秋冬 Light Smokey 眼粧

唔知大家有冇睇開 FANCL 每個月免費派發嘅 newsletter 呢?~ 

幫 FANCL 寫化妝專欄差不多有接近 1 年喇，又係時候到期暫別，完結篇特別揀咗個「秋冬眼妝」示範，係任何眼型都適合化㗎~ 😃

Light Smokey 眼妝

Step 1 : 於整個眼蓋掃上淡啡色 eyeshadow

Step 2 : 再於低一半位置掃上深啡色 eyeshadow

Step 3 : 畫上較粗的眼線，於眼線乾透前用棉花棒將眼線微微燻染開

Step 4 : 下眼線後方 2/3 處添加一點淡啡色 eyeshadow

雖然同傳統 smokey eyes 一樣係由淺至深漸層暈染，不過就屬於「微煙燻感」，比平時嘅 smokey eyes 更柔和、更適合日常使用、步驟亦簡單得多，就算係化妝新手都冇難度 ✌🏻

其他秋妝要點 →

粗濃眉毛 👀

好明顯近幾年都係興粗眉啦~ (但唔一定要一字眉嘅) 

唔計係咪跟潮流都好，事實上粗眉真係可以令人望上去比實際年齡更年輕 + 更精神 + 臉型更細，所以唔好將堂眉修得太幼呀~ 眉毛唔夠濃密的話，亦可以用眉筆自己填補一下空隙，或者乾脆去做飄霧眉。

霧面感唇色 💄

啞緻霧面感唇膏一向係秋冬妝流行原素，夠 cool 夠潮之餘，色效亦夠 long lasting~ 但因為質感較乾好易令唇紋顯現，所以未必人人都 buy，又怕買咗唔啱用......

其實唇乾嘅人只需要用返屋企有嘅普通唇膏，先搽 1 層再用紙巾印走，重複步驟 2-3 次，on top 唔好搽任何 lip gloss / lip oil，就可以仿傚出霧面感唇妝又唔會覺得太乾了~

淡色胭脂

雖然秋冬掃深色胭脂係好有型有格，不過就唔係人人 carry 到，而且妝感較濃唔適合日日用，加上如果個妝已有 2 個重點位 (以今次為例係眼妝同唇妝)，咁胭脂就要輕手、甚至直頭唔用，避免有登台 feel。

(呢張相係上個月尾影，而家臨近產期塊面已經腫過 🐷 頭，咩妝都冇心機化 😆)

Download FANCL 手機 App 都可以睇到原文~