2018年7月16日 星期一

POLA「B.A 光彩精華液」B.A Serum Prislumina 用後感

有 89 年歷史嘅「POLA」,自 1929 年開始已經係日本護膚界著名頂級專櫃品牌,更响日本得過多個美容奬項! 當中以美白亮肌效果顯著最為人熟悉,連我閨密都食緊佢嘅美白丸話好有效咁樣! 所以雖然佢價格唔平,但都攪到我心思思好想試呀! 😍

不過因為懷孕中暫時唔食得,唯有試住佢嘅護膚品先,今次亦係我初次試用 POLA 嘅 skincare~

B.A 系列「光彩精華液」→

係上年新推出嘅精華,引用革命性「Bio-Active 肌膚再生理論」原素硏發出一種能快速滲透並為肌膚帶來光澤的新配方,令肌膚重生,煥發肌膚幻彩活力,重塑年輕緊緻光彩。

2018年7月12日 星期四

Estee Lauder 2018 夏季新升級版「Double Wear 持久透亮氣墊粉底 SPF50 PA ++++ 」Cushion Foundation 用後感

Estee Lauder 2 年前推出嘅「Double Wear 持久透亮氣墊粉底」,備受一眾用家 + 編輯推薦,風頭曾經一時無兩! 😌

而最近佢又新出咗呢款專為夏天而設嘅「升級版」,唔知效果又點呢?~

等我又分享一下用後報告啦~

2018年7月10日 星期二

日本天然護膚品牌 🌺Naris 新出「REJUARNA 紅石榴花萃化妝水」用後感

皮膚極乾的 ladies 們請埋位~ 🤗

皆因今次介紹呢支日本 Naris 新出「REJUARNA 紅石榴花萃化妝水」(爽膚水),絕對會係你杯茶呀~ 除咗係天然萃取成份、連敏感肌都可以用之外,仲係針對膚色暗沉 + 清除舊角質 + 抗氧修復 + 滋潤肌膚而設,價錢仲要係抵用嗰隻!

加上粉紅色樽身亦夠搶眼,日系風格滲出濃厚少女味~ 

(熱切渴望用後可由少婦變少女 🤣)

2018年7月9日 星期一

當竹炭遇上蜜糖 🍯 Origins 7 月新登場「Charcoal Honey Mask」面膜用後感

Mud mask (深層潔淨泥膜) 好多人都用過,市面上各牌子黑泥 / 白泥 / 灰泥等等實在多不勝數,但無論幾好用嘅 mud mask 都始終難逃一個缺點,就係乾.....

敷完後嗰種乾爭爭嘅繃緊感覺,令到你唔跟手敷多個保濕 paper mask 都唔掂..... 😩

而 Origins 7 月新登場嘅「CLEAR IMPROVEMENT ™竹炭蜂蜜滋養面膜」就完全解決咗呢個問題喇! 新配方係結合咗活性炭 + 蜜糖,有效溫和深層淨化同時滋潤肌膚~

我試用過覺得呢盒 mask 係好值得買呀!! 快啲去望望~ 😍

2018年7月7日 星期六

英國星級粉底 Charlotte Tilbury「Magic Foundation」用後感

英國著名星級品牌 Charlotte Tilbury,有留意化妝品資訊的話一定識得啦! 😙

事關佢短短幾年間已經躍升至 A list 榜,好多國際一線明星 / 名模都係用家,創辦人又係星級化妝師,一推出時就已備受注目,半年前仲進駐埋 HK 連卡佛,令一班本地 fans 唔使再海外郵購~

而今次 review 嘅就係 Charlotte Tilbury 呢支皇牌「Magic Foundation 粉底液」喇 →

2018年7月5日 星期四

Lancôme 新出「Hydra Zen Jelly Mask」面膜 review

話說呢支 Lancôme Jelly Mask 係上月去德國旅行時買的,新到 hk 仲未有......

其實 Lancôme 嘅 skincare 我都冇用好多年喇,對上一次已經係 8 年前買過佢嘅 Génifique 系列精華 / 眼霜 / 晚霜,皆因佢有好多護膚品我皮膚用親都過敏 (應該係香料問題),所以對佢好感不大......

