2020年9月8日 星期二

2020年9月1日 星期二

一樽攪掂防曬同全個底妝! 慳時慳力 🥳 美國 Jane Iredale「Powder Me 防曬粉 SPF30」

近排返工同啲客傾開計, 好多人都話而家日日戴口罩, 連搽防曬 / bb cream / 粉底都懶了, 一來怕會侷住塞毛孔, 二來夜晚要卸妝好麻煩...... 但唔化返少少粉底又會似黃面婆喎, 好糾結...... 😓

又懶又想靚, 可唔可以兼得呢? 

得㗎~ 得㗎~ 🤗

今次推介呢樽「Jane Iredale - Powder Me 防曬粉」就非常適合懶人用! →

有 SPF30 PA+++ 物理性防曬 + 可均勻膚色 + 天然礦物製 + 不傷皮膚不阻塞毛孔 + 用普通潔面品即可卸淨。一樽攪掂又唔使刻意卸妝, 夠晒方便啦~

2020年8月24日 星期一

日本 THREE 最新秋季「WORLD CITIZEN」彩妝系列 💅🏻

時間眨眼就過, 話都冇咁快又就嚟入秋 🍂

不過熱咗咁耐都好期待快啲到秋冬, 到時又可以化返啲有個性嘅秋妝襯衫喇! 😃

自覺所有復古 / 型格 / 成熟風 / 韻味妝等等都係為秋冬而生的......

因為夏天熱吖嘛, 著嚟著去都係一件頭背心或短袖, 妝感都以清新淡妝 / 自然感 / 防水防溶為主, 冇乜驚喜可言, 反而秋冬啲衫就多層次啲, 多色多變啲, 妝就可以有更多變化、更 colorful 了! 

又睇睇日本「THREE」秋季新出 “WORLD CITIZEN” 妝品系列有咩產品先~ 

2020年8月20日 星期四

噴「濕敏敵」幾日 K.O 咗呀囝濕疹! 🤩 中醫草本成份係勁喎!

明明全家都冇濕疹, 係唔知點解細囝有......

初時見佢只係細細撻, 少少紅 / 少少甩皮凸起咁, 但愈大情況就愈明顯, 半年後已經變成一大撻, 2 隻腳仔都 R 到損晒..... 🥺

雖然只屬初期, 但都預計到繼續落去會一直惡化, 梗要趁早 K.O 佢啦! 

大家都知濕疹係可以發得好嚴重㗎嘛.....

口罩期防汗控油不溶妝 💦「ANESSA 極防水美肌 UV 透滑 BB 霜 SPF50」

戴口罩都仲要化妝?

我就唔係日日化嘅, 都係睇心情啦 ☺️

加上一早已經紋咗眼線 + 飄咗眉 + 植咗睫毛, 其實都冇乜嘢要化, 淨係搽層 cushion 再掃少少碎粉定妝, 均勻一下膚色就出得門口 ✌🏻

自從轉用下面呢支「ANESSA 極防水美肌 UV 透滑 BB 霜 」之後, 而家仲連粉底碎粉都慳返𠻹! 淨係搽佢 1 支就有齊 SPF50 防曬 + 防汗水粉底 + 控油定妝功效, 又再慳返多啲時間 👏🏻

反正化唔化妝都係要日日搽防曬, 咁揀支有色嘅順便均勻埋膚色就更靚啦~

2020年8月14日 星期五

Glycel「Hydro Firm 燕窩完效極緻乳霜」用後感

疫情下少咗人出街冇晒遊客, 美妝業生意淡薄是必然了..... 

