新娘化妝工作 sharing

今個星期 blog 寫得好少，video 又冇拍，好似人間蒸發咗咁? 🤔

其實係因為年尾工作實在太多喇，而且又有好多新娘結婚，schedule 已經 full 到 2 月..... 不過我會盡量遷就時間寫多 d blog 㗎喇~

先 share 前日婚宴工作嘅相，註冊造型 →

makeup & hair by Isadora & Mun @ makeupsecret.com.hk

服務 package: http://makeupsecret.com.hk/styling-service/

化妝相簿: http://makeupsecret.com.hk/portfolio/

又踏入結婚旺季~

每年秋冬 10 月至 2 月結婚旺季，所有化妝師都例牌會忙到發顛! 

婚宴化妝再加埋其他類型化妝 job，有時一星期開足 7 日工、搭住車食飯、甚至做到唔記得食飯亦屢見不鮮。

忙，當然係好事，但如果忙到一個點，自己都唔知自己做緊乜就好大件事.....

曾經有幾年時間，我試過接新娘化妝接到手軟，多到覺得迷惘..... 

接咁多究竟係為錢? 定係為興趣? 定係為想証明我係做得到呢? 

Step 3 學生畢業相分享

學咗化妝幾個月、終於上到最尾一差咁高興，當然要影輯畢業相賀一賀~

特地請來專業 model + 雜誌攝影師幫各學員儲輯相，等大家有個美滿完結，再踏入另一個新旅程~ 

大家知 model 的 comp. card 相永遠同真人都有出入，所以每次請 model 來影相，都要見到真人後先建議學員應該做邊種風格妝髮。

正所謂勉強冇幸福，每個人氣質同性格都有分別，冇可能一式一樣倒模同一個 look 嘛，造型幾時都係順應每個人特質去選擇的~

今次就剛好有 3 種完全不同風格的 model，造型都係學員們即場因應 model 氣質而化的~

Makeup Secret 專業化妝髮型課程

http://www.makeupsecret.com.hk

化妝工作分享 by Angel @ Makeup Secret

實在太有 feel~!! 好鐘意呢幾張相呀~

經常聽到人話化妝師 x 攝影師 x model 係鐵三角? 絕對係冇講錯，因為只要是但一個發揮得唔好，輯相就會報銷，變得冇味道。所以講求的除了 teamwork / 互相配合之外，各人本身的功架亦係 key point。

只要鐵三角各具質數，一睇 reference 就會知點樣做到客人要求，一張相，已經可以完全演譯到攝影師想 pass 的 message，或滿足客人的願望。但只要其中一人質數稍為不夠，就唔會出到預期之中的效果了。所以如果接完一次 media job，下次唔見客人再搵自己，你就知發生咩事喇~ 

今次咁靚靚、咁有 feel 的造型，當然係由我地 Makeup Secret 化妝師操刀啦~ 

想學化妝係時候喇 ! 新改組 14 堂「潮流化妝師入門課程 (Step 1)」只係 2 人一班，化妝 set 頭一次過學晒，仲有化妝掃同專櫃化妝品送~ yeah~~ 

全新 "潮流化妝師入門課程" 資料連結

Makeup & hair by Angel @ http://makeupsecret.com.hk/portfolio/

學員堂上作品分享

又一班高級化妝師班畢業喇!

眨下眼呢班已經係我半退休前尾二的一班小組班，今次同學仔s 的堂上作品我亦好滿意! 

雖然唔可以話完全 perfect，幾時都會有進步空間，但我同 Cindy 老師都一致認為，大家可以於短短 1.5 小時內做到咁既效果，已經做得好好、好好喇~

見到一班學生化得靚，仲開心過自己化得靚 ^^

至於點解要半退休....

唔係唔做唔教~ 只係一直都提過想教少 d 小組班，俾多少少時間陪一對囝囡，另外始終改為一對一  / 一對二教授，對自己同學員來講都可以更專注~

Makeup & hair by class students @ Makeup Secret 專業化妝師課程

拍攝化妝分享

入行 16 年，model / 明星 / 新娘 / 電影 / 廣告 / 雜誌等等什麼都化過，但我極其量亦只能稱自己為 "一個有人識的化妝師"。

星級? 我心目中的星級人馬有好多，自己並唔係其一。

要做到變星級，就必需有很多 "星" 照住。所有星級化妝師都係由寂寂無名、捱十年八年爬上位的，在未有名氣前，想於短短一個 job 內跟明星建立到 "非用你不可" 的關係，絕非容易，除了要技術非凡，social 功力亦一定要好了得。