但經過 Sephora 見有呢支新 mask 旅行裝 50ml,又即管俾多次機會佢試試啦~ 😆


Lancôme Hydra Zen Jelly Mask 

蘊含玫瑰花水及蜜糖萃取 + 透明質酸 + 獨特減壓配方等,係一款可同時潔淨、保濕、柔滑、鎮靜肌膚、回復膚色光澤感、減壓嘅啫喱面膜。可作為保濕 mask / sleeping mask 使用,特別適合敏感肌 / 乾性肌。

50ml 旅行裝約 HKD 120 

2018年7月4日 星期三

Shiseido 2018 夏季新出「UV Protector WetForce 防曬系列」review

Shiseido 嘅防曬產品,我不經不覺已經用咗 10 幾年喇! 🎉 

由廿歲女時經常去船 P / 曬太陽,演變到近年只會陪囝囡去沙灘玩沙,一家大細去親户外玩都只用 Shiseido。咁忠心其實係因為後生時試過搽咗佢响海上玩足全日都冇曬黑,所以隨後每逢夏天去戶外玩就只用佢,懶得冒險試其他了~

加上近年 Shiseido 每年夏天都有推出新防曬產品,由大人用 / 小朋友用 / 敏感肌用 / 有色冇色都有得揀,系列夠晒齊全,好易揀到心水~


而今個 summer 嘅新成員就有下圖呢 3 件 (左至右) →

Perfect UV Protector 全新升級配方防曬霜 SPF50 PA++++ 
Clear Stick UV Protector 全新透明防曬棒 SPF50 PA++++ 
UV Lip Color Splash 高防曬唇蜜 SPF42 PA+++  

賣點係採用 "獨家 WetForce 防曬技術",搽後會形成透明防曬保護層,全方位隔絕紫外線及空氣中嘅污染物,遇水遇汗後更會令防曬保護層更鞏固,防曬效能極致提升。

2018年6月29日 星期五

有圖有真相 🌟速效淡斑孖寶「Jan Marini Luminate 重點去斑抗老精華乳」x「ENVY Medical Lumixyl™ 淡斑美白霜」

話說公司早個幾月前入咗 EVNY Medical Lumixyl™ 新出嘅「淡斑美白霜」........

代理話連埋 Jan Marini 支 Luminate Face Lotion「重點去斑抗老精華乳」共用,淡斑效果會好好......

但係我已經打過咁多次去斑 laser,好難試到護膚品嘅淡斑效果,梗係要揾個多斑斑嘅人先試得清楚啦,所以就揾咗 admin 同事做白老鼠~

點知佢只係搽咗 1 個月效果已經好明顯! 😱

繼續 roll down 睇 before & after~~~

2018年6月28日 星期四

韓國潮人熱捧! VT Cosmetics 3 款「膠原蛋白精華粉底系列」試用報告 review

今次介紹呢幾盒有 "小金盒" 之稱嘅「VT 膠原蛋白精華粉底」,鐘意去韓國旅行 / 有留意韓國妝品嘅你,應該未見過都有聽過吧?~

事關佢除咗被韓國 / 台灣 / 日本潮人熱捧、响 SNS (社交網絡) 上爆紅之外,仲勁到長踞韓國美妝店 Olive Young 銷量 No.1,响日本開售時更出現長長人龍搶購呀!

能夠瘋魔萬千用家又有咁多網上好評,仲 hit 到而家連香港 SaSa 都有售,相信一定不無原因,等我又分享一下試用報告俾大家知先~ 🤗


2018年6月26日 星期二

Olay「微磁導入緊緻面膜套裝 MAGNEMASKS」review

Olay 呢套「微磁導入緊緻面膜套裝」一出嗰陣,睇到電視廣告好似好吸引買咗嚟試,但卻一直等到最近先開始用,因為....... 

