今次推介嘅「Sheer Powder 定妝碎粉 + Moisture Clear Base 妝前底霜」，我覺得好適合冬天用呀~ 特別係 dry skin 就唔好錯過~
先介紹碎粉 →
Sheer Powder
具革命性研發之感光功能特別粉體「Color Flop Particles 感光塑形分子」，能自動調節光線的折射角度及強弱效果，塑造 T 位光亮、而 U 位仿如掃了暗影般的立體妝容，形成自然纖臉效果。
獨有的「Resistance Powder 控調粉末」能吸走皮脂和汗水，有效防止妝容變黃變暗，保持全日清爽感覺。
屬透明粉、冇顏色分，所有膚色都適合用，亦適合所有膚質使用。
$525 @ http://www.covermark.com.hk
售價唔算平，不過就好有 gimmick，資料望上去係好吸引!
(trial products given by Covermark)
而 Covermark 附設嘅粉樸，更加係出晒名好用! →
超級軟身柔滑 + 勁厚身 + size 夠大，品質好到非其他專櫃牌子能媲美，以附設嘅粉樸計係極 professional 之作~
平時我上碎粉係必定只用碎粉掃，唔會用粉樸，全因用粉樸壓碎粉上臉會又乾又厚。而 Covermark 係唯一一個我認為用嚟上碎粉定妝零缺點嘅粉樸~
至於點解呢盒碎粉個名咁得意、叫 "專用緻貼蜜粉"? 係俾咩專用?
其實佢同我之前推介過嘅 Covermark「無瑕素肌緻貼粉底霜」屬同一系列，係專門用於個盒粉底霜之後。不過我就認為唔需要一定配合佢盒粉底霜用，基本上用咩粉底都可以~
「無瑕素肌緻貼粉底霜」介紹重溫 :
初初頭幾次試用時，我係用 "碎粉掃" 配合定妝的.....
覺得滑係夠滑、貼亦夠貼、夠乾爽同時唔乾，冇話起乾紋咁，feel 到 quality 係好好，效果係好過好多專櫃牌子碎粉，但除此之外就未覺得有咩咁特別? 話晒都成五百幾蚊盒嘛?
於是後來我又再試試用佢附設嘅粉樸定妝.....
改用佢附設嘅粉樸定妝之後，我即刻就 feel 到 difference、明白佢點解值呢個價喇!
原來係要上厚少少先出到效果，用碎粉掃可能太淡薄喇，效果就冇咁明顯。
改用佢個粉樸之後，又真係貼粉好多，效果比用碎粉掃更好，無論壓幾多層上去都唔會覺得乾或者厚粉，感覺輕薄自然，唔會太啞身死死實實成個面具咁~
而且填補毛孔同粗糙肌膚嘅效果亦做得好好，定完妝真係會覺得個妝係細緻咗、膚質平滑咗~
(平心而論，呢種效果 Chanel / Dior 等等碎粉都做唔到)
至於產品資料所指 "具感光功能可自動調節光線，塑造 T 位光亮、U 位仿如掃了暗影般的立體妝容自然纖臉效果" 呢.....
盒粉係帶極輕微光透感，的確有提亮 T 位效果，不過其他位置我就唔覺有 "仿如掃了暗影" 效果。
要讚嘅係，佢個光透感技術 x 保濕度 x 控油度係做得剛好、好平衡，唔會太光、唔會全臉爆光、唔會放大毛孔、唔會隔一陣就出油、亦唔會現乾紋、抗氧度又好，係好值得一試~
輪到支 makeup base →
柔滑美肌滋潤底霜 SPF35 PA++
Moisture Clear Base
蘊含 3 種提升肌膚滋潤度的天然草本補濕成份，及絲柔貼粉薄膜「Fine Fit Polymer」，能在肌膚形成 一層薄膜，令粉底更易推開、更貼服、更平滑及持久，提高粉底與肌膚間的緊貼度。
含有感光柔亮份子「Soft Bright Powder」及超微細持久粉末「Micro Lasting Powder」，具反射光線及柔焦效果，有效遮蓋細紋及毛孔，同時能吸走多餘皮脂，避免氧化皮脂令粉底變暗變黃。
採用非化學性「紫外線散射劑」，具 SPF 35 PA++ 防曬度。不含人造香料， 防水防汗配方。
適合混合偏乾 / 乾燥肌 / 秋冬使用。
$430 / 25g @ http://www.covermark.com.hk
屬乳霜質地 →
以 SPF35 x 冬天計，用呢支可以直接取代埋防曬霜同日霜~
(但如果你皮膚真係好乾，咁就可以先搽少少日霜再用佢)
質感係非常柔滑易推、貼服 →
搽勻後會好有水嫩光澤感 →
唧出來望上去有色，不過搽上臉就冇乜色，冇均勻膚色效果，屬提亮 + 潤澤效果偏多。
優點係補濕得來唔會有槳住塊面嘅黏稠膠質感覺，唔會好重油份，濕度亦唔會太快流失 (都真係幾潤)，撫平到乾紋之餘、之後搽粉底會 feel 到更貼服光滑，亦冇氧化轉暗問題~
不過呢支 base 就要對號入座，只適合乾性肌 / 粗燥肌冬天用，唔夠乾去用佢就可能會覺得太潤澤喇。
沒有留言:
發佈留言
注意：只有此網誌的成員可以留言。