妝真的極有 NARS 味道!

其實在早 3-4 年前, 我的妝都是這類型格 style 的 (回顧當時拍的 video 便知了), 但近 2 年韓妝殺到, 妝容風格就漸漸被同化, 改變至優雅甜美的妝感. 

今次再化回型格妝, 仍覺得超適合自己! 甚至比韓妝更適合自己呢! 

是時候提醒自己, 偶爾也該走走型格妝路線了~

仿化 NARS 秋妝之前, 先看看新出的秋季系列其中一部份:

分享 Karen 妝容用過的化妝品

上一篇剛分享完 Disney 音樂會工作花絮, 不如今日就來 share 我曾為 Karen 用過什麼化妝品上妝吧~ 這些亦為我工作時經常會用的 product~

很多人都想知道 makeup artist 的化妝箱內, 到底會收埋什麼寶貝? 

其實大部分都是專櫃能買到的產品, 亦有機會是各位家中已擁有的東西, 沒什麼秘密~ 而我化妝箱內的物品, 也會經常轉換或添加的, 趕趕潮流嘛~ 

今次妝前用過的 skincare 都是以小瓶為主, 夠慳位~

無論是 model / artist/ 普通人, 化妝前當然都要先搽 skincare 打好底, 底妝才會貼面平滑. 而所用的 skincare 是否適合膚質, 與底妝貼面度 / 持久度更是息息相關. 以 Karen 偏乾膚質為例, skincare 我都是揀補濕滋潤的為主~

Melvita 有機花水 (最緊要夠防敏)
Clarins Eye Lift 電眼精華 (有緊緻 + 舒緩眼腫效果)

Olecule 滋養更生精華 Nu-concentrate (滋潤度高 + 撫平乾紋)

Chanel 面霜 (純絮補濕用途, 迅速吸收不油膩)

這支我作為補濕 serum 用的 "Olecule 滋養更生精華 Nu-concentrate", 是約 2 個月前在公司突然收到的試用品. 起初不以為意, 一心以為又是 B5 gel 之類, 收到後還隔了很久才開封試用....

看清楚才知道它並非 B5 gel (純絮物有相似), 雖看似是水質質地, 但用後發現原來是極為滋潤的精華! 質感較像精華油, 但就吸收得快好多. 第 1 次用時我還倒出太多了, 結果攪到油淋淋, 所以用量是每次 4 小滴已足夠, 不用多.

售價雖然貴, 但由於每次只需用 4 滴, 也能用上很久, 而且滋潤效果的確高班! 不會有 "塗完仿如沒塗過的揾笨感覺", 用後即時 feel 到皮膚柔軟 + 滋潤 + 撫平乾紋. 對乾性皮膚 / 天氣乾燥時 / 或我每次做完 laser 乾到甩皮時來說, 上妝前用底妝明顯特別貼面, 效果超讚! 

產品小資料

成份含凱因庭, 蜂皇漿, 透明質酸, 蘋果幹細胞, 雪絨花精華, 巨藻萃取物, 水解大豆蛋白等等, 有效延緩細胞老化, 激發肌膚更生修復, 同時抵抗光老化, 為肌膚提供全方位滋養, 減少自由基對皮膚的損害, 緩和過敏泛紅症狀.

$580 

http://www.olecule.com.hk

吸收速度頗快, 感覺柔滑軟綿綿~ 

吸收後是不反光的, 用後乾紋也有即時撫平效果, 但記著用量不要多, 只需 4 滴左右已足夠塗勻全臉, 用太多反而會油淋淋.

底妝

教班時常跟學員說, 要化出持久又貼面之底妝, 只靠 1 款粉底或 1 種上妝技巧, 會很難滿足要求, 不是不夠貼面, 就是不夠遮瑕度, 或不夠持久等等. 

所以為別人化妝, 是需比化自己的妝更講究, 底妝品也會特別多, 才能滿足不同膚質 / 場合需要.

