日本 THREE 最新秋季「WORLD CITIZEN」彩妝系列 💅🏻

時間眨眼就過, 話都冇咁快又就嚟入秋 🍂

不過熱咗咁耐都好期待快啲到秋冬, 到時又可以化返啲有個性嘅秋妝襯衫喇! 😃

自覺所有復古 / 型格 / 成熟風 / 韻味妝等等都係為秋冬而生的......

因為夏天熱吖嘛, 著嚟著去都係一件頭背心或短袖, 妝感都以清新淡妝 / 自然感 / 防水防溶為主, 冇乜驚喜可言, 反而秋冬啲衫就多層次啲, 多色多變啲, 妝就可以有更多變化、更 colorful 了! 

又睇睇日本「THREE」秋季新出 “WORLD CITIZEN” 妝品系列有咩產品先~ 

日本「驚安殿堂」✈️ 化妝品好物分享 2020

雖然而家 hk 乜都買得到, 新貨又追得日本好貼, 不過點計都係日本買會新啲啲 + 抵少少 + 更齊貨嘅~ Share 上個月去日本買咗啲咩 / 好唔好用先, 部份妝品 hk 都有售~

由於篇文太長, 今次只介紹化妝品, skincare 下篇再分享, 要啲時間寫 😉

* 文章內價格以 100 yen 兌 7.1 港元 + 免稅 + 四捨五入計算

** 所有相片均可按圖放大 🔍

KOSE 旗下 ESPRIQUE

hk 官網 : https://www.kose.com.hk/esprique/index.html

總覺得佢 image 同 Shiseido MAQUILLAGE 好似, 都係主攻 OL 路線, 包裝同價位都差不遠

沙漠肌冬天上妝好幫手 👍🏻 植村秀「Skin Perfector 輕潤美膚噴霧」Makeup Refresher Mist

明明搽完 skincare 後都潤潤哋, 但上完粉底同碎粉後隔一陣又再乾到繃繃緊, 乾紋又重現? 之但係唔掃碎粉定妝又好易溶妝喎? 唔通又要換過支粉底? 

冇錯近排天氣真係好乾呀! 乾到搽埋精華油化完妝都覺得塊面好 dry..... 唔想特登買過支新粉底, 其實仲可以考慮買支定妝噴霧自救喎~ 😉

介紹得俾大家自救, 就當然唔係普普通通嘅補水 spray 啦~ 

Shu Uemura 呢支係帶植物精油成份的, 滋潤感好充足, 唔係噴完好似冇噴過嗰啲, 噴完個妝真係會 K.O 到乾燥感, 望上去更平滑剔透, 係我冬天妝後嘅好幫手! 👍🏻

加拿大之旅 ✈️「Sephora 化妝品 + 䕶膚品」用後報告

今次去加拿大探親係上年已 plan 好, 有充足時間諗清楚去 Sephora 買啲乜, 以免失守買埋啲唔等使嘢, 點知一去到就遇上 Sephora 減價, 會員全店 85 折! 

對住咁多化妝品䕶膚品, 選擇困難症又發作, 結果摸下呢樣又摸下嗰樣, 唔覺意就逛咗 2 個幾鐘  😅

寫咗 3 晚, 又報告一下買咗啲咩 / 好唔好用啦, 大部份介紹嘅產品 HK 都能買到的~

GUERLAIN 全新秋妝「PARURE GOLD 金鑽修顏系列」review

GUERLAIN 每次出嘅化妝品都 grand 到一個點, 尤其係啲限量品就更加令人注目, 質地仲要幾唔錯𠻹, 唔係只得個樣~

而今季新出嘅秋妝「PARURE GOLD  金鑽修顏系列」, 除咗繼續 keep 住高貴靚樣之外, 仲非常實用 + 質感靚 + 妝效極好! 👏🏻

一齊睇睇化出嚟嘅效果吖~~ 😊

本地創作「ZOAY」化妝掃 😍 平靚正!!