但亦因為呢個原因, 唔少䕶膚品牌都喺呢段時間推出網購 discount, 如果屋企咁啱冇乜存貨, 襯有 discount 買就剛好, 順道可支持一下過渡零售業寒冬 💪🏻

以 Glycel 為例, 今期啲買 1 送 1 / 優惠套裝 / 滿 $500 減 $100 / 滿指定金額送 free gift / 其他折扣等等, 如今次介紹呢盒「Hydro Firm 燕窩完效極緻乳霜」就做緊 7 折再減 $100 →

2020年8月6日 星期四

韓國天然草本醫學級護膚品 Mediv™

好耐冇寫 blog 😅

主要都係因近來 COVID-19 經常留喺屋企, 冇乜出街冇買新嘢, skincare 都係用緊屋企存貨, 化妝品又日日戴口罩唔使買, 所以都冇新嘢可以介紹, 唯有摷摷屋企有乜好用而又未介紹過嘅 product 寫寫啦~

講起近排最貼身嘅皮膚問題, 當然係長期戴口罩侷到塊面出晒油 + 出暗粒, 有時真係侷到想連 skincare 都唔搽咁滯呀 😣

不過唔搽 skincare 又唔得嘅, 始終室內有冷氣皮膚都會乾, 長期唔搽嘢膚質肯定會轉差, 同埋個口罩貼住塊面磨下磨下咁, 唔搽 skincare 反而仲痕 + 覺得會磨到甩皮𠻹! 

喺要搽又唔想搽之間掙扎之下, 唯有盡量揀返啲天然草本護膚品用用 → 

2020年5月22日 星期五

Laser 洗眼線係點? 十級痛但好有效

(溫馨提示, 內圖會有點恐怖, 怕血的慎入)

紋「下眼線」大家都知係咩啦~ 由於紋完會好惡好實色, 所以而家都冇乜人會紋了。  

然後上年開始新興如同淡眼影般的「啡色點霧下眼線」, 唔係一條黑線咁實色,亦會隨住時間淡化, 唔會好似舊式眼線咁永久殘留, 效果比舊式的自然好看, 可慳返化妝時間兼唔會溶妝, 於是我又心動了, 自己响屋企幫自己紋咗次, 覺得效果都幾 ok 喎~

不過始終紋自己同幫人紋唔同, 紋落自己隻眼都真係有啲難控制唔夠就手, 於是半年後佢就淡化消失咗了。  

2020年4月29日 星期三

Glycel $238 網店限時獨家優惠套裝

廣告時間~~ 😆

只需 click 入 https://bit.ly/3eVVaQb 就可直接連結至 Glycel 網店購買了~ 連結內亦會有每款產品的詳盡資料 + 其他限時優惠套裝介紹~


12 折 Glycel $238「DNA 燕窩完效年輕活膚」套裝包括: 全效細胞更新精華 15ml 燕窩完效極緻乳霜 15g 燕窩緊緻修護乳霜 10g 燕窩完效極緻眼霜 5g 燕窩緊緻修護精華 3ml 全效細胞更新面霜 3g 燕窩水盈煥膚面膜 3ml 燕窩緊緻修護眼部精華 3ml 高效活膚潔面乳 3ml 全效升級版魚子極緻修護面膜 2 片 高效膠原水凝眼膜 2 片




2020年4月6日 星期一

澳洲 Khemist 有機「纖體淡紋理療精油」

認識 Khemist 呢個香薰護理牌子, 係因為公司附近有分店, 差不多每日經過都見到, 好自然地就成為咗佢嘅長期顧客, 用緊佢嘅香薰機 + 香薰油 + 消毒噴霧 + paper mask + 身體磨砂 + body lotion + 嬰幼兒 lotion 等等。

早排新年時見有優惠就買咗佢呢支「纖體淡紋理療精油」試, 有專門針對腰腹收緊 + 淡化橙皮紋及妊娠紋效用, 啱我 🙋🏻‍♀️

So far 用完咗 2 支, 覺得功效都幾 ok, 推介一下~

2020年3月24日 星期二

撫平毛孔細紋有驚喜! 👍🏻 IPSA 新出「煥顏柔膚水 Refining Lotion」

毛孔 / 細紋 / 缺水呢回事, 大家知真係好難 K.O 得盡..... 😣

除非你好有恒心經常敷 mask 吧~ 否則只靠日常搽護膚品都只能延緩一下情況, 個人認為唔夠有效主要都係關 "滲透力" 事, 始終護膚品分子都偏大, 只能於面層作法, 未必可去到根源, 所以一直都覺得要收細毛孔細紋 + 幫肌底補水就要靠質地稀身的 "精華水"。

曾經試過好多款精華水, 當然唔會支支都有驚喜, 有啲都覺得 ok 嘅, 但效果又未至於好到要 encore 回購咁, 通常試完 1 支就算.....