我實在太懶喇! hahahaha~ 😅

始終呢套 Olay mask 敷上面後仲要 keep 住碌幾分鐘,冇 paper mask 咁方便嘛,放片 mask 上面就可做其他嘢 hehe~ 😝

近排終於見得閒啲試咗佢幾次,share 用後感先~

2018年6月22日 星期五

【日常妝示範 + 近期新妝品試用 review】June 2018

終於去完德國 honeymoon 返嚟喇~

襯有時間 + 陽光充足响酒店房拍咗個化妝 video,順便 review 埋近期新添置嘅化妝品好唔好用,所以今次段片會特別長,enjoy~ ☺️


Video 內介紹過之產品 list 👉🏻

2018年6月14日 星期四

遊日本藥妝店「驚安の殿堂」化妝護膚好物分享 2018 春夏 review

由大阪返咗 HK 一星期,終於的起心肝寫呢篇,實在太多相、太多字有排寫,結果又寫足 4 晚 😬

3 個月前先去完東京,咁快又再去大阪只因老公好鐘意日本,加上年尾生得,襯而家仲行得走得又剛好有 4 日假唔使教班就起行了,順便去買吓童裝同 BB 嘢~

上次去東京買咗一堆化妝品 / skincare,部份到而家都仲用緊,所以今次去大阪只係 "小出血" 盡量揀實用嘅嘢買 (反而童裝就買咗一喼) ☺️


2018年6月12日 星期二

防曬都有氣墊 Cushion Compact? 適合嬰幼兒 / 成人用嘅物理防曬「GOONGBE 宮中秘策」

韓國老字號嬰幼兒天然護膚品牌「GOONGBE (宮中秘策)」,最近推出咗新嘅高防曬度「SPF40 PA+++ 嬰幼兒防曬氣墊」呀! 响 HK 連 sasa 都可以買到,好方便 👏🏻

雖然話就話係 for 嬰幼兒用,但當然大人都用得啦! 尤其係皮膚容易敏感一類 skin type,就好適合用呢一類低刺激性、冇防腐劑、冇致害物嘅物理性防曬產品喇~ 

GOONGBE「嬰幼兒防曬氣墊 SPF40 PA+++」資料 → 

不採用歐盟禁止的有害成份,通過韓國皮膚科研究所安全測試,不含防腐劑、人工色素及香料,採用天然成份如桑莓及積雪草萃取物、並加入保濕及抗氧化成份維他命原 B5 及角鯊烷,為成份溫和、低刺激性而質感親膚之物理性防曬氣墊,防曬粒子只會停留肌膚表面,不會被皮膚所吸收,不對肌膚造成負擔。

適合 6 個月或以上嬰幼兒 / 成人使用。

$197 / 一套包括粉樸 x 2 + 粉盒 x 1 + 防曬霜 x 1 @ sasa

2018年6月9日 星期六

去日本必買嘅平價粉底? Shiseido 副線「INTEGRATE GRACY」2 款皇牌粉底 review

Shiseido 平價開架副線「INTEGRATE」化妝品,歴史悠久到陪伴大家成長咁滯,我 10 幾年前已經有用過佢嘅化妝品,應該唔少人去過日本 / 台灣旅行嘅人都買過~ 😊

而今次介紹嘅「INTEGRATE GRACY」雖然個名同包裝都同「INTEGRATE」相似,賣嘅嘢亦相差無幾,不過佢哋兩個專櫃 + 官網都係分開唔同的,估計「INTEGRATE」應該係主攻學生 / 年輕肌,而「INTEGRATE GRACY」則主攻 OL 市場吧?

其實兩者都係 quality 相當好嘅平價化妝品牌,唔知點解一直都冇進駐 HK,如果將來 HK 都有專櫃就好喇..... (部份 HK 網店應該會有水貨)

分享一下「INTEGRATE GRACY」2 款皇牌粉底嘅用後感 →

(上) White Liquid Foundation 美白保濕粉底 
(下) Moist Cream Foundation 保濕粉底霜

2018年6月8日 星期五

夏妝持久底霜! Sofina Primavista「3 合 1 完美遮蓋底霜 Multi Cover Base UV」review

Sofina Primavista 三款妝前底霜之中,最皇牌 / 最出名 / 最多人買嘅莫過於係有控油效果嘅「Long Keep Base」,大部份人春夏都係揀呢支買的 (下圖中間),好多年前我已於 yahoo blog 年代介紹過~

但如果大家以為 Primavista 只有「Long Keep Base」最好用,咁就走漏眼喇!  

其實佢支「Moisture Coat Base」冬天乾性肌用係好正 (下圖最右),又夠潤又唔貴,又係早幾年有推介過~

而今次推介嘅「Multi Cover Base UV」(下圖最左)夏天用除咗可以 cover 毛孔、控到油、持妝度高之餘,仲有強效均勻膚色效果添! 😍

個人認為佢比只得控油功能嘅「Long Keep Base」更好用,功能更多! 雖然唔係咩新出品,都已經推出咗幾年,不過好用就得啦~

2018年6月7日 星期四

LA MER 2018 夏季新出「Luminous Lifting Cushion Foundation 亮肌妍塑氣墊粉餅」review

如果大家有 follow 我 Facebook 的話,應該知道我剛從大阪回來了~

今次去日本當然又買咗唔少化妝品 ,不過因為需要少少時間試用先分享到效果,所以今日就先 share 住 LA MER 新出嘅氣墊粉餅用後感啦~ 😊


Luminous Lifting Cushion Compact Foundation  亮肌妍塑氣墊粉餅 SPF 20 →

集皇牌活膚功效與亮麗覆蓋於一身的美肌粉盒。 糅合 Miracle Broth™活膚精華的水潤修復力量及鎖色包囊技術,有效提升肌膚亮度,上妝仍後持續滋潤賦活肌膚,小休時補妝就如為臉龐增添水潤乳霜,讓你時刻展現無瑕亮釆。