以前曾提及過自己是由做媒體化妝入行的，所以一路走來接觸 model / 明星 / 媒介的機會都有，但我很早期就知道自己要什麼，心知要 social / 湊星 / 捱更抵夜等通告 / 一開工就唔知幾時收工的日子並不適合自己，我早年過的就這種返唔到屋企的生活。

路，幾時都係自己揀。我跟公司旗下的化妝師都不是星級人馬，並非沒化過明星 / 廣告，只是沒御用的名銜，都是在默默努力工作、低調不起眼的一群。

望住 Angel 今次化的妝，我好驕傲自己能有她這樣的化妝師。

沒有星級的名銜，作品卻絕不比星級的遜色。

Makeup & hair by Angel @ Makeup Secret

中長髮新娘髮型示範

剛過膊頭的中長髮長度，髮型可以點 set? 可以有咩變化呢?~

上星期剛教完的 Step 3 班內，髮型 partner 導師 Cindy 就示範了 2 款中長髮造型，同學仔話估唔到自己呢個頭髮長度，唔使加假髮，都可以 set 到咁靚~

(下圖這個快速示範，只用了 20 mins 就 set 好了，冇噴太多 hair spray)

我要暫停教化妝小組班了，希望搭尾班車的請早~

咁快退休?? 

當然有排未得啦 hahaha~

只係連續教了 10 年化妝班，是時候休一休，化妝師小組班不打算再收生了，將來只會以個別形式一對一教授。

在行外人眼中，教化妝看似是件筍工，每堂示範完 demo，待學員們化完妝、check 完就走得，好容易嘛! 但其實真正的教學，是在課程完結後才開始，而且是無止境的 (除非你打算只教而不理其他)。

由學員們畢業 → 耐心練到一手好妝 → 留意其進度 → 為大家接 job 接實習 → 留意客人 feedback → 直到完全青出於藍可以放手，整個過程責任遠比在課堂內更重要。

與此同時，做導師的又不可不接 job，總要 keep 住露面繼續接 job、不與時代脫節，學員才會有更多 job 接。想全面兼顧? 時間當然不會夠用。

我喜歡為其他人化妝、喜歡教班、喜歡與學員們共處，喜歡拍 video、寫 blog、更喜歡與家人共聚。事事都想親力親為，只可惜分身無術，而我亦不願意犧牲任何一件愛做的事。

所以打算將來只會作單對單形式教授了，小組班則不會再開。認為人數減少，對新學員或自己來說都能更專注，亦可 spare 更多時間 take care 舊學員及化妝師們、處理 out job 事務~

當然我亦知道有些人是早已打算來學化妝的，總不能話停即停。對於希望搭尾班車的同學仔們，我會在 3 個月後，才停開所有現設的化妝師小組課程，大家還是有機會在 3 個月內報到名~

Makeup Secret 潮流化妝師入門班 內容詳情

至於未來的一對一教授班，就將於 3 個月後以全新面目推出。因屬單對單教學關係，學費亦將會提高，故希望預早通知，給大家去選擇要不要襯早報讀小組班~

最後，感恩過往 10 年間，能有幸教出過一班如此傑出的 makeup artists，實在相當無憾了~ 

感激所有跟隨過我的舊生 / 化妝師，多謝大家對我的信任，是你們填滿了我這 10 年的滿足感，更是推動我一直向前行的動力，嘉許各位的付出不停練妝，希望未來我們可以一齊做得更好~

順道分享我們過往畢業化妝師們之近期傑作 →

Makeup & hair by Mandy / Rose / Maan @ Makeup Secret makeupsecret.com.hk 

日本 Menard 護膚 workshop 報名 (免費的喔)~

春天就到! 雖然 3 月份天氣尚未回暖，不過都係時侯開始要為轉季作好準備了~

買衫要轉季，揀 skincare 亦同樣要轉季，究竟自己適合用咩類型質地 skincare? 又乾又油點算好? 點樣先可以快少少改善膚質? 又點避免春夏出油出痘痘? 轉季皮膚護理上又有咩要留意? 

其實每個人需求 / 皮膚狀態都有別，與其去估計同周圍問意見，不如參加護膚 workshop 自己問專家吧~ 

今次我就邀請了對護膚 training 出名講究的日本 "Menard" 護膚品牌顧問，來為大家攪個護膚 workshop，解答各位對皮膚保養的問題 + 做做示範~

大家都知我今期係 Menard fans，尤其係精華水及晚霜等等，不過其實佢好用的產品我都未介紹得完呀 (會繼續努力)!