如果你都有同感, 就要 try try 今次推介呢支 IPSA 新出柔膚水喇~ 🙌🏻


2020年3月21日 星期六

告別凹陷「印第安紋 / 大細面」👋🏻 Juvéderm VOLUMA 透明質酸幫到你

疫情下當好多人連 facial 都唔敢去做時, 竟發現原來都會有好多人覺得呢個時候做「微整」👉🏻 例如打 botox / 透明質酸 / 淚溝針 / 雙眼皮吊線之類係 good timing?

真係喎~ 我見近來 FB inbox 問我微整推介嘅人比平常都多, 理由係反正日日都要戴口罩 / home office 冇人察覺, 兼有足夠時間 recover...... (聽落又好似係, 但當然要自己衡量啦 😉)

早 2 個月疫情開始前都打過一次透明質酸, 填補面頰嗰 2 凹入去嘅「印第安紋」

2020年3月16日 星期一

卸妝 + 潔面 👍🏻 fresh「Soy Face Cleanser 大豆卸妝潔面乳」

講到卸妝, 其實好多人都好懶, 確實放工係已經好攰, 明嘅~ 

尤其而家日日戴口罩, 好多女仔返工都只化 "半個妝", 淨係上半搽少少 base 或粉底, 咁化得嗰少少嘢要卸妝都確係有啲麻煩嘅.....

而今次推介呢支「Soy Face Cleanser」就可以卸妝潔面一次過, 慳返唔少時間, 爽呀~ 佢同時亦係 fresh 嘅暢銷熱賣品, 好多人用過都讚好並不斷回購, 上癮度 100%! 😍


2020年3月10日 星期二

口罩下的控油修飾毛孔 base「韓國 April Skin💡Perfect Magic Face Starter」

而家每日都要長時間戴口罩, 可以唔化妝就盡量唔好化啦~ 又或者只化眼妝, 等皮膚休息一下, 化咗妝侷住都對皮膚唔好 😉

不過都明白有啲人係貪靚到戴住口罩都想化妝嘅...... 想個妝再持久啲乾爽啲, 控油 base 一定幫到手! 如我以前推介過嘅 NARS「Pore & Shine Control Primer 零毛孔控油妝前底霜」($370), 就係我用過最持久嘅控油 base, 不過乾肌用就會有少許乾。

如想控油之餘有返少少保濕效果, 同時又可 cover 毛孔紋理, 咁就可以考慮今次介紹呢支 April Skin → 
  
因為係保濕 + 控油每樣有啲, 所以論控油度必定不及 oil-free 嘅 NARS, 但對 dry skin 而言就比較合適。一般控油 base 因為偏乾都只適合夏天用, 而呢支就冇咁乾, 一年四季都能用, 我自己都覺得呢支啱用啲, 而且平啲 ☺️

就算唔化妝、剩係想預防出油都可單用, 不過搽咗並唔等於會完全唔溶妝 / 唔出油, 只不過就溶少一半, 持久度再長啲, 一定好過唔用咁解~ (用咗都要卸妝, 避免 block 毛孔)

2020年2月29日 星期六

日本 No.1 🏆 Milbon 專業級 home care 髮膜 hair mask

我係 Milbon 粉絲 😍

自從用過佢嘅洗頭水 + hair treatment, 拯救咗我把長期漂染枯髮之後, 自此就愛上咗佢, 用完一支又一支~ 

對於我呢啲又要染、又唔想把頭髮變雜草嘅人嚟講, 始終都要俾多少少買 salon 級護理髮品 keep 一 keep 嘅, 試過好多平同貴牌子都仍然覺得最有效係 Milbon, 單係洗頭水 + hair treatment 兩樣嘢已經有效過其他牌子啲 hair mask 👍🏻 

2020年2月27日 星期四

呢隻急救密集補水掂!💧韓國 Dr. Jart+「Vital hydra Solution 強化保濕膠囊精華」

話說上月初去日本旅行前怕天氣會好乾, 為怕去完個旅行返嚟又乾到敏感爛面, 都係買定啲強效補濕精華帶去用穩陣~

而要集中補水當然係揀 "安瓶精華" 最有效, 始終比普通精華更高濃度 + 更高效 + 滲透力更高, 而且細細支散裝帶去旅行用都方便啲, 去幾多日就帶幾多支, 用完即棄 👍🏻