上星期行行下商場見到有間精品店, 耳環首飾 / 香薰 / skincare / 擺設 / 手機殼乜都有, 全部都係唔同牌子寄賣形式咁, 走入去行個轉八卦下啦, 竟然見到有化妝掃賣喎! 

仲多到有幾十款揀, 有齊 tester 任試𠻹! 結果摸摸下就摸咗 2 支返屋企喇 💸🤣 

重點係勁平 $69 蚊支咋!! Quality 仲要唔差!  😱

新歡更勝舊愛 😂 日本「HEROINE MAKE Kiss Me 纖細眼線液」

本來用開日本 K-Palette「1 Day Tattoo Real Strong Eyeliner 防水眼線液」, 一直都覺得好好, 不過最近 2 個月又揾到新歡了, 仲要比舊愛更防水兼更抵用𠻹~

舊愛 : https://isadoracheng.blogspot.com/2019/05/1-day-tattoo-vs-leanani.html

新歡「日本 HEROINE MAKE eyeliner 纖細眼線液」→

韓國「Too Cool For School」$99 平靚正修容陰影粉 Art Class by Rodin

突然好想買盒陰影粉自用, 最好有埋陰影掃附設嗰種......

自覺用開嘅韓國 VIDIVICI / 美國 Smashbox 陰影粉都係非常好用, 又有化妝掃附設, 不過香港冇專櫃要買就比較麻煩, 同埋用咗咁多年都想試下其他。

雖然中途都有買過其他牌子試 (如 Makeup Forever / Addiction), 但用用下又覺得一般, 嫌顏色唔合心意, 望過其他平價同專櫃 brand 又覺得冇乜特別, 最終就不了了之冇買到。

估唔到隔咗成大半年, 終於俾我買到呢盒啱心水嘅「Too Cool For School」喎! 😊

日本「K Palette One Day Tattoo Lasting Lip Tint Maxi Plus」斷貨水潤唇釉

K Palette 嘅「One Day Tattoo 眼線液」我用緊兼好滿意 ❤️

而佢早排推出嘅「One Day Tattoo Lasting Lip Tint」唇釉, 日本仲一度賣斷市! 

既然咁賣得應該都唔會差啩? 我又買支 try try~

日本 1 Day Tattoo 眼線液 VS. 日本樂天銷售第一 Leanani 眼線液

對 makeup artist 嚟講, 由於會幫唔同化妝品牌做示範, 又會經常收到新妝品, 自然能練成用咩牌子 / 質地 / 筆嘴眼線液, 都可以一揸上手就 adjust 到力度畫出靚眼線。

雖然係用咩筆都畫到, 但唔多唔少都有少少 preference 嘅~ 

我係只愛用「毛筆款筆嘴」眼線液, 而且特別鐘意揀幼長型掃毛 + 尖細筆嘴 + 中等彈性毛質, 當然唔少得畫時要夠流暢 + 色澤要夠均勻飽和 + 防水防油~

試勻晒專櫃牌子 + 日本開架牌子眼線液之後, 我已經揾到自己嘅心頭好喇 →

點解 bye bye 告別零售 👋🏻

早幾個月前拍 video 都有 mention 過話我哋舖頭冇再做零售喇~ 都知道未必人人留意到, 所以都係出個 post 通知大家一聲好啲 😊

間中都會有熟客問點解唔再做零售? 

其實係做咗 10 年 retail 個人好攰呀~~

大家知我除咗零售之外, 仲要教班 / 接 job / 飄霧眉等等身兼多職, 每日工作時間已經好長, 加上近來生完 BB 要湊 B, 好難再 manage 到咁多嘢, 衡量過之後就決定 cut 走最花精力嘅零售了。

其實做零售除咗要經常揾新貨, 出去見代理商, 入貨前要親身試好耐, 入貨後亦要宣傳, 唔係一買一賣咁簡單, 加上而家做 retail 亦難做過以前 N 倍, 來貨價每年上漲, 租金又加得勁, 扣除成本後利潤就變得極低了...... 而且無論你揾到幾好嘅貨, 轉個頭都會周街有得賣, 賣得平過你劈價嘅大把, 網購 / 代購渠道又有咁多, 我都無謂加入戰團 lu, 唔做 retail 個人仲輕鬆啲 ☺️

以後亦當然會繼續推介好用嘅產品俾大家啦~ blog 文依然會照寫冇分別嘅~


至於我舖頭以前出售過嘅產品, 每日都仍會收到查詢可以喺邊度買得返?

