I'm back~~👋

好耐冇見～～ 

呢幾年一直都有讀者或客人問我點解而家唔再拍片寫 blog?

只因為 4 年抱 2 又返工又湊仔真係好心力交瘁，最主要係生完身型變漲後就冇晒拍片意慾了，然後又做咗 2 次子宮頸癌細胞切除手術要休養，跟住又沉迷於玩 B 完全荒廢咗個 blog 😆

中途有試過想打開電腦寫寫 blog，奈何個腦塞咗、靈魂飄走咗寫唔出有營養價值嘅嘢，為免 hea 寫悶親一衆街坊同自己，就不如先歇歇，點知一歇就 2-3 年 😅

係時候開返筆喇～ 😌

大家呢幾年又過得如何？還好嗎？

到底 Hydrogen water (氫水樽) 係乜東東？

早幾日喺 FB 提過今個月每日飲 hydrogen water + 轉咗隻新益生菌，意外地令 2 年來一直落唔到嘅磅數喺冇做任何運動，亦冇節食之下，不費吹灰之力自動減走 5 磅！本來係為保健，點知有意外收穫喎！ 🤩

然後有好多人留言問可唔可以講吓咩係 hydrogen water? 

首先，我嘅 hydrogen water 水樽係朋友送嘅聖誕禮物 🎁 其實好多國家都有出，歐美 / 日本 / 台灣亦好多人用緊，至於價錢就比較貴，約幾百至三千蚊都有。

而我用緊嘅牌子叫「Qlife」Q-Cup Max Portable 便攜版，方便帶返工用，USB 叉電，售價約 $2000。以為貴就一定係外國製？未必～～ 我部 Qlife 係 designed in Taiwan 及以外國零件同技術製造，但產地並沒明確寫明，估計應該都係中國生產。

咁貴一個水樽係咩因由？🤔

K.O 解決脫髮問題 🆘 常用護髮產品推介

Video 內介紹過的產品 👉🏻

一晚散盡 $2000消費券 💸 到底買咗啲乜？🎁

大家開始用緊消費券未呢？🤗

我就一早已經諗好晒要買啲乜，凌晨攞完消費券即晚網購用晒喇！😆 

分享吓買咗啲咩 + 來個簡短用後報告～ 

有網購開化妝護膚品的話，應該對「strawberrynet 草莓網」唔陌生，除咗可以用消費券之外，而家做緊 promotion 仲有全單 8 折呀！🤩 而且係即日送貨！(滿 $300 免運費) 🛻 

https://www.strawberrynet.com/en-hk/

唔請陪月姨姨，自己坐月要點做?

話說早 10 年 8 年前，陪月姨姨只係部份有 budget 嘅人家先會請，進展到近年幾乎 7-8 成孕媽都會請。所以自從我 🤰🏻之後，就有好多讀者 inbox 問我 book 咗邊間陪月呢?

我....... 其實...... 真係完全冇諗過要請呀! 🤣

好多人聽到都話「下? 唔請?!」似乎好驚嚇.... 😅

其實好多人以前生嗰陣都冇請陪月㗎，冇話唔得嘅，係辛苦少少囉，但自覺辛苦一下都係一個過程，值得的~ 更何況既然我頭 2 胎都冇請陪月，頭一胎仲要係 31 週早產嬰都攪得掂，呢一胎就更加有經驗唔需要請陪月了~

但對於生第 1 胎嘅媽媽嚟講一定係會緊張啲，擔心唔知點應付好，如冇家人幫手，請個陪月照顧一下亦無可厚非~ 無論大家有冇打算請陪月，我都 share 少少自己嘅坐月經驗同心得，等大家有個知字啦 🤗

食 / 湯水方面

坐月期間不宜大量進補，要食得清淡，來來去去都係清菜 / 蒸雞 / 薑飯 / 蒸肉餅之類，煮法唔係特別難，加上而家網上啲坐月餐單咁公開，仲教埋煮法、有咩湯水合適等等，工人姐姐 or 屋企人都煮到，冇人煮仲可以上網訂「坐月餐 / 上奶湯」每日送上門𠻹!

