50 年老字號「晨露滴雞精」🐔對孕婦有咩優良功效?~

回想生第 1 胎時我仲係廿幾歲年青力壯，除咗飲湯水之外就冇特別進補，甚至因工作太忙連月都冇坐好，攪到身子奇差，每個月都病一次 + 手腳長期冰冷 + 雙手一掂水就麻痺，結果要等到生完第 2 胎坐返好個月，身體先至回復正常!

所以坐月 / 進補呢回事，唔到你唔信，真係不容有失呀! 💪🏻

去到今次第 3 胎又點呢?

年過 37 懷孕 5 個月，算係高齡產婦之餘，今次仲要陀得唔穩經常出血，頭 3 個月除咗不停作嘔、食慾不振、仲進出過醫院 2 次、長期要留响屋企瞓床休息...... 慶幸之後正常返冇乜事，所以今次呢胎真係陀得格外小心 + 有提早進補補胎。

至於點進補呢? 由於我平時冇食開補品，加上自己又懶得煲，所以除咗孕婦維他命 / DHA / 葉酸之外，就決定只試而家好 hit 嘅「滴雞精」了~

正當家人 + 同事幫我比較緊揀邊款「滴雞精」最適合孕婦飲用之際，竟然就收到一盒台灣 50 年老子號元進莊嘅「晨露滴雞精」! 之前做 research 時已經留意過呢款滴雞精嘅資料，亦係我考慮之一，咁今次就恭敬不如從命唔客氣試一試了~ ☺️

到底「滴雞精」有咩功效? 適合咩人飲用?

好多人以為「滴雞精」係專俾孕婦 / 產婦坐月飲? 其實唔係架~

「滴雞精」本身係含豐富蛋白質同營養，就算冇懷孕，只要係寒底 / 手腳冰冷 / 血液循環差嘅人、不分男女都可以飲用，係補充氣血，增強免疫力，補充日常身體所需嘅營養補充品，而我計劃懷孕嘅同事亦係打算飲「滴雞精」嚟調理身子~


「滴雞精」對孕婦 / 產婦又有咩特別益處?

孕婦 / 產婦當然比正常人加更需要補充營養，特別係孕期如果有經常嘔吐 / 血氣比較差的話，飲「滴雞精」就可以短時間內快速補充返能量同營養，補充血氣去養胎滋養 BB~ 👶🏻

如果係產後飲用，就可以幫助排清惡露、改善產後氣虛問題、亦可以改善奶水唔夠嘅情況，幫助上奶餵 B，所以而家好多孕婦 / 產婦買「滴雞精」飲就係呢啲原因喇~ ☺️

咁多牌子點揀好? 🤔

由於市面上好多牌子「滴雞精」係加入咗中藥成份，要小心留意呢啲成份係咪啱自己體質，因為有部份燥熱嘅中藥係唔適合所有體質飲用的，為免有反效果，如果唔肯定就最好問問中醫。

另外食落肚就當然要考慮雞隻來源地 + 飼養環境 + 產品品質監控等資料啦，市面上有啲牌子會用生蛋老母雞嚟做「滴雞精」，除咗剩餘嘅營養價值偏低之外，中醫角度睇仲話累積嘅雌激素會有損坐月 / 哺乳媽媽健康添!

而我飲緊嘅「晨露滴雞精」就因為不含中藥成份，唔使擔心會燥熱等等，適合任何體質飲用，仲係全港唯一有 QR code 可追溯來源嘅滴雞精，用嘅亦係台灣自家農場 100日大走地飼養少爺土雞~ 🐔

台灣 50 年老子號 元進莊出品「晨露滴雞精」資料 →

為全港唯一有產銷履歷、有 QR code 可追溯來源之滴雞精，蘊含高膠原蛋白，豐富蛋白質，用嘅係嚴選台灣自家農場、100日大的走地飼養少爺土雞，以古法慢火蒸煮 10 小時，100% 純滴雞精，每包萃取半隻雞的營養，讓蛋白質、維生素、胺基酸、礦物質等能充份被吸收，並蘊含 18 種豐富氨基酸及膠原蛋白，份子細小特別有助吸收。