如果你買了 Menard 產品唔知點用 / 正有打算試 Menard 但唔知點揀 / 甚至只想聽聽護膚心得偷偷師，都歡迎你報名，等自己轉季時膚質煥然一身，仲有皇牌 paper mask 送 + 茶點招呼各位~

2015 年尾婚宴小分享~

自從有了 2 個小朋友後，新娘化妝方面都很少宣傳自己了，就連公司 website 內亦只有旗下 makeup artists 的 price list，沒公開自己價目，所以新娘子們都是靠 referral、或因看過我的化妝 video 而留言問我接不接 job 的。

我倒有個小疑問..... 我的 video 都以分享個人化妝為主嘛，到底 base on 什麼原因新娘子們會覺得能委託重任給我呢?~ 

大多只回應因為有睇開我的 video.... 

(唔.... 就不怕我只懂化自己個妝嗎? 呵呵呵~)

不過，的確有很多舊化妝師 / 新娘子們都認為，近年化妝師質數已變得愈來愈參次，明明在網上睇過相簿覺得不錯，去到試妝又是另一回事。而稍為有質數的 makeup artists 又瘋狂加價、甚至有點脾氣 / 性格，令新娘子們無所適從，俾完錢仲要受氣......

我估便是這些因素，反而間接造就了我今年多了新娘客人? 佔 9 成都是已經在外邊試過兩三次妝，最終才嘗試問我接不接 job 的，更試過有新娘子叫我要救命 (好誇張)，話試妝試到怕，唔想再浪費試妝費。

其實我覺得妝化得好與不好，都純屬個人觀感吧。

點先為之 "靚"? 根本沒準則，只要化得出新娘子喜歡的感覺就可以了。

神啊~ 請給我更多化妝師實習新血~~

如題，我好需要新血呀~!!

要新血做什麼呢??

去 Primo 模特兒公司幫 model 們化妝喔~ 好急好急~

首先簡介一下這家模特兒公司~ 

大家對 "Primo" 的確可能有點陌生，其實 Mandy Lieu、藝員呂慧儀、以及徐子淇等等，以前也是這家模特兒公司的合約 model~

我家 6 歲囝囝也是 Primo 的 kids model 喔 ^^

(下列圖片轉載自 Primo website)

Makeup Secret 畢業學員化妝交流會 報名

Skincare 品牌 Sassou 實在好貼心喔!

上星期才剛剛來過學校舉辦護膚 workshop, 今次又專程 send 禮品來託我送給學員試用~ 但禮品數量有限, 每位學員都是寶貝嘛, 要轉贈給誰好呢?

不如就攪個 "畢業學員化妝交流會", 到時送給其中幾位幸運兒吧~

先來看看 Sassou sponsor 的禮品 ^^

首先是有薰衣草精華味的 "金箔多元修護精華蜜" ($880), 含 99.99 千足金箔! 據說 TVB 化妝師們每次是大量入手的妝前急救品, 塗在臉上皺紋位可即時減淡皺紋、乾燥甩皮時也可以用、亦可當作 lip blam 使用, 非常多用途~ 

Makeup Secret 化妝學校 9 周年喇~

9 年, 說長不長、說短又不短.

不過能在沒賣廣告、不做宣傳情況下, 單靠口碑總算仍然屹立, 絕對要感激各位畢業學員美言 / 客戶 / 新娘子支持~ 

究竟這些年曾經教出過幾多位 makeup artist? 連我自己都記不清了..... 早期畢業那批學員, 大部份已擁有自己的化妝公司, 很多更一早已成為導師, 部份更仍有經常聯絡~ 

說實話當初我都沒想過, 教化妝能教多久? 總之有人想學便開班吧, 沒人學的話便繼續做其他化妝工作. 結果無間斷幾乎每晚一直教一直教, 不經不覺便 9 年!

9 年間, 看著市面上大大小小的化妝學校, 開的開、撤的撤, 亦經歷過無數市道高低起跌. 究竟有什麼特點能讓我們仍然 "健在"??

唔......

大概是我喜歡唱反調吧? 人家做的我不做、人家不做的我卻做?

舉例說 "妝相", 我們很少造, 是因不想給你堆砌太美好的畫面.

我們的 *新網頁* 下星期終於要登場了~

近這個月每晚通霄上網, blog 文寫得比平常少, 但又說非常忙? 究竟我正在密密做些什麼? hehehe~

用了幾年的舊有 website, 不用我說, 設計經已過時 "娘到爆"! 哈哈哈~

一直想把它重新 design, 期間卻遇上不少 domain / hosting 問題, 自己又無法改動設計, 沒想過有那麼多制肘....  終於輪到解決完所有問題, 吸收上次經驗, 今次我想要一個能讓我自由改動的 website, 無需每次想修改一兩隻字、加圖片等等都要靠人!

