畢業學員實習花絮

又來發放一連串的實習花絮相~

經過好幾次實習後, 大家開始逐漸掌握得到化 model casting 造型的要點了! 雖然仍有進步空間, 但已經比頭幾次好好多喇~ 

在課堂內學化妝時, 睇完 demo 照住化, 帶來的練習 model 又是自己朋友, 知道你尚在學習階段, 都不會為難 / 挑剔你, 難度好像不太高.... 但走出課室後又是另一回事, 當面對不認識的客人 / model, 而人家又有要求時, 就少不免會緊張, 化的妝及速度都同樣會打折扣. 

所以去實習就為了鍛練化妝技巧 + 速度 + 儲經驗, 雖不會一步登天, 不過對將來必有得益~

對於不明白化妝師行業的人, 可能會覺得 "哎呀, 學完仲要花時間練習同實習, 又冇錢收, 乜咁辛苦"....

對喔, 學完只能代表你學過, 但並不等於能化出靚妝, 客人也不會單憑你學過化妝而聘用你, 所有 makeup artist 的 "成績表", 都要靠自己一手儲、一手建立, certificate 在這行形同廢紙, 要接 job 全部靠 portfolio (相簿).

所以學完後不練習、不實習, 就算學過也如同虛有.

如果你期望一學完化妝就會有收入, 那是沒可能的, 要接第一單 job, 都至少要有 portfolio 俾客人睇. 那 porfolio 從何而來呢? 就是靠學校提供的各種實習了.

"但實習沒錢收, 又要自己帶化妝品, 又要搭車, 好蝕喔...."

如果要這樣計, 我在工作以外去陪大家實習, 都是沒收入的喔, 誰更蝕了? ^^

再說化妝品 / 工具, 本來就是入行必需品, 化一個妝又用得你幾多化妝品呢?... 

其實所有出名 / 不出名的 makeup artist, 通通都經過這一步, 只是大家不知道人家以前有捱過而已, 所以別只顧看現在喔~

記住你今天的努力與付出, 並不為 "一時", 而是為 "以後"~

直到現在, 有錢 / 冇錢收的 job 我都仍會接.

沒錢收的, 我就當帶學員出去玩玩試試; 而有錢收的 job, 我就將收入分拆、或全數給予學員, 帶學員出去儲 portfolio.

這一點我不孤寒, 如果有錢收, 好應該分給人家. 

但任何行業, 大前提都係同一句 "機會只會留給有準備的人", 你懂的~

是有心學、還是為賺錢而學, 是很易看得出來. 雖說賺錢是理所當然, 但如果在初起步時就有這種心態, 那你便會急功近利, 只求學到速成術, 沒空位吸收更多知識技巧了....