而今次為 Karen 的上鏡妝用過:

RMK 妝前底霜 + 粉底液 + Bobbi Brown 粉底棒

NARS Matte Multiple 陰影棒

glo-minerals + cle de peau 的遮瑕膏

Laura Mercier 碎粉

在未有 glo-minerals 遮瑕膏前, 試過多次用 cle de peau / becca / covermark 等遮瑕膏, 為眼底偏乾的客人上妝, 都仍有隔一陣就現眼紋的問題存在. 後來改了先用 glo-minerals 遮瑕膏打底, 再用高遮瑕度之 cle de peau 遮瑕膏, 情況就大大改善了! 隨後順理成章成為我化妝箱必備品~ 

至於上妝工具, 當然是用 BeautyBlender 粉樸, 每一次工作都會用它, 屬我不敗的上妝好幫手:

胭脂用過 Chanel 的 cream blush, 不含油份, 化上鏡的妝不會反光:

轉妝時也用過 Makeup Forever 的胭脂粉, 顏色是自組的:

Eye Makeup

全晚的妝共用過 NARS 限量眼影 + Maybelline Big Eyes 眼影 + M.A.C 眼影組合. Maybelline 那款是新出的, 今次新鮮熱辣試試它的粉紅色, 粉質非常幼滑! (反而盒 M.A.C 的藍色閃粉太粗粒了, 不夠貼膚)

而眼影打底筆用過 Laura Mercier + VIDIVICI; 眼線筆用過 NYX + M.A.C + Shu Uemura; 眼線液用過 Armani + SK-II + Maybelline (珠光), 全部都是 waterproof formula. 

Maybelline 剛剛新出的 "Love Bag Big Eyes Liner" ($79, 粉紅 /香檳色):

是專為化 "卧蠶妝" 而設的珠光眼線液, 就是不化卧蠶妝, 也能用來畫下眼線 / 前眼角等. 今次的其中一個妝, 便用了粉紅色替 Karen 畫下眼線 + 前眼角.

這類珠光眼線液市面上亦有, 而我認為這支 Maybelline 優勝之處在於粒子較幼細, 不會過於閃爍, 更適合日常使用, 效果較 natural, 最重要是質地夠薄, 不會搽到一舊舊! 而且是防水的不易溶化~

唇妝用過的有:

YSL Top Secrets 唇部打底 (潤唇膏)

不知何解, 這支 Top Secrets 我自己都用過一支, 就不覺得有何特別, 而且售價亦貴. 但用在其他人身上, 效果卻出奇的好.....

Shu Uemura 遮瑕筆

主要用作修飾唇框

M.A.C 唇線筆

Karen 愛 full lips 豐唇效果, 所以我在塗唇膏前, 會先用這支 lip liner 把唇型微微畫厚

Clinique 唇膏筆

買時本打算自用, 結果新歡太多, 用都未用就放入化妝箱了.... 顏色夠出又保濕便是

YSL 唇釉

色效持久又出色, 自從 "來自星星的你" 熱潮後, 很多客人都指定問有沒有 YSL 邊隻邊隻色? 今次音樂會便為 Karen 用過下圖 3 色

Chanel 唇釆

YSL 唇釉雖然持久, 但並不夠 glossy, 想有 "玻璃嘴" 效果的話便需另加 lip gloss. 而 Chanel 的 lip gloss 夠潤澤又夠透亮水嫩, 今次便用過下圖 2 色

今次化 Karen 的妝, 就用過以上這些 product 了 ^^

化妝學員助手問, 何解見我輕輕鬆鬆, 只提一個輕便化妝箱就足夠?

其實也並非每一個工作都能如此精簡, 只是慣了跟 Karen 合作, 知道她需要用什麼, 工作前會 "執執書包", 知道有什麼不會用就不帶.

特別是這類音樂會, 轉妝時間不多, 化妝品愈精簡, 妝也能化得更快, 所以夠用便足夠. 不過月尾的 fashion show 就不同了! 到時候大家記得要準備充足迎戰, 遲點再提醒各位化妝助手要帶什麼去~

Makeup Secret 專業化妝髮型課程

www.makeupsecret.com.hk

* 最新一班 "Step 1 專業化妝師入門課程" 將於下星期 22/9 (逢星期一 7:30pm) 開爐~ see u soon~

3 款洗掃水比併

化妝掃要勤洗的道理, 大家必定明白 (細菌呀)! 

而有關如何洗化妝掃的 video, 幾年前經已 post 過 2-3 個, 不如今次就分享一下大家未必知道的, 及分享 "大洗" 及 "速洗" 的優點 / 缺點.

順道也 share 三款我使用中的速乾 "daily brush cleanser" 用後感~

蘋果動新聞: 畫眉示範

一字眉, 是扮演韓妝之重點吧~

上星期便為蘋果日報做了畫眉示範 (圖片 copy from 蘋果網頁)

刊出後, 老公問我為什麼堂眉是 "粉紅色" 的?

