大家開始用緊消費券未呢？🤗
我就一早已經諗好晒要買啲乜，凌晨攞完消費券即晚網購用晒喇！😆
分享吓買咗啲咩 + 來個簡短用後報告～
有網購開化妝護膚品的話，應該對「strawberrynet 草莓網」唔陌生，除咗可以用消費券之外，而家做緊 promotion 仲有全單 8 折呀！🤩 而且係即日送貨！(滿 $300 免運費) 🛻
https://www.strawberrynet.com/en-hk/
法國 SOTHYS「Intensive Hydrating Serum」水份精華
揀佢係因為網上評價似乎唔錯 + 50ml 都只係 $300 幾蚊真心抵！💰
於表層注入極速補濕成份高量分子透明質酸，瞬間讓肌膚解渴。專利成份「1055牛肝菌提取物」能迅速強化透明質酸，於細胞內外發揮補水鎖水雙重功效，特別添加滲透力驚人低量分子透明質酸，重塑幹細胞生命力，使讓肌膚從底層起回復最佳水潤狀態。
其他網站約 $500-600，草莓網折後 $329.2 / 50ml
首先質地係屬於乳液狀，唔似一般 gel 狀精華咁稀身，係滋潤啲嘅。
點講呢…. 唔係唔好亦唔係差，搽完係有滋潤感，但感覺並吸收唔到落肌底，屬於表層解渴但底層仍然會缺水嗰種，唔似得佢講到咁細分子。用前都係自己再加搽 B5 gel 之類的薄身精華會更好，可底層表層內外兼顧得到～
以價錢計係算抵，但回購就未必了，驚喜唔大 🤷♀️
Elemis「Superfood Facial Oil」護膚精華油
呢支上次有拍 video 介紹過，今次係回購。本來最想回購嘅係 GLYCEL 護膚油 ($490 / 20ml)，只不過今期冇 discount 唔抵，於是退而求其次揀返我覺得第二好用嘅 Elemis 🌱🌿
屬 Elemis 皇牌產品之一，具滋養補水功效，清爽不油膩，舒適好吸收。含天然濃縮植物成分，具有強大抗氧化功效。椰菜花、亞麻籽和蘿蔔的豐富歐米茄將水分送達肌膚深層，煥發柔滑均衡，健康光澤的肌膚。
官網正價 $488，草莓網折後 $288.4 / 15ml
始終都係精華油，當然唔會好清爽，但的確係唔油膩唔厚身，氣味亦好清新有 spa feel，吸收速度比一般精華油快，睡前用後翌朝洗完面皮膚有光澤，乾紋亦會減少 👍🏻
呢個牌子嘅洗頭水我以前用過，見草莓網有佢嘅 lip balm 又唔貴，就順便試試。
融入優良有機成份，帶來滋潤舒緩和活膚三重功效，保護雙唇免受寒風侵襲，用後雙唇更加柔軟舒適。帶有甜美淡淡花香和清爽香氣。
草莓網折後 $47.2
我雙唇長期爆坼，搽少陣潤唇膏都會乾到發紅兼會痛，既然長期用又咁近個嘴，梗係揀支天然嘅好啦! 💋
首先氣味係好重柑橘味 🍊，然後個質地係超軟身，大力少少搽都會成忽整斷嗰種 😬
潤係好夠潤，持久度都唔錯，搽一次都頂到約 5-6 個鐘，不過個質地如果可以硬身返少少會更好。以一支 $40 幾蚊嘅有機 lip balm 嚟講絕對係交到功課 👍🏻
啞光控油定妝碎粉
由美國紅星 Rihanna 創立的 Fenty Beauty，呢幾年冒起得好快，係極 hit 嘅化妝品牌！🏆
自從前年喺加拿大買過 Fenty Beauty 嘅遮瑕掃 + kabuki 掃 + 粉底液 + 唇膏後，係有少少愛上呢個牌子嘅！🥰 packing 靚 quality 好，價錢又唔算貴，如果唔係因為呢 2 年 covid 戴口罩少化妝，我諗佢喺香港會好受歡迎的！😍
專為拍照濾鏡般的妝容定妝而設，粉質細膩輕薄，如絲輕盈充滿空氣感，不會出現浮粉或沉澱問題，更有效呈現柔焦濾鏡效果，柔化毛孔及淡化細紋，減少肌膚油光，締造完美而持久的霧面妝容。
專櫃正價 $268，草莓網折後 $194.4
想試呢盒碎粉好耐了～ 但因為屋企仲有碎粉未用完，所以一直等到而家有消費券先買，discount 後更加係抵到一個點 👏🏻
用咗幾日的確冇令我失望～❤️
粉質非常細緻柔滑輕薄，無論用碎粉掃 / kabuki 掃 / 粉樸上粉都同樣貼面，又有柔焦效果可以填平到毛孔細紋，正呀～～ 🤩
控油持久度方面，以夏天 30 度天氣計，口罩以上額頭嗰啲位約可 keep 到 3-4 個鐘 (口罩遮住嗰啲位就唔計了)。唔算好持久但 ok 啦～ 咁熱侷好難唔溶妝
色號 #butter (比較似透明粉冇乜色)
話說對上一個工人姐姐整爛咗我部 Dyson 吸塵機，係接近解體嗰隻….. 😔
某日睇新聞見到推介呢部新加坡牌子 Airbot (但 made in China)，被譽為平民版 Dyson，評價好似幾好咁。
望住部 Dyson 嘅殘骸，今次都係買 Airbot 算了，反正買幾貴都係比工人姐姐用，陣間整爛又心痛 💔
$999 @ HKTVMALL
產品資料太長唔嘥大家時間，有興趣可以 click 入 HKTVMALL 睇詳盡資料同圖片：https://www.hktvmall.com/p/S6036001_S_AIRBOT_SUPERSONICS_PLUS
首先我揀呢部「Supersonics Plus」並非 Airbot 最新型號，吸力大概只能媲美 Dyson V8 (據說新型號可媲美 V10)，但我覺得夠用了，反正我本身都只係用緊 6-7 年前買嘅 Dyson V6，咁而家呢部 Airbot 可媲美 V8 我已經算升級咗 🤣
勝在拖頭有 led 燈，暗角位都能睇得清楚，拖頭流暢度都同 Dyson 相差無幾，轉彎轉角零難度，用落冇乜分別 👍🏻
makeup sponge manufacturers
回覆刪除