貪心地買咗 3 款帶去試, 最終認為只有 Dr. Jart+ 最好用, 其餘 2 款都一般般。

呢款 Dr. Jart+ 係膠囊唔係支裝, 但同屬安瓶效用一類 →

2020年2月18日 星期二

日本「驚安殿堂」✈️ 護膚品好物分享 2020

距離上次 share 嘅 日本「驚安殿堂」✈️ 化妝品好物分享 2020 又隔咗一陣, 期間好耐都冇分享其他 skincare, 只因成個月都仲喺度試緊日本買返嚟嗰堆護膚品..... 😅

今次分紹的 product 大部份 hk 都有售 ☺️

(文章內價格以 100 yen 兌 7.1 港元 + 免稅 + 四捨五入計算)


DUO 卸妝膏 →

日本 COSME 大賞長期榜首, 結合卸妝 + 洗臉 + 去角質 + 護膚精華保養功效, 使用超過 80% 跟人體肌膚接近的天然植物成份製造, 不對肌膚做成刺激, 強調洗完面唔乾 + 高潔淨度, 屬日本及台灣人氣暢銷品, 好多用家都有網上讚 🏆

hk 官網 👉🏻 https://www.duo-hk.com

¥ 3600 約 HKD 255 / 90g (hk 賣 $318)

2020年2月4日 星期二

日本「驚安殿堂」✈️ 化妝品好物分享 2020

雖然而家 hk 乜都買得到, 新貨又追得日本好貼, 不過點計都係日本買會新啲啲 + 抵少少 + 更齊貨嘅~ Share 上個月去日本買咗啲咩 / 好唔好用先, 部份妝品 hk 都有售~

由於篇文太長, 今次只介紹化妝品, skincare 下篇再分享, 要啲時間寫 😉

* 文章內價格以 100 yen 兌 7.1 港元 + 免稅 + 四捨五入計算
** 所有相片均可按圖放大 🔍


KOSE 旗下 ESPRIQUE


總覺得佢 image 同 Shiseido MAQUILLAGE 好似, 都係主攻 OL 路線, 包裝同價位都差不遠

2019年12月30日 星期一

淘寶有好貨 👉🏻 襯衫用內搭「衫尾」

leggings 就梗係舒服過牛仔褲同西褲啦~ 😌

不過大家都知著得 leggings, 上衫就一定要夠長先 cover 到 hip 位, 否則肥滿嘅 pat pat 同私處都會同時現形...... 咁如果想著 leggings, 但上衫又唔夠長遮 hip 可以點?

除咗著多件長衫打底, 而另一個方法就係買件「衫尾」解救, 遮 hip 之餘襯衫亦一流, 多咗個層次冇咁單調 👏🏻

2019年12月18日 星期三

敏感肌 / BB 過敏 👍🏻 掂掂掂! 👍🏻 西班牙「ISDIN」舒緩修復面霜 Skin Repair Facial Cream

BB / 幼兒皮膚脆弱嘛, 轉季周不時都好易敏感, 面仔同 body 經常一撻二撻泛紅 / 痕癢 / 甩皮仔 (莫講話 BB, 其實大人都係), 搽乜可以快速 K.O?

我有好介紹呀! 🙋🏻‍♀️

呢支西班牙「ISDIN」面霜係我早幾個月前 SaSa 買的, 當時呀 B 皮膚敏感, 屋企搽開嗰支 Marine Elements 抗敏面霜又用晒, 唯有急急腳衝去附近 Sasa 揾支取替品頂住先.....

揀佢純粹係俾盒上張 before & after 相吸引, 因為呀 B 當刻塊面真係好似張相咁紅卜卜 →

發現原來都好有效喎! 搽咗 2-3 日就好似張 after 相咁退晒紅, 變返正常! 👏🏻

雖然係 BB 面霜, 不過大人當然可用, 我都有搽過好 work!

