內外高純度補充膠原 💪🏻 日本 ReFa「Moisture Serum 膠原水潤精華液 + Collagen 膠原蛋白飲」review

要數 ReFa 最出名嘅, 當然係佢嘅「白金滾輪瘦面按摩棒」, 出名到幾乎冇人唔識咁滯~ 

但唔講可能唔多覺, 其實 ReFa 除咗瘦面按摩棒之外都有推出 skincare 的, 如洗面膏 / 眼霜 / 精華 / 面霜 / 卸妝膏等等, 上年仲新出咗呢個「彈性美肌膠原蛋白系列」, 有面部 serum 同 collagen drink🍹

眨下眼我又試用咗 1.5 個月, 分享一下用後感~

介紹咗支 serum 先 →

ReFa MOISTURE SERUM CL 膠原水潤精華液 

一次過滿足紋理、潤澤、彈性 3 個條件

結合 2 種大小分子「速效型 + 持久型」膠原蛋白複合物, 透過均衡搭配 2 種生效時間不同的膠原蛋白複合物, 能令養份瞬間滲入肌膚加強補濕, 並能持久保持彈性及滋潤感。配方同時可幫助肌膚達到「6 : 4」的水油比例均衡狀態, 給予肌膚長時間潤澤修護, 打造光亮彈性美肌。

made in Japan

$480 / 30ml @ Refa

ReFa 官網 : https://www.shlab.com.hk/zh/

FB 專頁 : https://www.facebook.com/refa.hongkong/

(trial product sponsored by ReFa)

比較特別嘅係 serum 內嘅「螺旋形」物體 →

係乜東東? 

係有「三重螺旋結構」嘅大分子膠原蛋白, 而透明嘅就係小分子膠原蛋白~

記得我成日講搽 serum 最好分開 2 支嘛? 先搽細分子 serum 易於滲透至肌底, 再搽多支大分子 serum 就可以滋潤面層肌膚呢?

其實就係因為覺得單 1 支 serum 無法同時滿足皮膚內外需求, 所以就分開搽 2 支了, 而呢支 ReFa 就正正滿足到大細分子內外所需, 真正可 1 支攪掂, 慳錢慳時間 👍🏻

所以認為售價 $480 都算合理, 如要分開買 2 支大小分子 serum 係仲貴過佢~

唧出嚟係透明無色無味 →

佢個螺旋形油性大分子精華 + 水性透明小分子成份, 會於真空泵唧出嚟嗰刻先至混合為一體, 確保每次都係最新鮮狀態~

質地屬透明 gel, 感覺柔滑細膩又易推→

搽勻極速滲透, 不油膩黏稠, 同時又不失滋潤感 →

So far 用咗個半月, 約剩下 40%, (我係早上用 1-1.5 泵, 晚上用 2 泵) →

首先質感係正嘅~ 比一般同類膠原 gel serum 柔滑細膩輕軟好多, 搽嗰陣係好順滑, 膠質感唔重, 冇油膩黏稠厚杰感, 亦冇任何人工香料氣味~

搽勻係即時見到平滑咗 8 成乾紋 + 7 成毛孔, 感覺潤澤咗, 雖然初時都有丁點油光, 不過就唔算黏笠, 都吸收得頗快, 以我咁 dry 嘅皮膚用都覺得佢補濕度好好, 係內外都多咗份潤澤感, 吸收得快之餘皮膚亦唔覺乾, 用耐咗都真係有覺得塊面彈性好咗 + 有透亮感, 係 good 嘅! 🥰

搽完佢再搽粉底明顯係貼服滑溜好多, 又唔會起擦膠粒粒 👍🏻

呢支 dry skin 試得過呀~ 

而混合肌用可視乎情況將份量減少至每次 1 泵 (或更少)

輪到 ReFa 皇牌「COLLAGEN ENRICH 膠原蛋白飲」→

榮獲 JESSICA 雜誌 「2018 My Star-Rated Beauty Awards - Collagen Drink」殊榮, 蘊含 160000mg 高濃度、高純度、低分子膠原蛋白, 只使用提煉量非常少的初榨成份作原料, 容易被身體吸收。每天飲用 15ml, 即有效補充約 5000mg 膠原蛋白, 讓美肌理念融入生活。

如每日飲 15ml, 一支大約可飲 1 個月 

$780 / 480ml 

設計到成支香檳咁樣, 包裝得好靚! 🍾

將來如有 gf 生日要夾錢買禮物, 都不失為一個 gift idea~  

除咗有樽蓋替換, 亦有附設小量杯一個 →

味道係雜果味, 唔覺得難飲, 仲要幾好味𠻹! 同罐頭雜果啲 syrup 味道相似, 不過單飲就勁甜 (也較濃稠), 建議倒入有氣水 / 清水內飲用, 唔好單飲~

至於效果.....

好難目測得到, 加上我並冇乖乖的堅持每日飲, 只係間中飲 mix 有氣水, 咁點計都應該有飲好過冇飲啩? 😝

FYR, 呢支 ReFa 每 15ml 係含有 5000mg 膠原蛋白, 而 FANCL 嘅 Tense Up 就每支 50ml 含有 2600mg 膠原蛋白, 係一個 double 😉