Lash Lift「角蛋白睫毛課程」🎉 送全套 full set 工具 🎉

感恩「角蛋白睫毛服務」愈來愈受歡迎, booking 已滿到唔敢 post 太多新相上 Facebook promote, 怕自己接唔切無謂要客人等嘛 😅

間中都會有客人發現原來我哋有「角蛋白睫毛班」, 嚟做睫毛時都會順便問點解冇 promote 過嘅? 學完又可唔可以幫自己整?

無錯我哋 website 係一向有擺睫毛課程資料, 兼有教緊㗎~ 

只不過我已經做到冇停手, 仲點敢 promote 😆

咁「角蛋白睫毛」又真係好容易整, 好易上手嘅~ 而且相比起學化妝 / 學紋繡, 睫毛班嘅學費亦平得多, 學習過程快之餘工具成本又低, 屬於本少利大嗰種啦, 所以就開始多人學了~

Step 3 學生畢業相分享

學咗化妝幾個月、終於上到最尾一差咁高興，當然要影輯畢業相賀一賀~

特地請來專業 model + 雜誌攝影師幫各學員儲輯相，等大家有個美滿完結，再踏入另一個新旅程~ 

大家知 model 的 comp. card 相永遠同真人都有出入，所以每次請 model 來影相，都要見到真人後先建議學員應該做邊種風格妝髮。

正所謂勉強冇幸福，每個人氣質同性格都有分別，冇可能一式一樣倒模同一個 look 嘛，造型幾時都係順應每個人特質去選擇的~

今次就剛好有 3 種完全不同風格的 model，造型都係學員們即場因應 model 氣質而化的~

Makeup Secret 專業化妝髮型課程

http://www.makeupsecret.com.hk

化妝工作分享 by Angel @ Makeup Secret

實在太有 feel~!! 好鐘意呢幾張相呀~

經常聽到人話化妝師 x 攝影師 x model 係鐵三角? 絕對係冇講錯，因為只要是但一個發揮得唔好，輯相就會報銷，變得冇味道。所以講求的除了 teamwork / 互相配合之外，各人本身的功架亦係 key point。

只要鐵三角各具質數，一睇 reference 就會知點樣做到客人要求，一張相，已經可以完全演譯到攝影師想 pass 的 message，或滿足客人的願望。但只要其中一人質數稍為不夠，就唔會出到預期之中的效果了。所以如果接完一次 media job，下次唔見客人再搵自己，你就知發生咩事喇~ 

今次咁靚靚、咁有 feel 的造型，當然係由我地 Makeup Secret 化妝師操刀啦~ 

想學化妝係時候喇 ! 新改組 14 堂「潮流化妝師入門課程 (Step 1)」只係 2 人一班，化妝 set 頭一次過學晒，仲有化妝掃同專櫃化妝品送~ yeah~~ 

全新 "潮流化妝師入門課程" 資料連結

Makeup & hair by Angel @ http://makeupsecret.com.hk/portfolio/

學員堂上作品分享

又一班高級化妝師班畢業喇!

眨下眼呢班已經係我半退休前尾二的一班小組班，今次同學仔s 的堂上作品我亦好滿意! 

雖然唔可以話完全 perfect，幾時都會有進步空間，但我同 Cindy 老師都一致認為，大家可以於短短 1.5 小時內做到咁既效果，已經做得好好、好好喇~

見到一班學生化得靚，仲開心過自己化得靚 ^^

至於點解要半退休....

唔係唔做唔教~ 只係一直都提過想教少 d 小組班，俾多少少時間陪一對囝囡，另外始終改為一對一  / 一對二教授，對自己同學員來講都可以更專注~

Makeup & hair by class students @ Makeup Secret 專業化妝師課程

拍攝化妝分享

入行 16 年，model / 明星 / 新娘 / 電影 / 廣告 / 雜誌等等什麼都化過，但我極其量亦只能稱自己為 "一個有人識的化妝師"。

星級? 我心目中的星級人馬有好多，自己並唔係其一。

要做到變星級，就必需有很多 "星" 照住。所有星級化妝師都係由寂寂無名、捱十年八年爬上位的，在未有名氣前，想於短短一個 job 內跟明星建立到 "非用你不可" 的關係，絕非容易，除了要技術非凡，social 功力亦一定要好了得。

以前曾提及過自己是由做媒體化妝入行的，所以一路走來接觸 model / 明星 / 媒介的機會都有，但我很早期就知道自己要什麼，心知要 social / 湊星 / 捱更抵夜等通告 / 一開工就唔知幾時收工的日子並不適合自己，我早年過的就這種返唔到屋企的生活。

路，幾時都係自己揀。我跟公司旗下的化妝師都不是星級人馬，並非沒化過明星 / 廣告，只是沒御用的名銜，都是在默默努力工作、低調不起眼的一群。

望住 Angel 今次化的妝，我好驕傲自己能有她這樣的化妝師。

沒有星級的名銜，作品卻絕不比星級的遜色。

Makeup & hair by Angel @ Makeup Secret

Model Shooting 化妝實習相片

何謂 "實習"?