網上「坐月餐」訂購公司眾多，每日速遞一日三餐月費由 $8000 至萬幾蚊都有，附上其中一間資料 : https://www.ulifehk.com/

但格過價最平月費都要 $8000 左右，仲要只得一人份量，想慳 $ 就當然係揾家人 / 工人姐姐幫手煮啦，不過湯水就未必人人識㷛、準備功夫亦繁多，我就覺得可以上網訂 😉

媽媽私密分享「萬一私處受感染發炎點算好? K.O 妹妹發炎、不再翻發有得預防」

Regal Green 私密淨

Facebook : Regal Green

屈臣氏有售
網上購買: ZINOMALL.com
Website: https://herbs.hk/product/regal-green-femininecare

(trial product given by Regal Green)

50 年老字號「晨露滴雞精」🐔對孕婦有咩優良功效?~

回想生第 1 胎時我仲係廿幾歲年青力壯，除咗飲湯水之外就冇特別進補，甚至因工作太忙連月都冇坐好，攪到身子奇差，每個月都病一次 + 手腳長期冰冷 + 雙手一掂水就麻痺，結果要等到生完第 2 胎坐返好個月，身體先至回復正常!

所以坐月 / 進補呢回事，唔到你唔信，真係不容有失呀! 💪🏻

去到今次第 3 胎又點呢?

年過 37 懷孕 5 個月，算係高齡產婦之餘，今次仲要陀得唔穩經常出血，頭 3 個月除咗不停作嘔、食慾不振、仲進出過醫院 2 次、長期要留响屋企瞓床休息...... 慶幸之後正常返冇乜事，所以今次呢胎真係陀得格外小心 + 有提早進補補胎。

至於點進補呢? 由於我平時冇食開補品，加上自己又懶得煲，所以除咗孕婦維他命 / DHA / 葉酸之外，就決定只試而家好 hit 嘅「滴雞精」了~

正當家人 + 同事幫我比較緊揀邊款「滴雞精」最適合孕婦飲用之際，竟然就收到一盒台灣 50 年老子號元進莊嘅「晨露滴雞精」! 之前做 research 時已經留意過呢款滴雞精嘅資料，亦係我考慮之一，咁今次就恭敬不如從命唔客氣試一試了~ ☺️

我再婚了~

26/5 呢一日，我又再次成為 Mrs~

成為單親媽媽一年後，估唔到好快就遇到一拍即合的另一半，拍拖幾個月就計劃結婚，雙方朋友家人一方面替我哋開心，另一方面又會怕我哋行得太快會擔心。

其實呢~

尋覓半生又跌過痛過，都只不過係想揾到一個愛錫同珍惜自己嘅人，既然咁啱遇到，大家性格又咁合拍，理念目標又一致，又能理解雙方所需，相處到舒服成咁就決定結婚了 🎊

拖我拍過，婚我離過，我只能夠講由我結識我老公至而家，雖然只係好短時間，但我一直認為遇到佢係我嘅福氣，能夠遇到一個咁愛錫同照顧自己嘅人，仲要咁錫我一對小朋友，我已經好幸運~

而我老公亦奇怪點解我兩度前任會唔識得珍惜我，所以感情事從來都係人夾人，夾得到自然會認為對方好吧? 只要做好自己本份，時機成熟了緣份自會出現~

然後有 follow 我 Facebook 的讀者，應該已知道我又懷了第 3 胎~

公佈喜訊之前，我已經預咗外人會點諗，始終 3 個小朋友唔同爸爸，閒言冷語一定有，我好理解呀，亦一啲都唔介意，介意就唔會做呢個決定~

反而係一班好同事 / 好朋友會介意人哋話我，覺得外人係因為唔知當中原因先會有閒言，要我安慰返轉頭 haha~

我都係嗰句啦~ 結得婚冇人想分開，分開得就一定有苦衷，所以既然可以做嘅已經做齊，咁跌低咗都總要起返身，樂觀面對將來~

而過去 10 年間呢 2 段感情我亦冇後悔過，始終都係我人生經歴一部份，只係條路比較上冇咁平坦，但都過去咗了，以後一家人安安穩穩就足夠~ 💕

婚禮前排個靚毒! H365「排空元素」+「菜菜籽」試飲效果

其實...... 我一向都係瘦底

只不過...... 呢幾個月真係食得太多嘢，個肚同身型都同步漲咗好多....

上個月同朋友講開話已經 book 咗試婚紗，佢哋話: "咦? 咁你係咪應該要減咗肥先去?" 😅

雖然大家唔係覺得我肥，只係睇慣咗我瘦所以笑吓我咁解啫，不過確實對比起我以前嘅身型，我自己都覺得而家係漲咗好多，都係時候做返啲嘢喇，再繼續咁樣落去唔使旨意著得落件婚紗 😆

至於點減?