2018年6月1日 星期五

我再婚了~

26/5 呢一日,我又再次成為 Mrs~

成為單親媽媽一年後,估唔到好快就遇到一拍即合的另一半,拍拖幾個月就計劃結婚,雙方朋友家人一方面替我哋開心,另一方面又會怕我哋行得太快會擔心。

其實呢~

尋覓半生又跌過痛過,都只不過係想揾到一個愛錫同珍惜自己嘅人,既然咁啱遇到,大家性格又咁合拍,理念目標又一致,又能理解雙方所需,相處到舒服成咁就決定結婚了 🎊


拖我拍過,婚我離過,我只能夠講由我結識我老公至而家,雖然只係好短時間,但我一直認為遇到佢係我嘅福氣,能夠遇到一個咁愛錫同照顧自己嘅人,仲要咁錫我一對小朋友,我已經好幸運~

而我老公亦奇怪點解我兩度前任會唔識得珍惜我,所以感情事從來都係人夾人,夾得到自然會認為對方好吧? 只要做好自己本份,時機成熟了緣份自會出現~


然後有 follow 我 Facebook 的讀者,應該已知道我又懷了第 3 胎~

公佈喜訊之前,我已經預咗外人會點諗,始終 3 個小朋友唔同爸爸,閒言冷語一定有,我好理解呀,亦一啲都唔介意,介意就唔會做呢個決定~

反而係一班好同事 / 好朋友會介意人哋話我,覺得外人係因為唔知當中原因先會有閒言,要我安慰返轉頭 haha~

我都係嗰句啦~ 結得婚冇人想分開,分開得就一定有苦衷,所以既然可以做嘅已經做齊,咁跌低咗都總要起返身,樂觀面對將來~

而過去 10 年間呢 2 段感情我亦冇後悔過,始終都係我人生經歴一部份,只係條路比較上冇咁平坦,但都過去咗了,以後一家人安安穩穩就足夠~ 💕


2018年5月18日 星期五

激讚補濕精華!「Jan Marini HYLA 3D 高濃度透明質酸激活細胞精華」單睇大細份子都唔夠,仲要睇埋分子結構?

相信大家都知皮膚要夠水份先會平滑剔透,亦都知最有效補濕鎖水嘅成份就係透明質酸....

但點解已經有日日搽緊透明質酸精華,又唔係用平價嘢,但皮膚都仲係咁乾、咁多乾紋、毛孔仲係咁顯眼呢? 🤔

其實係因為......

大部份市面上嘅透明質酸精華都主 sell 細份子、易吸收、質地清爽,而呢類精華我同你都試過唔少,佢哋唔係冇效,只不過對我哋呢班中女嚟講唔夠咁解~

由於呢類細份子透明質酸精華質地都較稀身,所以當乾性肌 / 成熟肌一搽上去就已經俾角質層吸晒,未必落到肌底,而面層嘅保濕感覺亦較快流失,所以就會有 "搽咗好似冇搽過" 嘅感覺了。

以年輕肌 / 唔太乾嘅皮膚計,其實呢類細份子透明質酸精華係夠用的,但對乾性肌 / 中女嚟講就當然唔夠,好多時搽完都覺唔夠保濕要加量搽 double,又或者再補搽其他保濕精華咁,計落其實成本仲高咗添......

咁即係揀大份子透明質酸精華更好?

但係潤得來又會好膠質 / 好侷好黏 / 起擦膠碎喎? 咁即係點揀好呀?

等我今次分享吓點樣揀適合自己嘅透明質酸精華啦~ 🤗

2018年5月9日 星期三

分享試做 OASIS beauty 全新「雙炫金緊緻活顏療程」

網上預訂優惠【$298 雙炫金緊緻活顏亮眼療程】

預約連結: https://goo.gl/i3tK2F

現凡完成網上付款程序,完成療程後額外免費獲贈亞洲面膜專家「Eurobeauté炫金活顏緊緻體驗套裝」(1套5件/價值$450)

**今次登記呢個 facial,仲可以試做埋個眼部療程,非常超值,有興趣就唔好錯過喇!

(treatment sponsored by Oasis beauty)


2018年5月4日 星期五

「皮膚敏感 / 濕疹爆發」護膚品推介

皮膚敏感? 濕疹爆發? 