是這樣的, 自從韓妝殺入 hk 後, 有關畫一字眉的化妝示範經已有太多, 所以記者今次就希望我能模仿韓國 K-pop 女星們, 畫一道 "一字粉紅色眉". 

但粉紅色眉當然出不到街, 只能作玩樂性質玩玩~

而今次的妝, 其實只要把眉換回正常啡色, 就已變回普通靚女妝了~

自己動手化新娘妝, 可行嗎?

婚宴支出龐大, 如想慳回一筆, 自己動手化新娘妝, 可行嗎?

當然可以! 不少外國新娘子也是自己化 wedding makeup, 並不為奇, 我的婚宴都是自己化妝的.

但大前題是, 你先要是化妝能手, 或對自己化的妝很有信心 (如本身是 makeup artist 當然 no problem), 也需明確知道過鏡 (頭) 後妝化出來夠不夠色, 以及也要考慮到婚宴流程, 有沒有時間自己轉妝 / 補妝等等.

以一般港式婚宴為例, 一日內要轉換 5-6 個造型的話, 就大可以死心, 當日會忙到沒時間, 更不會有心情慢慢化妝.....

但如只不過是化個註冊妝, 或一個晚宴妝只換 1-2 條裙之類的, 就絕對 ok~

如果自己 set 不到髮型, 亦只需聘用化妝師 / 髮型師, set 一 set 頭就可以了吧, 怎計都能省一筆. 若是愛清簡造型的話, 更可自己動手把頭髮捲曲, 加個頭飾, 就能連 set 頭的錢都可以慳返!

不過, 也有人說自己化結婚妝會 bad luck, 那就視乎你迷不迷信了, 在外國可沒有這個理念.....

今星期找天拍個 video, 示範一下如何為自己化個結婚 look 吧 ^^

Video 講講: 關於粉餅, 你要知道的二三事

上星期推介過 Shu Uemura 的粉餅後, 從留言中發現, 原來大家對有關粉餅的疑問都頗多呢~

"可以用粉餅上妝嗎? 粉餅能否取代粉底液?"

"是否塗了 BB cream / CC cream / makeup base 後, 就可用粉餅?"

"什麼膚質或天氣適合用粉餅?"

"用粉餅定妝, 跟用碎粉有何分別?"

等等等等......

似乎有需要拍個 video 詳細講解, 為大家上上有關粉餅的小小一課~

Enjoy ^^

4 歲兒子的第一次化妝嘗試!

上個 weekend 到奶奶家晚飯, 打算化個淡妝出門, 4 歲的仔仔見到就說要幫我化妝~

其實他已經想試很久了! 每日我化妝時都會站在我旁邊望實~

好吧, 襯有時間就犧牲塊面給你玩玩 ^^

過程及對話是極度好笑的! 下次一定要拍 video~

為免他年紀太小 handle 不到, 就只給他最簡單的化妝品及工具:

粉底一 part 用了最簡便的 "粉底霜" 上妝, 沒有用遮瑕膏. 上粉工具就揀了 Mizuho 將新推出的羊毛濕粉掃給他, 勝在易用.

我: "你取少少粉底掃上媽咪塊面啦"

(然後佢 "督" 落盒粉底霜狂捽......oh...... 犧牲在所難免! hahaha)

仔: "點解掃唔勻既?"

(咁多粉梗係推唔勻啦)

我: "你慢慢掃就得架喇~"

雖然不太均勻, 之後我要自己出手多掃幾下, 但總算順利過關~

碎粉一 part 為求方便, 就給他粉樸拍上碎粉了事:

仔: "你額頭呢度好乾喎?"

我: "哦, 係呀.... 媽咪乾嘛......"

(咁多粉拍上塊面, 唔乾就假)

神情超認真! haha~ 

用回同一支掃上胭脂粉:

這 part 反而對他來說超 easy, 完全不用我出手!

畫眼線:

我: "你畫定我畫呀?"

仔: "我想畫但係我唔識喎? 點畫架?"

我: "你畫落 d 眼睫毛上邊就得架喇~"

仔: "但係我好驚喎!"

