2019年9月24日 星期二

GUERLAIN 全新秋妝「PARURE GOLD 金鑽修顏系列」review

GUERLAIN 每次出嘅化妝品都 grand 到一個點, 尤其係啲限量品就更加令人注目, 質地仲要幾唔錯𠻹, 唔係只得個樣~

而今季新出嘅秋妝「PARURE GOLD  金鑽修顏系列」, 除咗繼續 keep 住高貴靚樣之外, 仲非常實用 + 質感靚 + 妝效極好! 👏🏻

一齊睇睇化出嚟嘅效果吖~~ 😊

今次「PARURE GOLD 系列」最矚目嘅就係有 Kay 做代言示範 → 

完美演繹出秋妝高貴氣質, 仲滲出知性美 😍

FB 專頁及最新優惠 : https://www.facebook.com/GuerlainHK/

(products sponsored by GUERLAIN)


PARURE GOLD CUSHION 金鑽修顏氣墊粉盒 SPF 25 PA++ →


靈感來自皇牌「Parure Gold 金鑽修顏粉底液」, 將炫肌美膚特質融會至便攜式 cushion 粉底。全新配方內含多面金色色素 + 活性膠原蛋白促生成份, 質感水盈柔滑, 能遮掩毛孔及細紋, 即時令肌膚綻現神采。

$530 / 15g (粉盒連一個粉底) 共 3 色選擇

9 月 1 日連卡佛優先發售, 10 月 1 日全線專櫃及專門店有售


金色鏡面粉盒設計 →


最特別係粉底面層有層「保護薄膜」 →

層薄膜 layer 係好薄好薄, 確保每次都能釋出適量粉底

隔住個 mon 都見到粉底質感好水嫩 👍🏻


薄印一層效果 →

當然上咗粉係唔會變謝安琪 😆 

而粉底質感就同其他 cushion 粉底有啲分別, 呢隻係極幼滑 + 有滿滿水感, 印上面覺得好貼滑, 完全冇卡粉 / 唔均勻 / 侷束嘅問題, 補濕度高之餘並冇黏稠感 / 油光感, 屬淡薄清新妝效, 同時留有自然光采唔暗啞 🥰

至於紋理 / 毛孔都平滑到一半, 遮瑕度就屬中等, 唔算好高但都均勻到膚色, 局部印多一層都 cover 到大部份斑斑, 重點係不失皮膚真實感~

不過夏天用佢就認為持久度唔算高, 約 2-3 小時會開始出油, 夏天都係用返控油粉底好啲, 呢盒 GUERLAIN 會較保濕, 建議留返凍少少秋冬用更好, 特別適合 dry skin 用~ 👍🏻

(妝效同質感真係幾唔錯, 只係隻色唔啱我有丁點白)


*限量版* PARURE GOLD 金鑽修顏亮肌粉餅 →

配方蘊含 24K 金, 讓肌膚由內而外透亮發光, 更能修飾毛孔及紋理瑕疵, 展現柔滑啞緻的完美肌膚, 無論何時何地都能擁有剔透完美底妝, 持妝度更可長達至 8小時。

$510 / 8g (屬透明粉餅只得 1 色) 


先解構盒粉 →

金色位 =  帶微閃 24K 金成份
白色位 = 半啞緻霧面妝效高清粉


鏡盒極靚~ 😍

勝在 size 夠扁平, 適合放手袋外攜補妝用~

不過冇附設粉樸, 兼冇位放粉樸呢點就唔夠方便...... 要帶出街用唯有自備 "有蓋伸縮掃"  

而定妝效果我就覺得冇乜特別, 跟同類白色透明高清粉餅相同。另外由於呢類粉餅粉質較薄透, 總覺得用嚟定妝好難沾得夠粉, 要掃好耐先夠清爽, 所以我會 perfer 只用佢嚟補妝。


PARURE GOLD 金鑽修顏定妝噴霧 →

嶄新配方蘊含紫錐花 + 活性膠原蛋白促生成份, 可為肌膚保濕, 更添平滑柔順, 令底妝更貼服持久, 並具抗氧化功效, 能抗禦污染帶給肌膚的傷害。輕輕一噴即能透現彩妝亮采, 固定底妝同時提升妝容光感, 令肌膚頓感飽滿及平滑。