可以補充日常身體所需之餘仲要係 "零脂肪"，最啱想補身 / 想懷孕 / 想養胎長胎而又怕自己長肉嘅媽媽，唔使怕飲咗會變肥~ 🤰🏻

全港唯一有身份證之「滴雞精」→

同一般雞舍嘅分別係，「元進莊」係用咗千萬港幣開創智慧農場 4.0 概念，引入高標準丹麥 SKOV 生物監測系統，全電腦數據紀錄雞隻成長，甚至連雞隻飼料及飲水攝取量都有 record!

每個包裝盒上都有完整產銷履歷 QR code，就等於每隻土雞的身份證，亦是香港唯一可以追溯滴雞精來源嘅品牌，安心多倍~

嚴格品質監控

雞隻嘅飼養環境 + 研製過程品質監控固然都係考慮因素之一!

而「元進莊」嘅農場就設有雞舍溫濕度監測系統、自動通風調節、先進密閉式嘅土雞舍等等，做足防疫工作阻隔外間如禽流感感染，確保雞隻安全、健康成長。

屠宰方面亦係一條龍設有自家 CAS 合格屠宰場，把握黃金 3 小時屠宰蒸入煱，不冷藏不涷鮮，再加上零蒸氣回流技術，鎖住原隻土雞精華，確保「滴雞精」滴滴新鮮，原汁原味~ 🍲

而且絕不對雞隻施加生長激素，亦有公開檢驗報告，通過 HACCP 及 ISO 22000 等認證，孕婦可以安心飲用~

$490 / 每盒 10 包 @ https://www.facebook.com/Chickenessence99/

「滴雞精」買返嚟後係要存放於雪櫃冰格的，飲用時只需原包放熱水內加熱，或隔水蒸熱 2-3 分鐘即可，非常簡單方便，精華養份亦唔會被蒸發~

尤其係當產後要餵 B 湊 B，自己身體又未復原，連覺都冇得好瞓嘛，只用 2-3 分鐘加熱包「滴雞精」就可以即刻進補，準備功夫係零!

自己整或家人幫手整都不費時，照顧你嗰個都慳返啲煲補品嘅精力呀~ 💪🏻

平時要煲補品，閒閒哋準備功夫連埋煮都要攪半日 / 一日，材料仲要唔係平，飲「滴雞精」的確係方便好多嘅! 隔水加熱 2-3 分鐘倒出嚟就飲得~ 👍🏻

味道方便，飲落去係好似飲緊燉雞湯，好鮮甜! 唔油膩又唔鹹 😋

So far 飲咗幾包，就算唔化妝面色都紅潤啲、健康啲、手腳又冇咁冰冷~

飲「滴雞精」有咩需要留意?

如果係開刀生 BB 的話，由於有傷口，產後 2-3 星期都唔建議飲用呢類產品，最好等傷口癒合後先進補。至於順產媽媽，就可以於產後十二朝排清惡露後開始飲。

記住係早上空肚飲功效吸收得最好，不宜睡前飲用呀~

而「滴雞精」同所有補品一樣，都係要 keep 住飲一段時間效果先會好，唔係飲 1 次就 keep 到架~


日日飲定隔日飲好呢?

雖然產品資料話係可以日日飲，但人人體質 / 喜好唔同嘛，以我自己為例由於冇食開補品，以前又未飲過「滴雞精」，所以我係選擇隔日飲，等身體慢慢適應後，再視乎情況需要睇吓遲啲生完 BB 會唔會日日飲咁樣~ 🤗

嚟緊 8 月3~6 號，去開灣仔會展 BB 展就記得到 Hall 1 S11~S12「元進莊」攤位望望喇~