大部份都係於各牌子嘅代理商 facebook page / 其他零售店買得到㗎~

唯獨係日本 Mizuho 化妝掃 hk 就真係冇, 而日本喺某啲大型 department store 都有出售, 不過我上次去日本望過就唔齊貨, 確實係比較難買到, 售價亦比我以前賣得貴。


如果有興趣想買, 店舖係仲有下圖幾款 Mizuho 化妝掃新貨剩低, 亦有少量其他款式 tester 可供購買 (唔舊的, 以 discount 價出售) →

有興趣標尾會歡迎 WhatsApp 公司手提 6315 5670 或 inbox 公司 FB 專頁郵購 / 留貨~  https://www.facebook.com/makeupsecret.hk/

6 款新貨可於呢度睇到 (售完即止唔會再補貨了) :
https://makeupsecret.com.hk/products/

至於 tester 就要 WhatsApp 問問再 send 相睇喇~ ☺️

Eye Talk 新出「Hybrid Film 無痕隱形雙眼皮膠水」review

似乎日本都好興用呢類「無痕隱形雙眼皮膠水」喎, 我見愈來愈多牌子都相繼推出呢類產品。

上次試完「D.U.P」同類膠水唔 ok, 其實都知自己眼皮係太重, 用膠水唔夠力撐起, 不過見「Eye Talk」啱啱又新出咗一樣嘅嘢, 就當俾次最後機會自己試下啦 💪🏻

雖然我係內雙眼皮, 不過又未至於話見唔到, 所以呢啲雙眼皮膠水 / 膠紙以前後生都好少用, 但一過咗 35 之後眼皮就愈來愈重 + 下垂喇, 攪到望落愈來愈似單眼皮..... 😔 

眼底就話可以打 HIFU / RF / 埋線 up lift 啫, 但眼皮就乜都冇得攪喎, 唯有靠膠水 / 膠紙自救了。

Beauty Avenue「Beauty Gala」優惠 set 買咗乜?~~

話說 Easter 放假老公話想去朗豪坊樓上買 LEGO, 叫我自己逛商場等佢, 遇著樓下 Beauty Avenue 做緊「Beauty Gala」優惠好鬼抵, 於是荷包又不經意地留咗一地血 👉🏻👈🏻

行咗 1 個鐘, 我經已忍唔住打俾老公問佢落得嚟未, 再唔走我會破產..... 😅

好多人 FB inbox 問我買咗啲咩 / 有咩 set 抵買, 襯住 promotion 未完結等我快手 share 先!

Beauty Avenue FB 專頁:

https://www.facebook.com/beautyavenue.hk/

日本人氣「OPERA 柔潤亮澤染色唇膏」正呀! 😍

主打平靚正 + 時尚奢華並重嘅日本唇膏品牌「OPERA」, 響日本人氣咁爆, hk 又怎會冇呢?

明明 12 月已殺入 SaSa, 想買佢呢款 Lip Tint 好耐, 不過就唔係間間分店有, 我公司附近嗰間 SaSa 都係早幾日先有咋~

有乜咁正?

$98 支但仲好用過專櫃牌子喎! 顏色自然仲要係極滋潤亮澤! 唔係講笑, 真係揮低咗 cle de peau / YSL / Armani 嗰啲幾條街~ 😆

眼線手殘有救! 日本「CM Eyeliner Eraser」

新手好 / 熟手好, 你估日日條眼線都可以畫得咁 perfect 咩~ 趕起時間上嚟都會手震㗎~ 😆

尤其每個人眼皮 / 眼型 / 眼尾都總有點鴛鴦, 左右眼要畫嘅眼線長短 / 角度 / 粗度都可能要調較, 就算幾熟手都實有甩漏要修改少少嘅 moment 吧? 要抹要改嗰陣大家又會用咩方法?

