2015 年尾婚宴小分享~

自從有了 2 個小朋友後，新娘化妝方面都很少宣傳自己了，就連公司 website 內亦只有旗下 makeup artists 的 price list，沒公開自己價目，所以新娘子們都是靠 referral、或因看過我的化妝 video 而留言問我接不接 job 的。

我倒有個小疑問..... 我的 video 都以分享個人化妝為主嘛，到底 base on 什麼原因新娘子們會覺得能委託重任給我呢?~ 

大多只回應因為有睇開我的 video.... 

(唔.... 就不怕我只懂化自己個妝嗎? 呵呵呵~)

不過，的確有很多舊化妝師 / 新娘子們都認為，近年化妝師質數已變得愈來愈參次，明明在網上睇過相簿覺得不錯，去到試妝又是另一回事。而稍為有質數的 makeup artists 又瘋狂加價、甚至有點脾氣 / 性格，令新娘子們無所適從，俾完錢仲要受氣......

我估便是這些因素，反而間接造就了我今年多了新娘客人? 佔 9 成都是已經在外邊試過兩三次妝，最終才嘗試問我接不接 job 的，更試過有新娘子叫我要救命 (好誇張)，話試妝試到怕，唔想再浪費試妝費。

其實我覺得妝化得好與不好，都純屬個人觀感吧。

點先為之 "靚"? 根本沒準則，只要化得出新娘子喜歡的感覺就可以了。

而我認為自己化的妝，其實都很平平無奇，顏色不多，也不愛濃妝，tune 到輪廓就 ok，較著重整體感覺，氣質是要塑造出來的嘛~ 

不過實際上這類看上去清清淡淡、沒什特別的妝，背後功夫會比化濃妝更難倒是真的。

韓風效應之下，不少新娘子都希望 →

- 底妝要夠薄 + long keep + 遮到瑕疵

- 雙眼要夠精靈，但唔想濃妝

- 個妝要清淡似返自己，但影相亦要見到色

- 要每個造型有變化，同時亦要適合自己

等等......

的確，如化淡妝功力不夠，就會跟普通去街妝冇分別，所以亦非想像中咁易，否則新娘子自己都化到。奈何太多化妝師入行時都只 focus 練眼妝，而忽略了最緊要的基本功罷了....

(2015 年尾最後化的新娘子 ^^)

3 星期前化的新娘子 →

2 星期前化的新娘子 →

佢註冊時我仲要喊到變豬頭，太感人~

新娘子 send 回的超有 feel 靚相 →

然而要全心全意化好靚妝，背後還需有個夾到自己品味，審美眼光 + 觀感都跟自己一致的髮型 partner，幸運地我有 3 位慣常 "戰友"~

我一直都認為另外找髮型 partner 一起 out job 是最 perfect 的，妝髮都能更仔細之餘，化妝 / 轉造型時間亦會快一倍! 

好多時 big day 當日負責照顧新娘的酒店 / 酒樓姐姐們，都會好驚奇地話 "乜咁神速轉好妝!"

"係呀~ 化妝 set 頭分開 2 個人嘛，仲有 assistant 幫手換衫戴首飾，新娘可以更快出去繼續影相，enjoy 下個 moment，不用趕頭趕命~"

所以每場婚宴 assistant 亦係靈魂人物，幫得手之餘，仲可以幫埋姊妹親友們轉妝補妝，非常萬能~

再 share 近來流行的新娘髮型 →

髮型當然也是每個造型的焦點所在，好的髮型師能因應你的頭髮厚薄 / 長度而 set 出夾到你的 hair style，而非盲目 set 死 ABCD 頭，懂得運用頭飾亦好緊要，但更重要的是..... 

不會亂用粟米夾夾爆你的頭髮! hahaha~

All makeup by Isa / hair by Mun & Cindy @ makeupsecret.com.hk

近來的新娘髮型都興這類清清純純的，感覺更年輕 →

喜歡波浪的也可揀這種 →

愛田園 feel 的可試試多利用仿真花 / 小鮮花 →

也可用鮮花 + lace 網自製禮帽 (鮮花用多少可隨喜好) →

馬尾造型也是今期大熱之選 →

婚紗髮髻 →

最後想感激過往 1 年信任我的新娘子們、以及陪伴我渡過每一場婚宴的戰友及助手 ^^

感動的話我不懂說，都記在心中~

2016 年大家再繼續加油吧~