Glycel 新出「血燕膠原煥肌面膜」 review

血燕面膜? 聽上去好似好勁咁喎~

一睇..... ummm.... 平均約 $270 片，貴婦級價位，都真係唔平，不過就話敷完有 home facial 效果.....

好~ 又試試佢值唔值呢個價先!

產品資料 →

全新血燕級珍寵「燕窩膠原煥肌面膜」，蘊含「鑽石 5C 極緻修護配方」(包括美麗因子、膠原再生因子、抗氧修護因子、抗老重整因子、長效補濕因子)，薈萃細胞修復、抗氧防護、長效補濕、緊緻滋養、膠原再生 5 大功效，並可預防膠原受損，減淡面上細紋，抑制黑色素形成。一片即能讓肌膚水潤重生，綻放年輕鑽亮光芒。

$1080 盒 / 4 片 @ http://www.glycel.com

(trial product given by Glycel)

個血燕成份係點加入片 mask 裡邊?

I don't know 亦 don't care，可以話好膚淺地純絮睇效果。

咁係丫嘛，敷 mask 不求效果求什麼?....

如果敷完無效果睇，咁個血燕成份有幾高都冇用 ; 相反如果敷完效果好理想，咁就算個血燕成份有幾多都唔係問題。

顏色偏紅的紙膜 →

feel 到好厚身有好多精華，好贅手的重量級!

首先，想彈一彈片 mask 的 size / 剪裁.....

雖然洞口唔算開得大，但 size 就有 d 大塊，敷上後會有好多位摃起，有某 d 位會唔夠貼面。

額位雖然夠貼，不過髮線邊緣位就大塊到要摺起 →

東方人額頭好少有咁闊咁高，我額頭已經算高都要摺。

大概因為是外國 brand，size 剪裁主要為外國人而設的關係吧?

不過敷完 25 mins 後，效果又真係幾好喎! →

的確幾白淨!

而且又見到膚色均勻左、冇咁暗黃 / 泛紅、斑斑又好似淡色左丁點、又 feel 到好補濕咁，係有驚喜的~

(官方建議敷 15-20 mins，我見片 mask 仲好濕，唔好浪費敷夠 25 mins)

至於毛孔 / 乾紋改善情況都算唔錯 →

另外我將片 mask 夾硬拉高少少敷埋眼底，敷完後都見到眼底有變得更平滑，少左眼紋~ 若然做次磨砂 / 深層清潔後先敷佢，效果仲會更加好，好似做完 facial 差唔多咁~

不過除返開 $270 敷一次，的確唔平，要視乎自己抱那種心態去敷 mask。如果只係想搵隻效果勁少少的 paper mask 間中急救用 / 或屬日久失修懶得去美容院，希望敷幾片 mask 可以短期內提升膚質的話，咁無可厚非佢係 work 的~