用棉花棒乾抹? 捽到又紅又痛都未抹到啦.......

用棉花棒沾卸妝水? 會抹到連眼影都冇埋喎......

用棉花棒沾粉底抹? 會有粉底痕兼未必完全抹得甩.......

用細 size 遮瑕掃 + 遮瑕膏抹? 好微細嘅瑕疵就得, 而且個妝都係會花.......

所以呢~ 其實你點抹都係死路一條, 攪到愈抹愈花到時又要再畫過, 倒不如睇下今次推介呢支日本「CM Eyeliner Eraser」幫唔幫到你手~ 😃

平價有好介紹! 日本 Visée 新出「My Nudy Eyes」四色眼影

正所謂眼影唔一定要買得貴, 最緊要都係好用兼啱自己用~

繼上次買完盒 NARS (嫌太深色 + 跌粉) + M.A.C (嫌粉質唔夠貼滑) 眼影組合之後, 我又買咗今次盒「Visée」, 用咗 2 星期, 覺得佢仲好用過啲貴價 brand 𠻹呀~ 值得推介 👏🏻

始終都係鐘情於細細盒嘅眼影, 夠慳位吖嘛! 就算要帶出街 / 帶去旅行都更輕巧方便~

M.A.C 壞女孩眼影組合「Prissy Princess #公主病色系」review

上年陀緊 B 冇乜心情化眼妝, 都係求其化有個妝返工就算, 一直到而家先有返 mood 打扮, 至發現原來有成 9 個月冇買過 eyeshadow 喇! 於是月頭即刻衝去 NARS 同 M.A.C 買咗 2 盒, 彌補返身心創傷 🤣🤣🤣

NARS 新出嗰盒「Skin deep」上次已介紹咗, 今次輪到 M.A.C 嘅「壞女孩眼影組合」→

其實都推出咗 1 年, 不過顏色啱用就得, 冇分新舊啦~

NARS 新出春妝限量品「Skin Deep 眼影組合」

我明明上一秒先啱啱去 M.A.C 買咗盒大地色眼影組合......

點知行過幾個 counter 見到 NARS 呢盒...... 我又乖乖掏荷包......

得一對眼, 唔知點解要同時買 2 盒 earth tone 眼影粉......

只能講句我對 NARS 嘅免疫力實在太低喇, 一見佢出限量版 palette 就會發顛! 😆

亦承認係有諗過想即刻返轉頭去 M.A.C 換過其他產品嘅, 只係做唔出啫..... 經過今次, 我學識咗下次想買化妝品要去 NARS 望咗先 🤣

SaSa 扺買 40 周年限量「Beauty Closet 美妝衣櫥聖誕倒數月曆」開封 🎁

今年連 SaSa 都有出聖誕倒數 Advent Calendar 呀，包裝外型仲要好靚𠻹! 裡邊仲附設埋一筒顏色筆，等你開盒後可以幫兩邊啲花花填色 😍

內裡每格小抽屜都藏有 1 件化妝品 / 護膚品，total 有 12 件 →

最驚喜係佢只售 $888!! 但裡邊嘅產品就價值 $3,386 !! 

好明顯我係等唔切 X'mas 就已經拆晒啲禮物出嚟啦 🤣個盒亦可以 recycle 用嚟放文具，或者俾囡囡用嚟放 barbie 衫仔都唔錯喎~ 

繼續睇睇裡邊收埋咗啲乜嘢寶貝啦~

(trial products given by SaSa)

NARS「2018 聖誕限量版妝品系列」率先睇

每年 NARS 嘅聖誕限量妝品都係出晒名實用 + 值得搶購，無論幾迫人都要去望望嗰種，今年當然冇例外，款式仲要靚過往年𠻹呀! 😍

今年 packing 除咗用上 70 年代龐克風窩釘 design 之外，仲推出咗好多 gift set + 化妝組合，仲有可以陪住你倒數、內藏 24 件迷你妝品嘅 Advent Calendar! 

真係睇見都心跳加速~~