早幾日喺 FB 提過今個月每日飲 hydrogen water + 轉咗隻新益生菌，意外地令 2 年來一直落唔到嘅磅數喺冇做任何運動，亦冇節食之下，不費吹灰之力自動減走 5 磅！本來係為保健，點知有意外收穫喎！ 🤩
然後有好多人留言問可唔可以講吓咩係 hydrogen water?
首先，我嘅 hydrogen water 水樽係朋友送嘅聖誕禮物 🎁 其實好多國家都有出，歐美 / 日本 / 台灣亦好多人用緊，至於價錢就比較貴，約幾百至三千蚊都有。
而我用緊嘅牌子叫「Qlife」Q-Cup Max Portable 便攜版，方便帶返工用，USB 叉電，售價約 $2000。以為貴就一定係外國製？未必～～ 我部 Qlife 係 designed in Taiwan 及以外國零件同技術製造，但產地並沒明確寫明，估計應該都係中國生產。
咁貴一個水樽係咩因由？🤔
皆因呢個水樽係識得產生氫離子，坊間稱之為「氫水樽 / 氫水杯 / 水素水杯 / Hydrogen Water Generator」。只需倒入一般飲用水 (如蒸餾水 / 礦泉水 / 凍滾水)，撳個掣等 5 mins 就能注入大量「氫離子」，夠鐘會自動熄機直接飲用便可。
運作時會見到有起泡不停升起，開蓋時亦會聽到氣泡聲 (好似開汽水蓋咁嘅聲)，但飲落去係同清水冇分別，冇氣冇味的 💧
同飲普通水一樣，每日飲開幾多就飲幾多，就算勁飲都唔使擔心，氫係唔會 overdose 的，我每日大概飲 7-8 杯。
除咗倒落杯度飲，仲可以配合大部份水樽咁樣用 👉🏻
至於原理，有唔少外國研究證實身體吸收氫後會有多種功效，例如：
👍🏻 改善睡眠質素
👍🏻 改善身體循環
👍🏻 改善膚質
👍🏻 對抗衰老及炎症
👍🏻 加強營養吸收
👍🏻 改善消化系統
👍🏻 加強身體抵抗力及癒合力
👍🏻 增強腦部運作及記憶力
👍🏻 預防糖尿病
👍🏻 中和空氣污染 / 農藥 / 食物添加劑 / 酸性食物 / 藥物副作用 / 吸煙飲酒 / 電子產品輻射對身體的有害影響
聽落好似好神化，但諗真啲其實亦不無道理，話晒水源的確係會直接影響我哋嘅身體機能 / 皮膚質素等等嘛，可以話係「you are what you drink」
而關於「氫水樽」有冇效嘅討論其實都幾參差，雖然氫對身體嘅功效係已經被證實，但好多人都會懷疑水樽可以產生嘅氫含量係咪夠高到做到上述功用，簡單啲講就係有人 buy 亦有人唔 buy 🤷♀️
我覺得都好 make sense，始終咁貴一個水樽喎！對佢存有懷疑係正常的，因為你真係好難證明到身體變化係唔係由 hydrogen water 帶來，就好似食 supplement 咁，都只不過係一個自身感覺，所以我覺得爭辯佢有效定無效係冇乜意思的，睇真實用家評語會比較好。
至於我嘅用後感 👉🏻
Honestly speaking 未用之前我係唔 buy 嗰批 🤣 朋友仔問我好唔好買氫水樽嗰陣，我仲叫佢咁貴諗清楚先 🤭
不過自己試完 1 個月之後…..
我大概喺飲咗 2 個禮拜之後就發覺睡眠質素好咗，易入睡兼熟睡，每朝早鬧鐘響之前會自動瞓夠瞓醒，起身嗰陣係精神滿滿，唔會覺得唔夠瞓 🛌 朝早塊面嘅水腫問題亦改善咗，基本上係唔見有水腫了 🥳 同埋發覺去洗手間次數多咗，腸胃都係好咗嘅 🚽
呢 3 樣改善係我覺得最明顯，老公都有試佢就話瞓得好咗 + 去洗手間非常流暢 🤣 而同期開始飲嘅朋友仔就話佢覺得皮膚質素好咗，不過我本身皮膚質素唔算太差，所以察覺唔到膚質有冇轉變。
值得一提嘅係，我平時習慣每個月上磅一次，2 年來都係同一磅數，節食同做運動都唔會跌嗰種，今個月聖誕新年仲要勁食，但飲咗 hydrogen water 一個月後再上磅，竟然無端端自動減咗 5 磅喎！😱
唔好問我點解，我真係唔知點解，今個月完全冇特別嘢做過 😆 可能係 hydrogen water 加快咗我身體循環 + boost up 咗消化系統，減走晒我啲水腫吧？
另外今個月我都有轉食咗隻新益生菌嘅 👉🏻
不過益生菌我日日食開食足幾年，不時會轉牌子，都未曾試過因為轉牌子而減磅，所以覺得未必關益生菌事，但都順便分享埋食緊邊隻~
(內含 31 種益生菌菌株，比一般益生菌多)
至於 hydrogen water 所講嘅其他身體機能改善如加強營養吸收 / 中和有害物質呢啲，我諗都好難量度到有冇效 🤷♀️
以一個本來唔 buy hydrogen water 嘅人嚟講，我純粹當佢清水咁飲，個心並冇凝住飲咗會有效嘅 believer 心態，但無可否認佢對我以上幾點改善又的確係好明顯嘅！🤩 所以對佢絕對有改觀，會繼續日日飲 💪🏻
而買好唔買好 / 買邊個牌子呢啲，建議大家上網做多少少 research 先，個人認為唔使買咁貴，幾百至千幾蚊的同樣有效，就算係外國牌子都好大機會係內地生產，只不過用嘅係外國零件同技術咁解，我嗰部「Qlife」都係一樣，所以建議可睇睇呢部比較便宜的試試 👉🏻
https://www.ecobrands.com.hk/products/new-2-in-1-hydrogen-water-generator-350ml
沒有留言:
張貼留言