於是便上網 search 一些 website design template, 以為買個 template 自己寫好簡單, 才發覺原來我想要的效果都頗繁複, 就算用 template 都非預期中容易, 好多電腦 coding / 述語都不理解, 就是問 "電腦人" 都說要點時間研究怎用....

結果動用人情牌懇求在美國做 website designer 的好友, 花了不少時間為我 set up 所有版面, 還遙距教我怎用, 讓我這個電腦白痴能完成餘下的部份~

雖然經已有貴人出手相助, 但我畢竟資質有限, 對著那些述語晚晚研究到 5-6am.... 不過心血沒白費, "BB" 終於要出世了! 就等下星期換了新 hosting 公司後便可 launch~

尚有一些小部份未寫好, 今星期繼續努力! 

新 website 內會有新的 portfolio 版面:

所有我們化妝師 + 畢業學員的 out job 相片也 upload 上去了~

單是 upload 這批相片, 足足玩了我 2 星期... 好顛...

新 website 內也加設了我的新 blog:

但這個 blogspot 仍會繼續用~

Step 3 同學仔畢業完成品 snap shot

3 個月前 Step 3 開班收生, 才說過一年只開兩班, 話咁快那班 Step 3 同學仔就已經畢業了, 上星期尾亦影低了 snap shot 留念~

化外藉 model 的一課, 我刻意叫 model 們遲一點到, 預鬆一點時間給各同學仔放鬆心情,  set 好檯面, 再做 demo.

知道有些同學仔是首次化 model, 於是在開始之前, 就問她們會覺得緊張嗎? (relax relax) 

"不會喔, 不緊張" (夠淡定, 非常好)

誰不知當一班 model 坐低後..... 

各位已經被 "怯住扮淡定" 的眼神出賣 hahaha~

(P.S  我們要搬遷到新 office 了~ 新地址請見底部)

Bobbi Brown "BBU Palette" 化妝師的萬能底妝恩物!

早陣子收到 Bobbi Brown 這盒化妝師專用 "BBU Palette" (底妝遮瑕組合), 目的是送我工作用, 屬非賣品, HK 專櫃並沒出售 (但外國有的). 

So far 試用了 2-3 星期, 覺得超好! 好想推介, 但要不要在 blog 介紹好呢? 始終 HK 沒出售嘛? 而且只適合 makeup artist 用, 一般人並不會有興趣, 好糾結....

但經過前天 out job 在新娘子臉上用過後, 驚嘆連深色的雀斑都能輕易掩蓋, 太讚! 我覺得不介紹也太自私了, 這篇就當是推介給學員 / 化妝師吧~

"BBU Palette" 內, 一邊是 corrector (中和矯色霜) 及 concealer (遮瑕膏), 另一邊是 "Skin Foundation Stick" = 我上年夏天已推介過的粉底棒:

專業 model 攝影化妝實習 (報名中)

在平常的化妝工作中, 一般初入行化妝師都以接觸普通客人為主, 如宴會、姊妹或新娘化妝等等.

如果想儲到更多元化的 portfolio, 或於將來接洽廣告化妝工作, 相關媒體化妝經驗及相簿當然是必需, 但往往廣告客戶都不肯冒險聘用新手嘛, 經驗及 portfolio 要如何儲?

莫非要出錢請 model 請攝影師, 幫自己儲 portfolio?? 好貴喎!


叮~ 機會來了~

如果你....

是我們的畢業生....

想找雜誌 / 廣告內的 professional model 化靚妝影輯相, 儲 portfolio 為將來鋪路....

又擔心自己能力未夠, 想有導師即場指導壯膽....

仲想知道更多拍攝 x 妝髮的貼士.....

就來報名吧~~!!


如有興趣於以下日子為圖中 4 位 model 化妝整頭, 歡迎連同姓名及電話 email 至 isadora.cheng@makeupsecret.com.hk  

(A) 7/5 Thu 1:00 - 4:00pm
(B) 8/5 Fri 1:00 - 4:00pm

地點: 上環

每位化妝師負責 1-2 位 model 妝髮, 需自行化妝 set 頭, 適合 Step 2 或以上程度畢業學員, 需自備所有化妝品及髮型用品.

今次找 model 拍攝, 純粹為帶畢業學員 / 初入行化妝師出去儲相、儲經驗, 全程由你自己親手做, 而我會在場觀察, 在完成後再替你改善, 及提點你怎樣可以做得更好~

附上上一次畢業學員為 model 造型之相片, 給大家作個參考:

每次拍的照片風格都不同, 而今次的畢業學員, 完成後亦同樣可取回類同的 portfolio 相片~

免費化妝練習班 (5 月份) x Step 3 新娘化妝髮型進修班開爐

學完化妝不練習, 技巧必定會生疏!