好簡單，有人工收的叫工作，沒人工的就叫實習了。

而事實上，無論是學員、新入行化妝師、或是在職專業化妝師，都頗喜歡參予這類 model 拍攝實習。新人去當然是為了實戰學習及儲備 portfolio，準備將來接 job ; 而舊人去則是為了化自己喜歡的造型，show 一 show 技巧，滿足自己表演慾吧~ 

如果平常想找個 professional model (指的是真正專業級別、雜誌廣告內那些 model) + 攝影師拍一輯造型相，冇幾千蚊真係唔使諗，所以當遇上有機會實習化 model，總有不少化妝師樂意去玩。為做到自己喜愛的事，就不會每一刻都講錢的，剩係唔使自己出錢請 model 已經夠好啦~

每次 shooting 過後等攝影師出相，化妝師的內心就有如讀書時代等派成績表，既期待、又緊張! 這種心態是無論入行多久都不會變，Ringo 妹你有沒有同感? haha~

Makeup & hair by Ringo @ makeupsecret.com.hk

Model: Kelsey @ http://www.primomgt.com.hk 

Photograher: iDRIS Ho

又一班 Step 3 同學仔將近畢業了~

習慣每半年只開 1 班的 "Step 3 化妝師高級課程"，今個半年竟突然開了 3 班，似乎每位同學位都希望能趕上尾班車?

提到每次教 Step 3 班，所有同學仔最緊張的就這份 "外藉 model 堂內習作" →

其實外國 model 五官本身已經好立體，易上妝又易化，唯一難度應只在髮型上吧? (髮絲較幼及軟) 化妝師一般都極愛化鬼妹仔 model，因為實在太易化了，總是可以特別快收工! haha~

不過學員尚在學習階段，總不能與在職化妝師比較，第一次為外國 model 化妝難免會緊張，有時甚至會因太緊張而失手。無論覺得自己的作品靚或者唔靚，今堂大家都已努力過，繼續加油吧~

相片我並冇 photoshop 過，就希望大家能望返自己的瑕疵在哪裡。

如果執完 photoshop 先 post，我都知會更靚更吸引，但也等於是害了各位，誤以為自己一次就可以化到零瑕疵，咁就唔好啦。所以，請別怪我殘忍地 post 原汁相 ^^ 

老實說，我真係見到好多可以再進步的空間，希望 exam 時大家能夠再加油! 加油! 加油!~

中長髮新娘髮型示範

剛過膊頭的中長髮長度，髮型可以點 set? 可以有咩變化呢?~

上星期剛教完的 Step 3 班內，髮型 partner 導師 Cindy 就示範了 2 款中長髮造型，同學仔話估唔到自己呢個頭髮長度，唔使加假髮，都可以 set 到咁靚~

(下圖這個快速示範，只用了 20 mins 就 set 好了，冇噴太多 hair spray)

輪到 upload 新娘化妝相簿上新 website....

upload 完近期的 media job 相上新 website, 又輪到 upload 新娘化妝相簿....

奈何相片實在太多, 試過原 size upload 上去, 結果 load 得勁耐, 準新娘子們大概未等到 load 完整個相薄, 經已放棄睇相了吧? 於是便唯有自己將那幾百張相片, 人手逐張 resize.... 結果執一執又幾晚, 尚有一半未完成.... 

雖則嘔血, 卻令我有機會重新欣賞一次這批相, 原來我們化過的新娘子有這麼多! 

然後職業病又發作, 不停地找瑕疵~ hahaha~ 

Makeup Secret 化妝學校 9 周年喇~

9 年, 說長不長、說短又不短.

不過能在沒賣廣告、不做宣傳情況下, 單靠口碑總算仍然屹立, 絕對要感激各位畢業學員美言 / 客戶 / 新娘子支持~ 

究竟這些年曾經教出過幾多位 makeup artist? 連我自己都記不清了..... 早期畢業那批學員, 大部份已擁有自己的化妝公司, 很多更一早已成為導師, 部份更仍有經常聯絡~ 

說實話當初我都沒想過, 教化妝能教多久? 總之有人想學便開班吧, 沒人學的話便繼續做其他化妝工作. 結果無間斷幾乎每晚一直教一直教, 不經不覺便 9 年!

