拍攝化妝分享

入行 16 年，model / 明星 / 新娘 / 電影 / 廣告 / 雜誌等等什麼都化過，但我極其量亦只能稱自己為 "一個有人識的化妝師"。

星級? 我心目中的星級人馬有好多，自己並唔係其一。

要做到變星級，就必需有很多 "星" 照住。所有星級化妝師都係由寂寂無名、捱十年八年爬上位的，在未有名氣前，想於短短一個 job 內跟明星建立到 "非用你不可" 的關係，絕非容易，除了要技術非凡，social 功力亦一定要好了得。

以前曾提及過自己是由做媒體化妝入行的，所以一路走來接觸 model / 明星 / 媒介的機會都有，但我很早期就知道自己要什麼，心知要 social / 湊星 / 捱更抵夜等通告 / 一開工就唔知幾時收工的日子並不適合自己，我早年過的就這種返唔到屋企的生活。

路，幾時都係自己揀。我跟公司旗下的化妝師都不是星級人馬，並非沒化過明星 / 廣告，只是沒御用的名銜，都是在默默努力工作、低調不起眼的一群。

望住 Angel 今次化的妝，我好驕傲自己能有她這樣的化妝師。

沒有星級的名銜，作品卻絕不比星級的遜色。

Makeup & hair by Angel @ Makeup Secret

今次拍攝，我收到 agency 的資料只係化 "普通妝"，仲叫 Angel 帶簡單化妝品去就 ok，結果去到突然變了 creative makeup ! hahaha~

還好 Angel 身經百戰，用有限的化妝品醒目地完成幾個造型~

昨天給正在學化妝的學員們望 Angel 的作品，個個碌大眼晴話好靚，問我上堂會唔會教化呢幾個妝?

不會喔。

師姐 Angel 這幾個妝不是你教她化的嗎?

我有幸能教出過她這樣的化妝師，不過我並冇教過化呢幾個妝，完全是 Angel 自己的功架。

妝是千變百化的，每次 out job 要化的妝要求都不同，甚至去到先知要化乜，冇可能學得盡，好多時都係靠化妝師從學過的技術中調節，再自己摸索點樣化出客人要求，需有一定經驗才能勝任。

但可以講既係，要化這種妝首先基本功必需要扎實，否則化出來效果可以好驚嚇~ 

各位同學仔有興趣也不妨於練妝時玩玩，過過手癮~