2019年12月13日 星期五

乾肌冬季救星! 🌟 Tom Ford 白色氣墊「Soleil 柔光水瀅白氣墊粉底」用後感

年初曾經分享過 Tom Ford「Traceless Touch (黑盒) 氣墊粉底」嘅用後感, 唔知大家仲有冇印像呢? 舊文重溫 : http://isadoracheng.blogspot.com/2019/Jan/tom-ford-cushion

隔咗咁耐一早用完 lu~~ 

都真心覺得佢效果係好嘅, 想 encore 買多盒 refill, 不過專櫃姐姐見我皮膚乾, 叫我不如試試新啲嗰款「白盒 cushion」→

其實呢款我之前都有去 counter 摸過, 又唔算話好新, 都推出咗 9 個月, 當時唔買佢係因為遮瑕度比黑盒 cushion 低, 加上推出時係春夏, 用佢又似乎太過光潤, 唔夠啞緻控油......

不過見而家冬天皮膚勁乾, 加上早 2 星期前做完 Wiish Derma 嗰個「等離子 treatment」後膚質好咗, 少咗瑕疵, 唔使再用咁高遮瑕度嘅粉底, 就聽專櫃姐姐講 try try 呢款白盒啦~ ☺️ 

(下圖取自 Cosmopolitan HK)

2019年12月10日 星期二

你有冇用開 deodorant 習慣? 係咪覺得沖涼洗極都唔夠乾淨? 我有方法喎~

由 13 歲開始, 我媽就已經買止汗劑俾我用。

可能嫌我中學時期日日打波, 怕我作為女仔有汗味會失禮吧? 😂

之後見成日都有同學仔問我點解個身咁香, 自我感覺良好咗, 久而久之就習慣每日噴完先出街, 咁就噴足廿幾年喇。(有青春期囝囡嘅媽媽讀者們都不妨考慮下)

話說以前啲 deodorant 都比較易清洗, 普通沖個涼就 ok, 不過唔知係咪近幾年啲 deodorant 止汗防水度高咗, 沖涼點洗點捽 / 洗幾次都仍會 feel 到 "啜啜哋", 好似洗極都唔乾淨咁! 咁搽乜洗得唔乾淨都會 block 毛孔啦, 何況係止汗劑? 

如果你 / 你另一半都有呢個問題, 我有方法可以洗乾淨呀~~ 😉


可維持 2 年的「韓式 4D 鼻位埋線」放題 👍🏻👍🏻

2 個月前我又靜悄悄去咗微調個鼻..... (其實都好公開, 完全唔 "靜悄悄") 🤣

今次呢間「JUVENTAS」醫美中心係 friend 試過的, 見佢整完唔錯, 攪到我又心動衝咗去整 😝 

鼻位埋線我 2 年前都試過, 原先以為今次呢間都係整以前試過嘅「蛋白線」, 後來問清楚先知係整近排好興嘅「韓式 Hiko PCL 4D 鼻位埋線」, 同樣可被人體吸收分解, 但效果就更堅挺, 持久度亦更 long keep 可維持 1.5 至 2 年! 

正喎! 持久啲仲好! 唔使成日攪呢樣攪嗰樣~ 😆

試完我都覺得效果係 good 嘅! 2 年後可以 encore~ 👍🏻 

2019年12月7日 星期六

沙漠肌冬天上妝好幫手 👍🏻 植村秀「Skin Perfector 輕潤美膚噴霧」Makeup Refresher Mist

明明搽完 skincare 後都潤潤哋, 但上完粉底同碎粉後隔一陣又再乾到繃繃緊, 乾紋又重現? 之但係唔掃碎粉定妝又好易溶妝喎? 唔通又要換過支粉底? 

冇錯近排天氣真係好乾呀! 乾到搽埋精華油化完妝都覺得塊面好 dry..... 唔想特登買過支新粉底, 其實仲可以考慮買支定妝噴霧自救喎~ 😉

介紹得俾大家自救, 就當然唔係普普通通嘅補水 spray 啦~ 

Shu Uemura 呢支係帶植物精油成份的, 滋潤感好充足, 唔係噴完好似冇噴過嗰啲, 噴完個妝真係會 K.O 到乾燥感, 望上去更平滑剔透, 係我冬天妝後嘅好幫手! 👍🏻

2019年12月6日 星期五

韓國 best seller No.1 🏆 平價精華水「ma:nyo Factory 烟酰胺魔女神液」用後感

韓國呢支「魔女神液」好巴閉! 