得返 2 個月時間，從來唔做運動嘅我決定......  繼續唔做運動，靠 supplement 幫手算數! 🤣

經過我多次食減肥 supplement 嘅經驗話俾我知，無論我點減點瘦，個肚都係漲住瘦唔到的，係一食嘢就凸肚嗰種，所以決定要幫啲腸排個靚毒先~

以前去做 body 測試時，已經有治療師同我講過我啲腸係郁得慢，排唔到宿便，叫我要多食益生菌。隨後我有乖乖 keep 住食咗一年，情況係好咗啲，只不過要達至個肚扁平的話，效果始終都係唔夠，要揾啲強效啲嘅先得喇~

上個月開始試的 H365「排空元素」+ 「菜菜籽」→

離婚並不可怕

相信好多睇開我 blog 文多年的讀者，都應該知道我帶住小朋友離過婚。亦可能係因為呢個原因，間中我都會收到一啲化妝以外嘅傾訴留言，大部份都係環繞應唔應該離婚 / 正打算離婚 / 剛剛分居，唔知分開之後日子要點過，要幾時先可以忘記過去等等.....

又回復單身

咁多年來除咗分享化妝美容事、share 吓小朋友相之外，私事我一向少提。對上一次公開去講私事，應該就係我 5 年前離婚嘅時候喇.....

雖然我並唔係咩公眾人物，但朋友多、識的人多，離婚咁大件事總要講一聲，免得日後各自組織新家庭時會令人覺得詫異、甚至被誤為係是但一方有婚外情之類、亦可以減少被問 "點解咁耐唔見你 post 你先生 d 相?" 等尷尬情況。

所以在情在理，我亦應該要公開講聲，對已分開的另一半有所交待，唔好阻人發展新生活、新感情。

回想當年離婚，曾經有好多 blog 友留言替我感到惋惜，亦感激大家俾咗好多支持我。嗰一年，我的確係捱得好辛苦，如果大家有睇開我個 blog 的話，亦應該知道我離婚嘅原因。期後到我再結識現任，亦有好多 blog 友留言替我開心，祝福我今次能夠揾到真正幸福。

只可惜我感情路從來都冇平坦過，原來想搵個夾得到嘅人平平穩穩過日子，都唔係一件易事。我估大家睇我近幾個月拍嘅 video，都留意到我屋企 background 唔同咗.....

世事無常.....

近幾日 blog 寫少咗, 除咗因為返工忙之外, 心情沉重都係一個主要因素....

先係早幾日發現下圖新聞提及腦癌過身的妹妹, 原來係自己嘅舊學生.....

然後前日突然又有家人離世.....

忽然覺得世事無常, 要花多啲時間陪屋企人, 關心多啲身邊所有人, 想做而又未做嘅事要的起心肝做, 珍惜眼前一切人和事, 盡量唔好俾自己後悔.....

希望大家同屋企人都健健康康, 咁就好。

韓國 K-RIBBON 優秀文化商品展覽開幕~

做乜無端端著起韓服？

其實係因為前日去咗 PMQ (元創方)，出席「韓國 K-RIBBON 優秀文化商品展覽」嘅開幕典禮，感受一下韓國文化~

3 色 highlight 頭新髮色~

繼 2 個月前染的粉紅頭後，又係時候補染新髮色喇~

單身獨居女孩租樓搬屋分享

早幾日收到的留言 : "不如搵次分享下搬屋, especially for single girls who are new to this topic. 雖然有自己做 research, 始終冇經驗, 好想聽下你分享"

其實單身獨居我只有幾年時間，唔算有太多經驗可以分享，只不過就搬過好多次咁，我盡量。

又搬屋!

係呀! 又搬屋!~~

我真心覺得自己的遷徙命運係流於血內! hahaha~


So far 的搬屋歷史，有好多仲要係同區:

油麻地 → 油麻地 → 油麻地 → 火炭 → 元朗 → 元朗 → 元朗 → 馬鞍山 → 美國 → 美國 → 西沙 → 馬鞍山 → 跑馬地 → 中半山 → 北角 → 北角 → 北角 → 西沙 → 中半山 → 北角 → 黃埔 → 紅磡 → 黃埔 → 元朗 → 黃埔 → 馬鞍山。

平均每 1-2 年搬一次，真係搬到驚，而今次係搬去大圍。

傳說中的「好酒好蔡」私房菜

今次想 share 的內容比較特別!

