客人唔鐘意你化個妝, 點算?

客人唔鐘意你化個妝, 點算?

有咩點算? 當然要化到客人滿意為止啦~~ 

唔通就咁收工走咗去算數咩? 更加別企圖 convince 客人這樣化是較適合她 (你應該也做不出吧), 應該想想辦法修補妝容, 直到客人滿意收貨為止. 將心比己如果你係客, 都希望聘用的 makeup artist 能化到自己鬼火咁靚, 化得唔夠靚 / 唔係佢心目中個樣喎, 唔開心一定有, 換著係你都唔開心啦~

對 makeup artist 而言, 其實這種情況是十常八九, 只是新入行化妝師可能會被嚇到, 不懂得處理而已. 

遇到客人不喜歡你的妝, 根本無需氣餒! 要明白每個人也有自己喜歡的妝容風格, 有的愛長眼線 / 有的愛 nude lips / 有的愛濃妝 / 有的愛一字眉等等.... 而你又非人家肚內條蟲, 當然未可 100% 估到人家 exactly 想要什麼, 未必是你的技術問題, 也可能只是大家風格不同, 無需太 take it personal, 改到滿意就 ok. 所以常說為客人化妝時, 要邊化邊溝通, 就是想更確切捉摸客人想要的效果. 

也要 bear in mind 你喜歡韓妝, 並不等於所有人都喜歡. 假設客人要高貴 style 的時候, 你會化條一字眉出來嗎? 所以每一次為客人化妝, 也要摒棄自己慣常化開的一套, 才能真正叫做 tailor-made, 化出適合客人之效果. 心中的水杯永遠要 empty, 才能容納更多的水.  

而新入行化妝師, 其實也需知道當遇到這類情況時, 自己 vs. 有經驗的化妝師分別在哪裡, 才能使自己更進一步!

有經驗的 makeup artist 就是遇到這類情況, 都可以好鎮定, 只因完全知道應該要修改哪裡 / 改用什麼產品, 就能極速變回客人想要之效果, 不會有改不到 / 唔知點改的問題存在, 所以便能夠淡淡定定, 不會手忙腳亂 ^^

But of cos, 以經驗搭救亦等於你要化過好多妝, 錯過好多次, 才算有經歴能用得上.

那麼新入行 makeup artist 遇到客人不滿意妝容時, 最 key point 要做的, 就是直接問客人取回 feedback, 例如覺得哪些地方不夠好? 是眼線太粗? 妝太濃? 唇色太紅? 然後 9 秒 9 修改.

溫馨提示, 如果在化妝時有跟客人好好溝通, 就能大大避免化好後要修改的情況了~

同時也提點一下化妝學員, 當你尚在學習階段時, 互相練習的同學仔 / 或你的朋友們, 一般會遷就你, 就算不喜歡你化的妝 / 發現你化錯 / 又或者你整痛到佢, 都不會出聲話你. 如果你又不問她們取回 feedback 就更慘, 將來出去工作面對客人, 人家真的不喜歡就不喜歡, 不會給人情牌喔~

所以問回 feedback 是超重要, 由學緊化妝 / 練妝時侯就要開始喇! 早一步熟習跟人溝通, 每次練妝後問回 feedback, 百利而無一害~

Makeup Secret
專業化妝髮型課程
www.makeupsecret.com.hk