對 makeup artist 嚟講, 由於會幫唔同化妝品牌做示範, 又會經常收到新妝品, 自然能練成用咩牌子 / 質地 / 筆嘴眼線液, 都可以一揸上手就 adjust 到力度畫出靚眼線。
雖然係用咩筆都畫到, 但唔多唔少都有少少 preference 嘅~
我係只愛用「毛筆款筆嘴」眼線液, 而且特別鐘意揀幼長型掃毛 + 尖細筆嘴 + 中等彈性毛質, 當然唔少得畫時要夠流暢 + 色澤要夠均勻飽和 + 防水防油~
試勻晒專櫃牌子 + 日本開架牌子眼線液之後, 我已經揾到自己嘅心頭好喇 →
自從上年去日本旅行買過之後就愛上咗, 最近用完又再次回購 💖
$119 @ 吉之島
AEON, LOG-ON 之類都應該有
佢係完全滿足到我所有要求! 🥰
✔︎ 毛筆款筆嘴 + 筆尖夠幼 (比纖維棉質筆嘴更軟身, 容易畫出尾部漸變 fade out 妝感)
✔︎ 筆嘴偏長 (筆嘴愈短, 條線感就愈實線)
✔︎ 中等彈性毛質 (太硬會好實線 / 太軟會好難控制力度)
✔︎ 唔會太有光澤 (太鮮色光身會好濃妝)
✔︎ 唔會太實色 (因為我買嘅係深啡色)
✔︎ 色澤夠均勻飽和, 一筆攪掂唔使畫 2 次, 畫時夠流暢
✔︎ 防水防油 (日常用好 ok 唔會溶, 但游水就唔得)
自從有咗呢支「1 Day Tattoo」之後, 其他牌子我唔係冇繼續試, 不過都仍然覺得呢支係最好, 日日都用佢嚟畫自己條眼線 😍
#Deep Brown 顏色夠自然, 色澤均勻飽和, 尾部能 fade out 唔會太重色
然後最近又身痕買咗支日本樂天銷售第一「Leanani 眼線液」→
銷量冠軍呢回事, 只要肯花錢 promo, 自然就會多人留意多人買, 唔代表一定係最好, 呢個係我買過好多支所謂日本銷量冠軍嘅 eyeliner / mascara 之後, 發現原來有好多都好廢嘅感想 😝
衰在冇 tester, 又係要買嚟試過先知~
$138 @ SaSa (黑 / 啡)
我買咗啡色 #brown
點講好呢......
雖然畫出嚟效果都唔係差, 亦夠防水防油, 但就覺得佢嘅毛質硬身咗啲, 柔軟度同彈性都唔算高, 眼尾個尖角位畫完線條感會較重較實, 做唔到 fade out 效果, 唔夠柔和。
同埋用咗唔夠 2 星期, 個筆尖就變咗型, 有少少鬆開變彎咗, 再畫唔到尖身線條了...... 😔
最後自己用較剪仔 cut 走咗個尖尖
另外又嫌佢個 #brown 唔夠實啡, 顏色唔夠飽和, 要畫 2 次先夠實色 →
下圖係重疊畫咗 2 次之後嘅色效 (因為紋咗眼線, 所以只係畫咗後半段拉長)
覺得佢只係一般般, 唔係我杯茶......
至於眼線膏 / 眼線筆我就冇用好多年喇, 始終都係眼線液防溶啲~
加上幾年前紋咗眼線之後, 我通常只會畫眼尾拉長少少, 好少會再全條畫, 而用眼線液線條感就會更尖細, 同紋咗嘅眼線接駁得較順暢~ 😊
沒有留言:
發佈留言
注意：只有此網誌的成員可以留言。