韓國「Mediv」保濕抗敏面膜 paper mask ❤️ 正到彈起!

話說我公司對面有間小家式 one man band 美容院, 同事買咗佢代理嘅韓國 paper mask 敷完, 話覺得無人能及咁誇張!

而同事讚片 mask 嗰陣, 咁啱我有客人嚟飄眉聽到, 講到我同個客都心思思想買嚟試, 不過未用過又唔知會唔會敏感喎, 正好佢一盒有 10 片, 於是就同客人夾份買咗一盒返去 try try~

我一向都有勤力敷 mask, 屋企當然有好多存貨啦, 所以買完呢盒「Mediv」之後我係隔咗成個月、一直到上星期先攞出嚟試。

一試完...... 嘩! 不得了!! 係不得不得了! 😍

連敷幾日用晒 5 片之後, 第 2 日返工即刻衝過對面再買多盒~~  

先講講產品資料 →

Mediv Zero Mask 鎮定抗敏面膜

專為敏感肌膚而研發, 不但可鎮定敏感肌膚, 促進肌膚吸收能力及鎖水能力, 更能快速修復已受損的肌膚屏障。成份無香精 / 色素 / 無刺激性, 面膜紙是由小分子膠原蛋白組成, 對提升皮膚含水量及免疫力有很好作用, 對敏感肌 / 過敏肌 / 各種皮炎類肌膚效果強大, 適合每天使用。  

made in Korea

$449 (每盒 10 片) @ https://www.facebook.com/mediv.hkg/

Mediv 官網 : https://mediv-skincare.com/

Whatsapp 郵購及查詢 : 6591 0228

滿 $400 免費送貨

「Mediv」呢個牌子我之前真係冇聽過, 當然要請教下對面美容院老板娘啦~ ☺️

佢話呢個係專門批發韓國美容院嘅護膚品牌, 以健康 = 美麗為護膚哲學, 融合超過 20 年醫學檢測技術經驗, 專注以天然草本精華研製, 剔除一切多餘成份, 以肌膚健康為首位。

而老板娘係因為多年前爛面無意之中用過佢嘅護膚品, 結果皮膚靚返晒, 於是就想代理呢個牌子入 hk, 點知「Mediv」嚴謹到唔接受攞貨, 一定要佢飛去韓國上堂考到美容師牌先俾佢代理, 結果仲造就咗佢開埋呢間美容院~

後來我仲去做咗次 facial, 發現原來韓國做 facial 嘅手法 + 程序 + 概念都同「港式 facial」好唔同㗎! 關於「韓式 facial」嘅分享我遲啲再 share, 今次 focus 返盒 paper mask 先~ 😉

我知睇相係好似冇乜特別, 但其實一摸上手就會 feel 到面膜紙質係超級軟稔! →

Paper mask 我試過咁多, 紙質特別軟身嘅亦當然有遇過, 而呢隻「Mediv」係算得上我用過之中質感最軟綿綿, 依產品描述指佢嘅面膜紙係由小分子膠原蛋白組成, 並非普遍面膜紙。

因為紙質夠軟, 所以亦特別貼面, 片 mask 係勁濕勁多精華液, 不過就唔會滴水流落頸~ 👍🏻

剪裁方面都 ok, 係鼻位爭少少敷唔到啫, 都可以自己將片 mask 移低少少 adjust 一下嘅~

產品用法話敷完 15-20 mins 後可除去面膜, 不過片 mask 啲精華其實係多到敷足 45 mins 都仍然未乾㗎! 包裝袋裡邊剩低嘅精華又係多到足以搽勻全身!

通常敷極未乾嘅 paper mask 裡面一定係佔好重油份, 所以先至吸收唔到唔識乾, 我以為呢隻「Mediv」都係嗰類啦, 點知佢又唔係喎!

敷完好明顯係吸收到晒, 一啲都唔油, 皮膚又平滑又有光感, 均勻到膚色, 改善到偏黃, 仲顯著 K.O 到我嘅泛紅問題𠻹! → 

正到爆呀! 😍

連敷 5 日後效果 →

見敷完 1 次效果咁鬼正, 於是就連續敷多幾日, 而家皮膚真係素顏都識得發光呀! 正過好多牌子, 算係我試過嘅 paper mask 之中最有驚喜嘅! 🎉

唯一就係鼻翼位敷唔到, 所以仲見到鼻翼係偏紅, 但對比之下就可清楚見佢改善咗我其他位置嘅泛紅問題, 毛孔 / 紋理亦撫平咗好多好多~

雖然 $400 幾蚊盒聽落好似唔平, 但一盒有 10 片嘛, 除返開都係 $44.9 片啫, 以效果計係好平𠻹啦! 用完膚質真係提升到喎! 👏🏻

溫馨提示 :

因為係小家式 one man band 美容院, 存貨量肯定不多, 建議唔好衝上去買怕 sold out, 老板娘得一個人幫客做緊 facial 時又 serve 唔到你, 都係去 Facebook 專頁網購更實際, 至少遇上冇貨都可以訂定先, 反正滿 $400 係免運費。 

Mediv Facebook 專頁 : https://www.facebook.com/mediv.hkg/

Mediv 官網 : https://mediv-skincare.com/

Whatsapp 郵購及查詢 : 6591 0228

加插花絮.......

前日有客人上嚟飄眉, 見我講到盒面膜同 facial 咁好, 佢又即刻走過對面買嚟試, 講笑叫我唔好出 blog 介紹住, 等佢 book 埋做 facial 先, 怕一分享完人哋 full booking 冇得做.... 😂

嗯...... 我而家都怕自己分享完 book 唔到 facial / 買唔到盒 mask, 都係聽日返工過去買定多盒先! 🤣🤣🤣