幾時都係預防勝於治療!

今次推介嘅 2 款「Marine Elements」產品都係有效預防同拯救濕疹 / 敏感爆發嘅恩物,有效修復兼鞏固返皮膚屏障,唔會令皮膚受刺激 👍🏻 

首推「Face Wash 潔面啫喱」($118/120ml) →

好多人爆發敏感時都會第一時間揾 cream 搽,但就從來冇諗過要換過支洗面膏。其實皮膚敏感好多時都係因為乾得滯 / 皮膚屏障流失引起,繼續去用含起泡劑成份嘅洗面產品只會令敏感情況惡化呀~

「Marine Elements」全系列 skincare 都係採用安全、溫和、有效抗敏、預防濕疹嘅優良成份製造,連小朋友同孕婦一家大細都用得,價錢又唔貴,由 2 年前佢救返我個囝嘅皮膚敏感之後,我哋就一直用到而家喇~ 👨‍👨‍👧‍👦


2018年5月1日 星期二

由髮芯內外拯救雜草頭 ❤️「OWAY 有機 Rebuilding Treatment」

7 折優惠期至 2018 年 6 月 1 日,有興趣可以致電 Green Touch Salon 查詢預約~ 

尖沙咀金馬倫道 18-20 號 Mangan Buulding 1/F B 室 
tel. 28773068 

價錢方便折後大約千頭,由於要視乎頭髮長短,都係致電問返 Salon 好啲 ☺️

(treatment sponsored by OWAY & Green Touch)


2018年4月30日 星期一

Becca「Aqua Luminous Perfecting Foundation」用後感

話說呢支 Becca 粉底液....... 係貪靚男同事 Edmund 叫我試的 😂

雖然 Edmund 同我一樣係乾性敏感肌 (佢仲要敏感過我好多),大家都一樣用到保濕類型粉底,不過佢鐘意嘅粉底質感都偏透薄 (男仔嘛),而我就鍾意有遮瑕度嘅粉底,所以當佢俾呢支 Becca 我試時我都冇乜期望,心諗應該又係薄到冇乜點化過妝嗰類?

想當年 Becca 未撤離 hk 時,我都有買過佢嘅胭脂 / 眼影 / 遮瑕膏 / 碎粉 / base,唯獨冇買過佢嘅粉底 (就係覺得太薄),點知今次試完又發現原來都幾好喎! 有 coverage 之餘又薄得自然~ 😍

就係呢支得獎皇牌「Aqua Luminous Perfecting Foundation」喇 →

2018年4月25日 星期三

Jan Marini 強效去眼紋「Age Intervention Eye Cream 科研抗衰老滋潤眼霜」

之前提過連美國都 sold out 嘅強效去眼紋 eye cream,因為一直都入唔到貨,所以我用咗好幾個月都未介紹過佢,上星期終於返到貨喇~

就係呢款「Jan Marini Age Intervention Eye Cream 科研抗衰老滋潤眼霜」→

至於佢強响邊處呢?

之前曾經返過幾盒貨,有熟客買咗一盒試,唔夠 2 星期又帶多 2-3 個 friend 上嚟買,話用咗 2 星期唔夠已經少咗 2 條眼紋!

貪靚男同事 Edmund 亦有用呢盒 eye cream,佢話早前去深圳兩日一夜遊,唔想帶咁多嘢,就剩係帶咗呢盒 eye cream 去一次過搽面搽眼。2 日後返到公司好興奮咁 share 話,原來用嚟搽面皮膚會變得好飽滿、好水潤兼虎紋明顯淡咗! 

不過當面霜搽好奢侈啫 😅

其實同一個 Age Intervention 系列都有盒逆齡面霜啦,搽面化算好多喎 😂

至於我嘅用後感,就 roll down 慢慢睇啦~

2018年4月17日 星期二

夏天啞緻 foundation「KATE The Base Zero 零瑕肌密粉底液」review

再繼續介紹夏天啱用嘅啞緻型粉底 😊

上星期剛剛介紹過中價嘅 Bobbi Brown「Skin Long-Wear Weightless 持久輕透霧鏡粉底液」俾大家 (重溫 : bobbi-brown-skin-long-wear-weightless ),不如今星期就介紹返隻平少少嘅「KATE」啦~ 


KATE「The Base Zero 零瑕肌密粉底液」→

輕輕一抹能完美修飾凹凸不平的毛孔 / 瑕疵,與肌膚融為一體,打造零厚重感的底妝,具 SPF 18 PA++ 防曬度。

$129 (共 6 款顏色選擇) @ sasa / Watson's / 萬寧

2018年4月11日 星期三

Younique「MOODSTRUCK MINERALS Stiff Upper Lip 唇釉」好用!