我: "唔怕~ 你畫啦, 慢慢畫~"

(放心我仲驚過你, 暗自擔心會唔會被插眼)

Eyeliner 完成圖:

雖然又粗又凹凸, 不過都算係咁, 至少無畫落眼底! hahaha~

眼影 part:

顏色是他選的, 用了 The Balm "Shady Lady" 眼影粉~

Eyeshadow 完成圖:

  

雖然掃到一達達, 但趣味滿分! hahahaha~~~~

仔: "媽咪對唔住, 我唔識畫呀, 你自己整返好佢啦"

我: "唔係呀, 媽咪覺得你化得好好呀~" (鼓勵總要有)

仔: "但係我覺得好肉酸呀....." (加一個好擔心的表情)

好在個仔都識得分咁樣叫肉酸! hahaha~~~~~

唇膏 part:

本以為佢可以輕易填色, 點知畫出界! 然後佢不知所措咁望住畫出界的地方, 唔知點抹好, 表情超 cute~

化完後我問佢下次仲玩唔玩, 佢答得極為詳盡:

"玩呀~ 我覺得媽咪你好靚呀!" (我當然暗自歡喜)

點知仲有......

"不過其實你本身唔靚! 化妝之後就靚囉. 同埋因為你唔靚, 所以你要用好多化妝品先得架, 今次你用咁少化妝品都唔夠靚, 要用多 d 先會靚!"

哈哈哈哈~~~ 真係唔該晒你份咁詳盡既 "賽後報告"!~~~~

  

食飯時我再偷偷問爸爸: "你覺得我個妝今日有咩特別?"

爸爸望兩望: "ummmmm..... 特別..... 肉酸"

hahahahahahaha~~~~~~~~

下次再玩!

Makeup Secret 的 X'mas Sale!

Makeup Secret 網站 ( www.makeupsecret.com.hk ) 正進行每年一度更新, 未來日子將以新面目再次與大家見面~

而舊有的優惠 promotion blog (www.makeupsecret.com.hk/blog), 及化妝學員版 (forum) 亦已停用, 未來將會把所有資訊, 直接於官網內一次過顯示, 不用大家 click 來 click 去那麼麻煩~ 暫時如有查詢的話, 歡迎大家致電詢問~

我們的 X'mas Sale!

由於官網更新未完成, 暫未顯示到最新 promotion 資料, 最近便曾有很多人查詢過 X'mas 期間會否有折扣優惠? 今次專程 post 出來通知各位, 其實 X'mas Sale 已經開始了~

詳情也可到 http://www.makeupsecret.com.hk/promotions_2013120501.html 瀏覽.

而 12 月中, 台灣著名護膚品牌 LOVEISDERMA 及 Valvola, 亦將進駐 Makeup Secret!

每次有新品牌加入, 我也需先研究一段日子, 用過試過覺得滿意才會推介, 所以大家也不難發現我們很少會加入新品牌的, 因為試用也需時間. 希望在未來日子大家都能試到我認為不錯的產品吧~

 

對於零售部常缺現貨, 需要預訂的問題, 我們實在是非常抱歉, 也當然要感激大家體諒及支持!

特別是外國品牌, 訂貨指定每月一次, 訂單一來一回確定, 再運到香港往往都花很長時間 (外國品牌也總一副愛理不理的樣子, 回覆緩慢, 甚至沒貨不通知). 就是本來已多訂 double 數量作為現貨存備, 最終運到來香港時又已過了一段日子, 期間貨存早已沽清. 而日本 Mizuho 化妝掃更是 hand-made 的, 每次大量訂購均需等候 1.5 月.

所以今次特意挑選較近香港的台灣品牌 LOVEISDERMA 及 Valvola, 運貨會更快一點!

未來日子也希望好好改善現貨儲備, 盡量找一些運貨較快的新品牌加入 Makeup Secret, 使大家不用預購便能即時買到心頭好~


日本 Mizuho 2014 新款化妝掃預告

2014 年 Mizuho Brush 除了會有新設計之化妝掃外, 亦將推出 "以 laser 印上個人名字" 之刻名服務, 擁有獨一無二屬於您的化妝掃! (只限訂造) 詳情將於日後公佈~

 

化妝上不能解決的問題

化妝雖然看似很神奇又萬能, 但以下問題, 是任你化妝技術如何高超都好, 也是不能解決的:

(1) 眼紋

如本身已有眼紋的話, 當塗上粉底或遮瑕膏後, 由於顏色會較容易卡在紋內, 就會令眼紋看起來比未化妝前更明顯.