不過以自動練習程度計, 似乎同學仔們都不太踴躍..... 

可能你平常都已有找朋友在家練習, 又或者經已在接 job 儲經驗中, 但只靠自己惴摸, 當然亦不及有導師助你一把對吧~ 畢竟自己是很難察覺得到缺點的, 或不清楚怎樣可以做得更好, 也說不出自己還欠什麼?

所以又是時候強迫各位同學補補習 ^^

有興趣報名參加以下 "免費練習班" 的新 / 舊學員, 可連同姓名、電話、要報名的練習班名稱及日期, email 至 courses@makeupsecret.com.hk 同事將以 email / 電話回覆確定座位.  

所有練習班均為先報先得形式, 額滿即止. 

如沒收到 email / 電話 confirm 通知, 今次報不到名也可等 6 月份的班~

敬請各學員珍惜練習機會, 切勿報名後 no show, 令其他有心想參加的同學仔報不到名喔 ^^

Step 3 學員練習功課

每逢去到 Step 3 最尾一堂, 便是同學仔們大顯身手的時候了~

這堂拍攝課無疑對她們是有難度的, 時間緊迫之餘, 也是她們第 1 次為外籍 model 化妝, 會緊張是必然, 大部份學員去到這一堂都會失手, 未能做出平常程度, 但亦很值得鼓勵, 多加練習就會進步了, 加油~

聘請外籍 model 給學員上堂練習用, 老實說的確貴, 外間也沒化妝學校會捨得花這筆費用.... 

但由於我們經常需與外籍 model 工作, 而鬼妹輪廓 / 化妝技巧 / 氣質都與東方人不同, shooting 用的化妝技巧有又別於新娘化妝, 如果不教這堂, 日後 out job 時不懂得化, 或將東方人的化妝方法硬套上去, 就弄巧反掘了! 貴妝變平妝呀....

所以我覺得這堂課很重要, 絕對不能 skip! 至少在堂上試過, 吸收過錯敗經驗, 將來要再化外籍 model 也輕鬆一點~

這個造型便是今天課堂的功課, 出自小妹我的手筆, 給同學仔們作個示範跟著化:

Hair 則由髮型導師 Cindy 操刀:

Maybelline CC x BB cream video 拍攝花絮

9 月時拍好的 Maybelline CC x BB cream video, 原來在 10 月已經出了街, 自己都不知道, 認真後知後覺! 前日上 Maybelline facebook 專頁見到先發現 hehe ^^

Skincare 妝從來是我最愛, 但亦是最花精神化的妝~

化 skincare 妝當然是為凸顯產品優點, 不可以加太多化妝品, 也不能厚妝, 最好如同沒化妝一樣, 算是真正 "no makeup" 的 makeup. 但 on the other hand 也要同時兼顧高清鏡頭下拍攝出來的效果, 要出到客人 / 攝影師要的色效, 瑕疵也是要遮好. 

看似很簡單沒什麼妝化過, 實情卻比 smokey eyes 晚妝難化多倍, 要不停從 model 身邊及鏡頭後走來走去, 每幾秒來回 check 一次自己化的妝, 很花精神體力但值得~

拍攝一天過後的製成品終於有得睇 ^^

makeup by Isa / hair by Alice @ makeup secret

www.makeupsecret.com.hk

今次的底妝拍攝, 的而且確沒用過粉底, 只用了 Maybelline 的 CC & BB Cream~

Model 的專業態度認真十個讚~ 

由於拍攝務求真實性, 需即場 roll 機試用 CC / BB cream, 再試 BB mix CC cream 效果, 稍有拍攝角度 / 燈光 / 塗用手勢 / 眼神等等不夠完美, model 便需卸妝重新化. 

如是者又卸又化, 再卸再化, 卸到連我都不記得卸過妝幾多次了, 但 model 仍然笑住繼續 (仲要感冒中), 犀利~

漏網之魚又豈止這個 Maybelline video, 過往做過的工作有時好難搵得返, 只能靠自拍的相片存底, 至於工作 ref. 幾時出了街? 真的好難 keep track....

今晚嘗試想上 youtube 尋回上月幫糖妹化的 job 出了未, 雖然 search 不到, 卻意外地 search 到 4 月時為糖妹化的封面妝~ 

雖然並非什麼新作, 但見返自己的妝都好興奮! 

自覺超鐘意那次化的妝(s), 難得因為 topic 可以化濃一點, 帶出了好有女人味的糖妹, 跟平日不一樣~