Younique 呢個牌子對大家嚟講可能有啲陌生,老實講我之前都冇聽過呢個牌子 😆

不過早幾個月前有 PR 送咗 Younique 支唇釉俾我用,我先發現原來係好正架喎!

就係呢支「MOODSTRUCK MINERALS Stiff Upper Lip 唇釉」→

蘊含滋潤唇部肌膚成份,能增加唇部皮膚含水量,並修復唇部肌膚柔軟度。顏色光鮮,妝效持久,能營造出柔滑而飽和的啞光唇妝效果,不易暈染外溢,不留痕跡,色效能持續一整天。配方不含麩質、香料、乳膠、硫酸鹽、PABA 及 BPA ,不經動物實驗 。


$171 (共 13 色選擇) @ https://www.youniqueproducts.com/

後來上網望咗一輪,先知原來佢係外國直銷牌子,並不設門市,不過 HK 係有網站可郵購。

(trial products given by Younique)

2018年4月10日 星期二

Max Factor「Masterpiece Nude Palette」新色 Golden Nudes 眼影組合效果圖

之前推介過嘅 Max Factor「Masterpiece Nude Palette」,春季又出咗新色!

新色 #Golden Nudes 高雅金啡色 →

其實都推出咗一個月有多喇,不過我仲仍然沉醉於佢盒 #RoseNudes 之中,一直未開封試呢盒新色 hehe~

上星期終於開咗嚟用,試吓色俾大家睇先 😊

2018年4月9日 星期一

婚禮前排個靚毒! H365「排空元素」+「菜菜籽」試飲效果

其實...... 我一向都係瘦底

只不過...... 呢幾個月真係食得太多嘢,個肚同身型都同步漲咗好多....

上個月同朋友講開話已經 book 咗試婚紗,佢哋話: "咦? 咁你係咪應該要減咗肥先去?" 😅

雖然大家唔係覺得我肥,只係睇慣咗我瘦所以笑吓我咁解啫,不過確實對比起我以前嘅身型,我自己都覺得而家係漲咗好多,都係時候做返啲嘢喇,再繼續咁樣落去唔使旨意著得落件婚紗 😆

至於點減?

得返 2 個月時間,從來唔做運動嘅我決定......  繼續唔做運動,靠 supplement 幫手算數! 🤣

經過我多次食減肥 supplement 嘅經驗話俾我知,無論我點減點瘦,個肚都係漲住瘦唔到的,係一食嘢就凸肚嗰種,所以決定要幫啲腸排個靚毒先~

以前去做 body 測試時,已經有治療師同我講過我啲腸係郁得慢,排唔到宿便,叫我要多食益生菌。隨後我有乖乖 keep 住食咗一年,情況係好咗啲,只不過要達至個肚扁平的話,效果始終都係唔夠,要揾啲強效啲嘅先得喇~

上個月開始試的 H365「排空元素」+ 「菜菜籽」→

2018年4月3日 星期二

REVLON「COLORSTAY™ 全新眼線筆系列」review

早陣子收到 REVLON 的新出眼線筆系列 + 眼妝品,又係時候寫個用後感報告一下 🤗

當中盒 4 色眼影粉 + 眼影打底霜 +  眼影膏 + 彈性筆尖眼線筆,我都覺得係幾好用的,價格亦親民,值得一試~

2018年4月1日 星期日

Bobbi Brown 新出「Skin Long-Wear Weightless 持久輕透霧鏡粉底液」好用!! ❤️

每當天氣一開始熱,想去買新粉底嘅沖勁又燃燒 (銀紙相對也在燃燒) 😂

其實常用中嘅 SUQQU Extra Rich Cream 粉底霜 / Armani Power Fabric 粉底液 / Shiseido SYNCHRO 氣墊粉底,我都覺得夏天係可以繼續用,唔需要刻意買新粉底,但我又好奇今季新出嗰啲控油粉底效果係咪真係咁好嘛 hehe~

之但係大家知每季都出咁多新粉底,支支都索價四五百,總不可能全部試勻,當然要 shortlist 幾款效果好嘅先買啦! 今日就先推介我開季第一支買嘅 Bobbi Brown~