當然你不會因此而不遮黑眼圈. 而在化妝上, 我們也只能盡量揀選不易起褶及貼膚的遮瑕產品, 以逆紋方向慢慢遮蓋, 但都不能 gurantee 眼紋會消失或再次跑出來, 因為眼紋是不會消失的, 而且當眨眼時有 movement, 眼紋很自然會再跟你 say hi, 避無可避.

(2) 眼袋

眼袋是凸起的肌肉或脂肪, 連整容都未能 100% 解決眼袋問題, 化妝當然都不會解決得到, 凸起的眼袋是沒可能變得扁平的.

在化妝上, 我們只可用比膚色淺一點的遮瑕膏, 以小 size 遮瑕膏掃在眼袋底處, 在視覺上令凹下去的位置變得更平面, 盡量拉近與眼袋凸起的距離.

(3) 眼底油脂粒 / 汗腺管粒粒

眼底的油脂粒 / 汗腺管粒粒也屬凸起的, 是化妝品完全不能掩蓋的凸起瑕疵. 就算找皮膚醫生割走亦不能 gurantee 不再長出 (我經已試過兼放棄了, 唯有與它們共存).

(4) 凹凸洞

凹凸洞是真的沒救, 建議不遮 (遮瑕膏) 還好, 一遮反而更覺眼. 在醫學美容上凹凸洞也只能磨皮, 才會變回平滑.

(5) 凸起的濕疹或胎痣

道理如以上一樣, 但凡凸起的瑕疵化妝都不能遮得到. 但濕疹或胎痣的色素是可用遮瑕膏掩蓋, 使其變回膚色的, 只不過遮後一定不會薄, 而且仍然是會凸起.

好像很灰喔, 這些問題都是沒救的......

其實人天生出來就不是完美, 硬要自己變得 perfect 是很辛苦的事.

在追求完美的同時, 學會與這些小瑕疵共存就好.

例如我眼底下的汗腺管粒粒, 多年前找醫生割走後來留下的多個凹凸洞 (當然醫生是有提點過不能根治), 心知是 forever 不會消失了, 也不能用化妝品遮到, 就唯有接受這點不完美, 想一想也沒什麼大不了.

我的大脾位, 也曾在小時候割傷過而縫了 10 多針, 這個疤痕亦同樣永遠不會消失, 但沒所謂吧, 反正我也不是完美, 有這些瑕疵反而令我自己覺得完美多了! hahaha~~~

台灣回來之敗家分享~

台灣經已去過幾次, 今次與一班朋友再去, 估不到也可以敗到台幣用盡! (仲未計簽卡那部分!)

 

其實 HK 已經是購物天堂, 大部分台灣有的化妝品 / skincare 品牌, HK 都有了 (雖然售價可能相差一點點), 就沒什麼好買的. 今次之行買得最多反而是衣物, 比 HK 真的便宜很多!

 

其次是每年 11 月中旬是台灣國慶週, 很多店舖如 Watson's / 康是美 / Sogo 等都有做減價, 滿街都是 HK 人~

 

在 Sogo 正在做 9 折, 買一件的話也不比 HK 便宜太多, 唯一就是各個品牌也有推出 "限定組" (優惠 set / 限量組合), 的確會比 HK 便宜, 部分是 HK 沒有的. 但人頭湧湧迫到出汗, 埋到櫃位也買不到限量品了, 一早 sold out.

 

唯一能買到就是下圖 Bobbi Brown 卸妝油 2 支 + 洗面膏套裝, 約港元 $700 多, 還要是最後 1 套!

 

 

台灣 Watson's 跟 HK Watson's 般, 也有極多開架化妝品出售, 大部分品牌其實香港都有, 但遇著台灣週年慶亦有折扣或優惠: 

 

如下圖這個 "1028" 化妝護膚開架品牌, HK 暫時未有, 每件約港元幾十至百多有交易, 也是個值得推薦的牌子~

 

遮瑕膏質地保濕又貼面 (只是持久度比較弱, 遮瑕度不算太高但可接受); 洗面奶我試過能卸到超防溶的 eyeliner, 非常乾淨又保濕! 而 eye makeup remover 都好好用~ 

 

 

Sofina 在台灣 Watson's 也有出售, 而這個 "Ange" 系列是 HK 暫時沒有的:

 

我試過這款保濕 base 跟 HK 出售的 "Moisture Coat Base" 差不多, 但就有少少閃; 而 "Long Keep Base" 跟 HK 的質地幾乎一樣, 但售價就平一半!