上星期護膚品牌「ERNO LASZLO」的總裁由紐約訪港，舉辦了 private luncheon 聚會，我有幸能成為席上客，與一班專欄編輯共盡午宴，試到城中馳名的私房菜餐廳.....

就這家聞名國際、傳說中的「好酒好蔡」→

這家於中環新開不久、上晒電視雜誌、所有食評都話佩服、粒粒巨星爭住幫襯、連碧咸都指定要去、被喻為 "神級私房菜" 的餐廳，究竟係咪真有咁神?

我見網上篇篇食評都係讚的居多，不過寫的全是專欄記者，而普通人食評則寥寥可數，確實神秘。原因好可能與收費有關，除非見客開公數，否則一般人如我，應該就不會隨便貪得意走去試，食評也就不多。

所以我今次想 share 的，就是對「好酒好蔡」的食評。

我並非食評家，當然寫不出專業水準，純絮以普通人心態分享一下~

其實邊間餐廳出名、邊間有米芝蓮幾星，我真係好少留意。婚後兼有小朋友的女人都這樣吧? Social life 少了，撐檯腳機會少了，人自然對食方面變得冇要求，食到好的一餐會感恩、食杯麵亦覺得滿足。

不過當老公及朋友們知道我有得去食「好酒好蔡」時，都驚叫話我有口福，仲不停問我究竟點? 好，我會盡力嘗試寫一篇~

你冇眼花~ 我真係表演煮飯~

所謂 "地獄廚神"，就那種煮完飯、連自己都唔肯定究竟係咪真係食得的人，即係我。

簡單炒碟菜當然 ok，但其他就..... 朋友堆中我已經出晒名係 "地獄廚神"，危險度滿分。

其實我唔係唔鐘意煮飯，對食亦有要求，但好可惜我真係唔識煮..... 自細家人已經唔煮飯，冇得偷師，到長大後自己一個人住就更加唔會煮，加上我返工時間都多在晚上，當然唔會煮到飯了，冇得練習。

直到上年 X'mas 突然有 blog 友送了部 "日本山崎蒸焗爐" 俾我之後，我終於吐氣揚眉! 總算叫有少少成績，挑起興趣成日上網 search 蒸焗爐食譜自學，有時煮完仲會滿心歡喜 post 相上 facebook share~

然後早陣子同一位 blog 友說公司攪 event，問我有冇興趣做嘉賓即席煮兩味? 

實不相瞞，我煮飯真係半桶水，好似搵錯人? (滴汗....)

原來，它們的意思就是想帶出無論是繁忙職業女性、冇時間煮飯的媽媽、或是地獄廚神，使用蒸焗爐都能輕易 + 快速地煮到一手好菜~

這個 topic..... 是為我度身訂造的嗎? 我連中三樣喎? hahaha~

於是我就真的去 event 表演了~~ 呵呵~

恭喜發財!!

祝大家猴年順景、身體健康! 

小朋友快高長大、學業猛進! 

大人升職加薪、求乜有乜! 

做生意的風生水起、盆滿砵滿! 

夫婦甜甜蜜蜜、猴年添丁! 

單身的締結良緣! 

恭喜發財再發財~

小心任何類型中介公司騙案!

祝大家新年快樂呀~~

新年第 1 篇文章，我決定寫寫最近極 hit 的 topic →

"中介顧問公司騙案"

何解??

因為我 + 身邊家人 + 有 2 位朋友，都相繼在上年中過招了! 所以想將我們的經歷分享出來，希望能警剔一下大家 (及大家身邊的人)!

前日指有印刷廠東主，因被中介顧問公司呃了 150 萬，睇唔開而自殺的新聞，大家應該有留意到。其實這類 case 都只屬冰山一角，單是過往 1 年，市民被這些中介公司所騙的金額已超過 1.5 億! (未計冇報警那批)

以為只有傻頭傻腦的人才會中招?? 那就錯了! 

這些中介公司都是有預謀的專業騙徒，背後全都是律師 / 會計師，而中招的亦不泛飽讀詩書的人 / 或企業董事等等，大家真的要小心!

以我屋主人為例，收到電話 cold call 說可低息清卡數，去中介公司瞭解情況，被游說簽了份 "代辦向銀行查詢貸款及利率，不成功不收佣，就算借到後不要筆錢，都不會收佣" 的文件。

事後由於根本不如中介所講般低息，屋主人主動放棄貸款，但中介卻說佣金是不收，但卻要支付 5 萬 "服務費"，還找財務公司收數，結果就這樣 "查詢一下" 便跌了 5 萬!

