似乎日本都好興用呢類「無痕隱形雙眼皮膠水」喎, 我見愈來愈多牌子都相繼推出呢類產品。
上次試完「D.U.P」同類膠水唔 ok, 其實都知自己眼皮係太重, 用膠水唔夠力撐起, 不過見「Eye Talk」啱啱又新出咗一樣嘅嘢, 就當俾次最後機會自己試下啦 💪🏻
雖然我係內雙眼皮, 不過又未至於話見唔到, 所以呢啲雙眼皮膠水 / 膠紙以前後生都好少用, 但一過咗 35 之後眼皮就愈來愈重 + 下垂喇, 攪到望落愈來愈似單眼皮..... 😔
眼底就話可以打 HIFU / RF / 埋線 up lift 啫, 但眼皮就乜都冇得攪喎, 唯有靠膠水 / 膠紙自救了。
呢類 description 我經已睇到冇晒反應 →
眼皮已重到一個點, 只有用膠紙先夠力撐得起, 試過 N 款膠水都係冇一支撐得到.....
搽厚啲係撐到呀, 不過會似整容失敗咁嘅樣囉, 所以呢類產品描述經已睇到麻木 😔
$118 @ SaSa
同上次買嘅 D.U.P 新出「Orishiki 折式 ● 隱形薄膜雙眼皮膠水」係同類產品 →
用後感 + 用法示範重溫 :
用法都係一模一樣 →
試上眼效果 →
試咗幾日, 合上眼睇確實又真係好隱形, 冇乜痕跡嘅......
不過半開合眼 / 眨眼時都會見到有些少反光 →
遠睇係唔覺, 但一近睇就非常覺眼.......
而張開眼時膠水痕 + 反光位會因為褶起而隱藏咗, 但唔係隱咗形, 而係褶住咗睇唔到啫 →
效果..... 用上我對眼我覺得係冇效, 又係唔夠力撐起眼皮, 用咗仍然都係內雙, 分別極微弱 😔
呢類膠水我見 youtube 好多單眼皮用都 work, 只係用上我對眼就唔 work 囉..... 所以奉勸眼皮好似我咁重嘅人可以慳返 $118, 繼續用返膠紙啦, 膠紙仲平好多𠻹! 🤪
沒有留言:
張貼留言