 

粉餅盒也比 HK 平一半! 只需港幣 $50 左右! 所以買了一個 case 幫我盒 Sofina 粉餅換新衫~

 

 

Dr.Wu 當然在台灣 Watson's 買最抵! 香港賣得比較貴:

 

加上 11 月週年慶 Watson's 都會有 set 裝組合, 也有買滿指定金額送 cash coupon 優惠, 可即時回贈, 當然要買多幾盒 paper mask!

 

另外 Dr.Wu 的 "杏仁酸煥膚精華" 是最新出的, 香港亦有出售, 我也買來試試, 遲點用過後再出文分享吧~

 

 

Dior Snow 的 BB cream SPF50 PA+++ (約港元 $400):

 

其實售價比香港更貴, 但香港專櫃時不時斷貨, 所以買定先~

 

遮瑕度與粉底液相近, 防曬度高又持久, 過幾天再詳細介紹它~

 

 

日本 "MA CHERIE" 的洗髮水及護髮素, 在香港萬寧都有出售, 但 hair spray 就只得台灣有, 所以今次專程掃了 3 支! :

 

是唯一有香氛氣味, 而又有空氣感的蓬鬆型定型 spray, 我覺得完全沒有一般 hair spray 的做造作難聞化學氣味, 也不會令頭髮變得扁扁無力~

 

 

睫老闆的假睫毛, 有多個款式, 也有很多台灣明星及化妝師推薦, 約港弊 $50-60 左右, 在台灣 "86 Shop" 化妝店有售, 有多間分店:

 

我近半年也是用開這款睫毛的, 比 "公主李" 好用多倍 (台灣都不興用公主李很久了)~

 

在香港尖沙咀加連威老道 "龍城藥房" 有時候亦有出售, 但不是經常有, 要碰碰運氣. 

 

至於台灣的 "網紋雙眼皮形成貼", 我看過比 HK 我們店賣得還要貴幾十! 估不到喔!! (Makeup Secret $145 / 120 對, 台灣售 $180 多元!)

 

 

下午買完化妝品再食完晚飯, 襯一班男仕們去 clubbing, 我們 2 位 "敗家 buddies" 女仕就獨自乘 taxi 去逛 "士林夜市" 及 "師大夜市", 繼續振興台灣經濟! 呵呵呵~ ^^

 

3 年沒去過台灣, 想不到夜市已變到如我們 HK 花園街般, 滿街平價小店, 反而吃的少了很多. 對女仕們來說反而更好吧?? hahaha~ 

 

如下圖的薄絨毛長身打底衫, 每件只需幾十元港幣, 衣料非常非常好!

 

同類好品質的衫衫在香港買的話, 每件就要百多至二百元了, 所以逛一逛便一口氣買了 5-6 件!

 

 

最貴的是下圖黑色絨毛大褸 (約港元 $600 幾), 真皮手袋 (約港元 $400), 及藍色冷巾 (約港元 $200 幾), 購自敦化區的小店, 比較像 HK 尖沙咀利時商場, 只不過全是地舖, 賣的是韓國衣物, 售價也與利時差不多.

 

其餘上衣在夜市購買, 就比較便宜, 都只約幾十至百多元港幣, 經濟又實惠!

  

女人味滿瀉的韓妝!

昨天剛 share 過自己示範的 "秋意韓妝" video, 妝感會比較自然, 屬人人都適合化的一類, 也可以是個 everyday look~

而今天就分享約 2 星期前, 由學校另一位導師 Cindy 為雜誌示範的 "高貴韓妝":

與昨天 post 的 video 相比, 大家的 eyeshadow 其實都是古銅啡色, 只是 model 的眼線就畫得比我更長更粗 (差不多拉長了 1cm), 另外 model 有貼假眼睫毛, 及唇色用上了 matte tone 紅色.

只不過是輕微 3 處的 differnce, 就整個妝感覺都有別了 ^^

由於影雜誌相打燈後, 妝色會顯淡, 所以 model 的妝要比日常化得更濃一點, 才能突顯妝容. 這個韓妝是較為高貴、 感性、有女人味的, 就似是明星走紅地顫或出席開幕活動之妝容, 很有星味!

只可惜我的樣子就 carry 不到這麼貴氣的妝, 否則我一定每天都這樣化~

如果同一個妝 copy 在我臉上, 感覺就會很兇, 與 "高貴及女人味" 完全差天共地! 哈哈哈!