9 年間, 看著市面上大大小小的化妝學校, 開的開、撤的撤, 亦經歷過無數市道高低起跌. 究竟有什麼特點能讓我們仍然 "健在"??

唔......

大概是我喜歡唱反調吧? 人家做的我不做、人家不做的我卻做?

舉例說 "妝相", 我們很少造, 是因不想給你堆砌太美好的畫面.

我們的 *新網頁* 下星期終於要登場了~

近這個月每晚通霄上網, blog 文寫得比平常少, 但又說非常忙? 究竟我正在密密做些什麼? hehehe~

用了幾年的舊有 website, 不用我說, 設計經已過時 "娘到爆"! 哈哈哈~

一直想把它重新 design, 期間卻遇上不少 domain / hosting 問題, 自己又無法改動設計, 沒想過有那麼多制肘....  終於輪到解決完所有問題, 吸收上次經驗, 今次我想要一個能讓我自由改動的 website, 無需每次想修改一兩隻字、加圖片等等都要靠人!

於是便上網 search 一些 website design template, 以為買個 template 自己寫好簡單, 才發覺原來我想要的效果都頗繁複, 就算用 template 都非預期中容易, 好多電腦 coding / 述語都不理解, 就是問 "電腦人" 都說要點時間研究怎用....

結果動用人情牌懇求在美國做 website designer 的好友, 花了不少時間為我 set up 所有版面, 還遙距教我怎用, 讓我這個電腦白痴能完成餘下的部份~

雖然經已有貴人出手相助, 但我畢竟資質有限, 對著那些述語晚晚研究到 5-6am.... 不過心血沒白費, "BB" 終於要出世了! 就等下星期換了新 hosting 公司後便可 launch~

尚有一些小部份未寫好, 今星期繼續努力! 

新 website 內會有新的 portfolio 版面:

所有我們化妝師 + 畢業學員的 out job 相片也 upload 上去了~

單是 upload 這批相片, 足足玩了我 2 星期... 好顛...

新 website 內也加設了我的新 blog:

但這個 blogspot 仍會繼續用~

畢業學員實習花絮

又來發放一連串的實習花絮相~

經過好幾次實習後, 大家開始逐漸掌握得到化 model casting 造型的要點了! 雖然仍有進步空間, 但已經比頭幾次好好多喇~ 

在課堂內學化妝時, 睇完 demo 照住化, 帶來的練習 model 又是自己朋友, 知道你尚在學習階段, 都不會為難 / 挑剔你, 難度好像不太高.... 但走出課室後又是另一回事, 當面對不認識的客人 / model, 而人家又有要求時, 就少不免會緊張, 化的妝及速度都同樣會打折扣. 

所以去實習就為了鍛練化妝技巧 + 速度 + 儲經驗, 雖不會一步登天, 不過對將來必有得益~

對於不明白化妝師行業的人, 可能會覺得 "哎呀, 學完仲要花時間練習同實習, 又冇錢收, 乜咁辛苦"....

對喔, 學完只能代表你學過, 但並不等於能化出靚妝, 客人也不會單憑你學過化妝而聘用你, 所有 makeup artist 的 "成績表", 都要靠自己一手儲、一手建立, certificate 在這行形同廢紙, 要接 job 全部靠 portfolio (相簿).

畢業學員作品分享 + 實習報名

早前曾出過 blog 文, 讓各畢業學員公開報名參加 "model 化妝實習", 事隔 2 星期, 分享一下幾次實習的相片先~

刻意 link up 實習, 只為給各位在新娘化妝工作以外, 儲備更多 media 造型經驗及 portfolio, 為入行前作好準備, 或令本身的 portfolio 更錦上添花.....

新人去是為 "練習", 完成課程後出外實戰一下都好應該~ 去練練化妝速度、妝容與髮型配襯、與 model 及攝影師溝通.... 等等, 老實說什麼都應練練.

而舊人去則為 "儲更多靚相" 吧~ 

有時候化得新娘妝多, 也會想化化別的造型 / 自己喜愛的 style, 但要聘請 professional model 來滿足心癮卻太貴, 那就不如一同來報名玩實習吧~

(報名詳情請見內文)

下圖為導師 Cindy 的作品:

超有星味的 model , 直頭改行做明星都得~

畢業學員作品:

GARNIER 廣告 (化妝エ作花絮)

早陣子化的廣告不經不覺已出街~

而今次的工作, 是我最感觸的一次.....