除咗獲用家一致好評, 揮低好多專櫃貴牌攞過好多韓國雜誌最暢銷大獎之外, 仲講到話乾肌用可補濕鎖水 / 油肌用可平衡油脂減少出油 / 暗瘡肌用就可減淡痘印! 聽落好似好大包圍, 咩膚質都好啱用咁喎? 😲

咁多韓妹妹買嚟用咁有口碑, 應該都唔差得去邊卦? 加上早 2 個月買時 SaSa 剛好有 promotion $348 任揀 2 支, 見咁抵就試一試啦~

我本身皮膚又薄又易紅, 肌膚屏障實在唔多穩定, 一受少少刺激就好易過敏, 所以一見到嗰句「有助於強化皮膚屏障」就當場被燒著, 即刻帶咗 2 支返屋企~

2019年12月2日 星期一

呢個 treatment 真係好顛要試! 唔試後悔! Wiish Derma「等離子細胞再生療程」

我皮膚一向又薄又紅, 每逢轉季都好易乾到敏感..... 好在近年有勤力䕶膚, 晚晚 keep 住用精華油, 又經常敷 mask, 肌膚屏障已經比以前健康咗冇咁 sensitive, 都好耐冇試過敏感了 💪🏻

不過飛完一次加拿大返嚟之後塊面就變成咁喇...... 

皮膚適應唔到咁凍咁乾嘅天氣, 跟住返到 hk 又暖返, 一凍一熱下皮膚終於抵受唔住火山爆發, 全塊面起晒白色粒粒 + 佈滿紅點, 摸上去凹凹凸凸, 又乾又痕, 連乾紋毛孔都一齊撐大晒, 成塊面皺晒皮咁即刻老咗幾年 😣 

2019年12月1日 星期日

Laura Mercier 新出「輕透水凝潤色粉底 Tinted Moisturizer」用後感

Tinted Moisturizer = 粉底❓

雖然近年好多牌子都已將 tinted moisturizer 歸入 foundation 類別, 但其實佢真正解法係「潤色霜」👉🏻 一款䕶膚成份比粉底多, 滋潤度有如精華面霜, 同時具唔同膚色選擇嘅 "有色潤面霜", 特別適合 dry skin 秋冬用。

由於䕶膚成份較多, 色體佔少, 於是妝感都偏透薄, 遮瑕度 + 持久度都比 foundation 低, 所以嚴格來說並非真正嘅粉底, 比較似膚色 base 多啲, 不過都有好多人會當佢係薄身粉底用~

我自己就多數當佢係防曬 base 用, 勝在好似粉底咁多色揀, 質地又柔滑貼膚, 好過用嗰啲紫色 / 綠色 / 白色 base 搽到塊面鬼咁白。有時出一陣街唔想化咁多妝, 都會就咁搽完 serum 就搽 tinted moisturizer, 再掃少少碎粉定妝簡單均勻一下膚色, 遮掩倦容 ☺️

又睇睇今次 Laura Mercier 新出呢支 Tinted Moisturizer 啱唔啱你?~

2019年11月28日 星期四

多功能媽媽必試! 💪🏻 日本「忘不了醒腦記憶力」加強腦轉數及記憶力

每日返工同湊仔咁多嘢做,咁多嘢要記,真係會搞到個人筋疲力盡,記憶力下降!🤯 想 keep 住時刻精靈,提升專注力同記憶力,精明嘅你就係時候要開始補吓個腦喇~ 😌

我食緊嘅呢款日本「忘不了醒腦記憶力」,除咗通過多項品質測試,成份天然不含西藥,連續服用12星期仲證實有效提升記憶力、專注力、認知力、學習力!快啲去片睇真啲啦~ 💪🏻💪🏻

更多產品資料 : www.wasurerumonka.com

(products sponsored by 忘不了醒腦記憶力)