所以化妝也需要知道自己適合什麼, 正所謂勉強無幸福, 我是很有自知之明的 ^^

在天生麗質的 model 臉上化什麼都漂亮, 怎樣畫都可以!

反觀我自己示範的 video 妝容, 就比較著重功能及實用性, 都是一些日常生活中大家能用到的日夜妝容及技巧, 沒有花巧的 topic, 也沒有誇張的妝容. 可能大家會覺得沉悶喔, 但我的容貌就是怎樣化也扮不到韓妹或混血兒, 也裝不了可愛, 硬要扮出來大家會覺嘔心的~ (我看自己的樣子嘛..... 就是一看就知是香港人, 還要是中女)

如我要 copy 這個妝的話, 就會改用淡色唇膏, eyeliner 也會畫短一點....... 化法最終就會如昨天剛 share 過的 "韓妝示範 video" 一樣了, 覺得較為適合自己~

Model 就是 model, 化什麼都能 carry 得靚, 羨慕死人!

今次的拍攝地點, 又是在 makeup secret:

課室就有 3 個, 但我這個班房似乎很旺拍攝, 每次 magazine shooting 都在這個課室化妝~

makeup & hair by Cindy & Mandy @ makeup secret

www.makeupsecret.com.hk

明天將出發到台灣旅行, 今天就一口氣完成手頭上幾篇報章雜誌專欄文, 可以安心跟朋友去玩了~~~ 幾天後再見~~ 

雷品介紹?

老實說我極少上網睇其他人的 blog 或 youtube, 因為單是寫自己 blog + 專欄等已耗盡私人時間, 連電視都未有時間睇.....

我都是最近才知 "雷品" 二字何解! (就是指後悔錯買, 不好用的東東)

前天到大學教化妝班時有人問起, 我會不會仿效其他人定期講講 "雷品"? 可能會有很多人想看呢!


這個嘛.......

我可以很誠實告訴大家, 去到 30+ 的年紀, 也當了 13 年化妝師, 在自己或其他人身上用過的東東已很多, 就很少會再買錯東東的.

因為都知道自己需要什麼, 見到不合適的根本就不會買, 沒有 tester 不能試的更加不會買, 所以家中也沒太多 "雷品" 能介紹了.

就算 touch wood 舉例買了不夠保濕的 skincare 或粉底之類, 我也會配合其他 skincare 去把它好好運用到底, 又或者留待夏天用, 也不會覺得後悔買錯. Mascara 也不會買太厚杰的質地, 所以也沒發生用後睫毛會 drop 之類的問題.


另外也會覺得, 如果只因為我自己不適合用, 就把該產品定為 "雷品", 又好像有點不中肯.

因為人人膚質及對質地的喜好都不同, 我覺得不夠保濕的, 可能你用會覺得夠; 我覺得太潤的, 可能你用又會覺得剛好, 根本沒有定律, 不能一概而論, 也就不可隨意抹黑說它不好用了.

所以我在寫分享文時, 通常也會寫明是適合什麼 skin type 用的, 這樣比較實際. 買化妝品 / skincare 也好, 從來都是取決於自己膚質及喜好吧~

又舉例說, 如某支精華或 base 等等, 用後上粉底時見到有 "擦膠小碎屑" 出現, 然後很多人就會上網列它為 "雷品", 其實我都覺得有點不公平.

因為 "擦膠碎" 的形成, 是代表你之前塗的 skincare 未吸收, 就太急快快塗下一樣 product 所致, 未必一定關件 product 事.

都要視乎你的上妝及護膚步驟, 及之前 / 之後用的 product 質地如何, total 所用的產品質地夾不夾等. 不代表其他 skincare 沒轉過, 只是用了新 product 後有 出現 "擦膠碎", 就一定是新 product 有問題呢~


近期唯一 "雷品", 就是前幾天在 sasa 買的這支 Cyber Colors brush cleanser (洗掃劑 $88):

Brush cleanser 當然不能有 tester 試用啦, 所以就中招了!

眼線掃 / 唇掃 / 遮瑕掃 / 濕粉掃, 全部就算連浸洗都不能清除顏色, 直頭少少都無溶解過!

碎粉掃 / 胭脂掃就洗到, 但洗後就算再過清水洗, 都仍有種黏黏稠稠的感覺, 毛毛漿住變一撮撮!