韓國 K-RIBBON 優秀文化商品展覽開幕~

做乜無端端著起韓服？

其實係因為前日去咗 PMQ (元創方)，出席「韓國 K-RIBBON 優秀文化商品展覽」嘅開幕典禮，感受一下韓國文化~

呢個設計靈感源自韓服結 "K-RIBBON" 印章 →

係韓國政府對一 d 能夠傳達韓國文化價值嘅優製商品認可，透過 K-RIBBON 認證系統打造「韓國高級商品」，提供有組織嘅品牌營銷支持。

而今個聖誕節，香港都可以觀賞到一系列已獲授 K-RIBBON 印章嘅韓國優質產品，包括食品、韓食、韓服、工藝品及文化內容等等。 

由 2016 年 14/12 - 28/12，香港嘅韓國文化愛好者，就可以去 PMQ 元創方 4/F S414 室參觀望望喇~ 去到仲可以玩遊戲贏獎品! (免費入場 / 11am-8pm)

而家就等我帶大家睇睇開幕狀況啦 →

未夠鐘已經有好多賓客到場~

當日大會仲提供咗唔同嘅韓服俾大家影相留念，我咁大個女都未著過，當然要試試~

第一次著韓服原來都幾靚喎~ 

尤其我腰長腳短，韓服高腰 design 完全可以幫我取長補短! haha

然後我仲走埋入後台影花絮 →

化妝師好努力咁幫 model 化緊妝，準備韓服 fashion show 表演~ 

真係 100% 韓妝~

等 model 換好衫後就準備出場喇~

開幕儀式 →

先由大韓民國駐香港總領事館文化新聞官領事俞炳采帶領致詞。

然後有韓服 fashion show 表演 →

唐衣風格韓服 →

帖裡連衣裙 → 

由朝鮮時代武官服飾 "帖裡" 改裝而成嘅連衣裙， 好優雅! 勁鐘意呢條裙呀~

側面睇仲靚!

滲入咗現代原素設計嘅韓國傳統婚禮服 →

拆除紅色罩裙，仲可當做普通日常生活韓服!

個 idea 又幾好喎，唔似得普通婚紗咁只能著一次~ 

背面同現代婚紗一樣有拖尾~

男版韓服 →

睇完 fashion show 就輪到剪綵儀式喇 →

5 位剪綵超級 VIP →

包括大韓民國駐香港總領事館文化新聞官俞炳采領事、元創方副總幹事周金祿先生、創意香港助理總監林惠冰女士、香港設計中心行政總裁利德裕博士。

當日其實係有好多賓客，好彩俾我攝到頭位影靚相~

仲有專人介紹各種 K-RIBBON 優秀文化商品特色 →

好特別嘅豹紋韓服! 

展覽內仲有朝鮮王朝實錄、及好多好別緻嘅工藝品、茶具、餐具、陶瓷品睇~

呢套實在太靚，完全估唔到原來係紅酒杯! →

好想放一套咁靚嘅 perfume diffuser 響屋企~

當然亦唔少得有韓國食品 →

包括柚子茶、紫菜、由 12 種發酵成份製成嘅百歲酒、流傳咗 360 年家族傳統作法製成嘅 Ki Soon Do 傳統醬油等等。

入選得 K-RIBBON 認證嘅食品都唔簡單，背後全部都有歷史文化故仔~

去到仲可以玩遊戲贏獎品 →

遊戲一：於展覽場內選定你心愛的商品，拍照並上載至 Instagram，加上指定的hashtag，即場可獲贈精美紀念品乙份，送完即止。 

遊戲二：於抽獎卡填上你心愛的商品，大會將於 12 月尾選出 5 位幸運兒，送贈所填寫的商品乙份，贏走心頭好。