妝前噴 : 能為乾燥皮膚注水打底, 全日持久水潤
妝後噴 : 能令底妝持久一整天

$360 / 30ml


我皮膚一年四季都乾, 早已慣用定妝 spray, 化好妝再噴一噴可加速底妝融合, 冇咁 "粉樣" 之餘睇落皮膚亦會光滑啲 + 有光澤啲 + 紋理都冇咁顯眼, 個人勁 buy 呢種「光滑定妝感」, 望上去可減齡, 所以呢支 spray 我係鍾意嘅 😍

好多人認為 spray 咗之後, 個妝反而溶得快過平時?

其實係因為皮膚水份濕度提升咗嘛, 就會覺得唔夠乾爽而快咗溶妝, 所以定妝噴霧呢樣嘢呢, 都係為 dry skin / 秋冬 / 室內有冷氣而設嘅~ 

至於油胜肌 / 唔鐘意光澤感底妝的話, 就可以同佢 say bye (除非係用控油 spray) 😉


*限量版* 閃金流麗液體眼線筆 →

獨特創新配方, 不一樣的質感及風格, 譜寫眼線新基準。2 種描繪方法 :

方法 1 : 普通描畫眼線
方法 2 : 畫眼線後, 待 1-2 分鐘再用手指輕輕暈染捽開, 可變為防水 eyeshadow 

$340 / 5ml (共 2 色選擇)


本來我一向麻麻哋鐘意用呢類瓶裝 liquid eyeliner, 好怕支掃都唔夠尖幼..... 

不過佢支掃都夠尖幼軟身, 算好易畫~   


另一用法係畫完眼線後用手指推開, 就可變為 eyeshadow →

呢個用法好得喎! 好方便! 眼妝勁快化好仲要好防水, 咁熱嘅天氣下都全日冇溶妝! 😳

咁攪法真係連眼影粉都可以慳返唔使買 😍

可惜今次限量版只出咗 2 色 (酒紅色 / 金屬墨綠), 如果可以多幾隻色揀就正喇!


KISS KISS 白金瑰寶唇膏 →

經典 KissKiss 唇膏秋季重塑包裝, 成份蘊含珍貴護肌油 + 升級透明質酸 + 保濕芒果脂, 能滋潤平滑雙唇紋理, 增強雙唇柔軟感, 塑造豐盈美唇。

$280 / 3.5g (秋妝新推出 3 色)


其實 GUERLAIN 嘅 lip product 一向都唔錯, 出晒名夠潤, 好啱乾唇用~ 

而呢支 KissKiss 唇膏係屬透薄質感, 搽上係自然透光色澤, 冇實物望上去咁深色實色, 感覺亦極柔潤, 我冇搽 lip balm 打底直接搽佢都唔覺得乾, 仲撫平到唇紋𠻹 💋


*限量版* 炫閃光影粉盒 →

玫瑰金 + 金銅色幼細粉末完美混和, 能為面容添上和煦自然光輝, 提亮膚色, 趕走秋日倦容, 增添妝容光感。

$420 / 6g (只得一色)


話就話係光影粉, 不過其實係 bronzer (古銅粉), 有少少深色偏橙, 就似帶閃嘅橙色胭脂 →

膚色深的話係可當光影粉用, 但膚色白就只能夠當胭脂粉用了, 都可以當 eyeshadow 用的 😉


全妝效果 →

全個妝係用上面介紹過嘅 product 化出~

面頰橙橙哋 / 啡啡哋, 就係掃咗上面嗰盒光影粉, 係覺得膚色望上去有暖暖 sun kiss 感覺嘅, 不過就略嫌太閃所以只掃了丁點 😊


2 則留言:

  1. 請問呢個cushion同guerlain早排既祼光絲柔精華粉底液比較點樣?

    回覆刪除
    回覆
    1. 咁我會覺得之前嗰支粉底液好用啲,感覺上遮瑕度高啲同持久啲,呢款 cushion 比較淡薄~

      刪除