在神不知鬼不覺下, 我低頭扮玩電話、眼紅紅滴了 1 滴眼淚...

Makeup by Isa & Rose @ makeup secret

Dermes 激光脫毛最新廣告 (化妝エ作花絮)

2 星期前才化完, 一眨眼, 就剛剛見到播出了~

這次 Dermes 廣告, 雖然我們化的只是 model, 但也有 20 位之多, 為免有閃失, 我本來一心打算同去, 但最後卻因拍攝臨時改期而未能出席, 再加上所有師姐們當日都已有 job 在身, 於是為一班 model 化妝 set 頭的重任, 就落在 6 位畢業學員 + 新入行化妝師身上了~

雖然客戶說過不介意我起用新人, 但當然最好要有人帶隊, 所以當刻一知道改期去不到後, 我的心情少不免有點擔心..... 幸好事後客戶說很滿意各 model 的造型呢! 大家的心機沒白費~ 叻叻呀~ 

實在太感激今次各位 makeup artists 的辛苦付出!

makeup & hair by Waka, Wing, Di, Mandy Lo, Hilda, Alice @ makeup secret 

雖然今次的 model 們並非主角, 但能看到自己化的妝出現在廣告內, 希望大家也會有一點點成功感吧~ 也算賺到了一次寶貴經驗~ 

今年我們接的 media 工作比平常多, 是希望能在新娘化妝以外, 多點帶新人外出化化 model 之類, 儲多點其他類型化妝經驗, 對將來成為新娘化妝師的確有很大幫助~

不過也是時候要平衡一下, 始終又到試妝旺季, 幫師姐們接返多 d 新娘化妝先~

免費化妝練習班 (5 月份) x Step 3 新娘化妝髮型進修班開爐

學完化妝不練習, 技巧必定會生疏!

不過以自動練習程度計, 似乎同學仔們都不太踴躍..... 

可能你平常都已有找朋友在家練習, 又或者經已在接 job 儲經驗中, 但只靠自己惴摸, 當然亦不及有導師助你一把對吧~ 畢竟自己是很難察覺得到缺點的, 或不清楚怎樣可以做得更好, 也說不出自己還欠什麼?

所以又是時候強迫各位同學補補習 ^^

有興趣報名參加以下 "免費練習班" 的新 / 舊學員, 可連同姓名、電話、要報名的練習班名稱及日期, email 至 courses@makeupsecret.com.hk 同事將以 email / 電話回覆確定座位.  

所有練習班均為先報先得形式, 額滿即止. 

如沒收到 email / 電話 confirm 通知, 今次報不到名也可等 6 月份的班~

敬請各學員珍惜練習機會, 切勿報名後 no show, 令其他有心想參加的同學仔報不到名喔 ^^

Step 3 學員練習功課

每逢去到 Step 3 最尾一堂, 便是同學仔們大顯身手的時候了~

這堂拍攝課無疑對她們是有難度的, 時間緊迫之餘, 也是她們第 1 次為外籍 model 化妝, 會緊張是必然, 大部份學員去到這一堂都會失手, 未能做出平常程度, 但亦很值得鼓勵, 多加練習就會進步了, 加油~

聘請外籍 model 給學員上堂練習用, 老實說的確貴, 外間也沒化妝學校會捨得花這筆費用.... 

但由於我們經常需與外籍 model 工作, 而鬼妹輪廓 / 化妝技巧 / 氣質都與東方人不同, shooting 用的化妝技巧有又別於新娘化妝, 如果不教這堂, 日後 out job 時不懂得化, 或將東方人的化妝方法硬套上去, 就弄巧反掘了! 貴妝變平妝呀....

所以我覺得這堂課很重要, 絕對不能 skip! 至少在堂上試過, 吸收過錯敗經驗, 將來要再化外籍 model 也輕鬆一點~

這個造型便是今天課堂的功課, 出自小妹我的手筆, 給同學仔們作個示範跟著化:

Hair 則由髮型導師 Cindy 操刀:

來自加拿大 + 汶萊的學員, 齊齊學做化妝師

久不久也會收到專程飛來 hk 學化妝的外國學員, 而今次就剛開始教授 2 位分別來自汶萊及加拿大的學員~

由於 2 位都不懂中文, 想學做化妝師都會因言語問題而沒人肯教, 於是便促成了這個 "英文版化妝師班組合".

化起來有板有眼的 ^^