另一位朋友是因為想擴充公司而貸款。如果自己向銀行查詢，那每問一間 bank 便會被開一次環聯報告，變相拖低信貸紀錄，於是便找了家中介公司比較各銀行實際貸款額。結果跟我屋主人一樣，簽了份 "不成功不收佣" 文件，後來放棄貸款亦需支付 6 萬 "手續費"!

是違反商品條例喔，可惜苦無証據是誤導嘛，都利用字眼走法律漏洞了。


而我及另一位朋友的 case，是因想裝修 / 擴充公司而問銀行借貸，聽到由中介公司代向銀行問、會比自己問更低息而跌入圈套。

簽了委託合約後，結果中介公司的服務費竟高達 6 位數字! (朋友是 7 位數字!) 明明事前已問過 N 次服務費只是 2-3 萬，隨後竟變出個天價! 嘗試找這家中介公司理論，但全部人已離職，人去樓空，但卻會接到收數電話這樣。

以我這種不服輸的性格，第一時間當然會去搵律師。律師說這類中介呃錢 case 已接多單，但全部告唔入，雖然明知是誤導 / 瞞騙，但要追討卻沒証據，反正一有人查他們就 close down，改名又重開。


如果你問我，大家簽文件前都沒看清楚條款嗎?

好簡單，以上年中介案被騙的金額超過 1.5 億為例，不會全部苦主都不識字、沒看清楚合約就簽名對吧?! 這個機率很低吧?

In my case，也有看清楚文件才簽名，簽好後中介說文件要送上律師樓蓋印，後來再用種種理由推搪不交文件給我，到再收到文件時條款已經不同了，也就是何解所有苦主們、未到最後一刻都不知自己受騙的原因! (文件上亦當然沒所說的律師樓蓋印)

那些 "向銀行借 100 萬、佣金竟為 100 萬" 的苦主們，也是到最後才知中招的! 照 common sense，如果合約早已寫明這種佣金 %，還會有人蠢到簽落去嗎? 沒可能吧?!

想証明份合約有問題? 官司費會仲貴過你被呃的錢，所以各苦主明知被呃都要俾錢.....

最過份係，我跟朋友支付了龐大服務費後，他們又說仲有個 "行政費" 要俾，貪得無厭! 今次我拒絕支付、並鬧爆那打來收數的，跟手再去報警。

警察說，同樣的 case 2 小時內已經係第 3 單報案，上月是過百單，日日都有人報警.....

而我光顧的這家中介，警方也有 record 有其他人報警，但礙於沒証據証明受騙，警方也不能做些什麼。我問警察，我仍需要繼續支付那些未知的服務費 / 手續費 / 唔知咩費嗎?

"當然不要付，他們一打來就 cut 佢線，夠膽滋擾你就報警。你已經俾完一大筆，佢知你有錢俾到，就會再有新藉口叫你俾其他費用，所以絕對唔俾得，千萬別向騙徒低頭"

不過，這只是警方的 "suggestion"，實際上各苦主根本沒法律保障。


我的 case 問過幾位資深律師，答覆全部一樣 →

除了不能追回失去的，只要中介循法律途徑向你追討，那你仍需繼續支付乜費物費，直到他們一步步把你搾乾。而我雖沒物業資產，卻有車 + 有間公司在手 = 仍有錢可搾。

幾位律師異口同聲說，如不想 keep 住被騙財下去，方法就只得一個，suggest 我把公司 close down 再開..... 我當然不想走這一步咁麻煩，但這件事的確令我感到灰心絕望，仍未想好對策.....

想一想這 10 幾年間，憑自己一手一腳辛苦賺過的過百萬，都不斷被基金公司 / 前夫 / 中介公司等呃走。以為離婚後有好日子過，估不到又因一時疏忽誤墮陷阱，毫無防人之心.....

老公及朋友們安慰說，若真的要按律師建議去做亦未嘗是壞事，又非沒賺錢能力，就再開一間吧，便不怕被中介公司繼續搶錢了。

老公又說通常一個人去到最低點時，就會反彈變好的!

是真的嘛?.... 那我又倒想看看事情發展。有 suggestions 的 blog 友們亦不妨指點我一下!


2016 年，我對人生仍然充滿希望! (雖則我很易受騙)

也會繼續詛咒這類害人不淺的騙財中介! (必然吧)