正所謂眼影唔一定要買得貴, 最緊要都係好用兼啱自己用~
繼上次買完盒 NARS (嫌太深色 + 跌粉) + M.A.C (嫌粉質唔夠貼滑) 眼影組合之後, 我又買咗今次盒「Visée」, 用咗 2 星期, 覺得佢仲好用過啲貴價 brand 𠻹呀~ 值得推介 👏🏻
始終都係鐘情於細細盒嘅眼影, 夠慳位吖嘛! 就算要帶出街 / 帶去旅行都更輕巧方便~
Visée 係 Kose 旗下開架品牌之一, 大家對佢應該唔陌生啦 😊
產品資料
如與肌膚融為一體般自然的漸變色彩和纖細珠光, 配合原創「Skin Tone Pearl 膚色珠光粉體」, 能與膚色融為一體不泛白, 呈現輕盈自然的優雅妝容。
絕妙設計的祼色配搭, 配合具保濕效果的「輕盈觸感粉體」, 能緊貼眼瞼不易飛粉, 持妝度高。 配合美容液成份, 令眼部肌膚保持水嫩滋潤不乾燥, 並不含香料。
$98 (共 5 色選擇) @ SaSa
今次「My Nudy Eyes」系列係主打裸色眼妝, 走優雅感路線 →
老實講真係好難揀, 5 款顏色都係好相近嘅 earth tone, 分別只在於啡得嚟偏灰 / 偏綠 / 偏紫 / 偏啡金 / 偏古銅等等, 盒盒啲色我都好鍾意! 😍
而且每款都係好易 carry 又每日都用得著嘅色, 完全唔蝦人用, 深至淺色又已經排好晒, 唔使花時間諗點樣配搭, 濃妝 / 淡妝都可以一盒攪掂, 尤其適合少化妝又唔想買咁貴嘅人 👍🏻
btw 上年都有買過佢呢款眼影粉 →
不過一早俾我跌落地報銷咗喇......
反正呢盒無論粉質 + 顏色 + 附設嘅眼影棉棒掃, 都冇新出嗰盒咁好, 都係買新嗰盒好啲! 😉
自覺今次「My Nudy Eyes」嘅包裝設計, 亦比佢過往出嘅更加靚 →
我買嘅係 #BE-3 →
試上手色效 →
搽上眼效果 →
粉質夠滑夠貼皮膚, 就算唔用 eyeshadow base 打底都出到原色, 上色夠均勻, 冇跌粉 / 飛粉問題, 感覺亦唔乾, 持久度又好, 全日都冇溶過妝 👍🏻
是次眼妝 4 隻色所搽位置 →
張開眼效果 →
自從買咗佢之後, 我就每日都剩係用佢喇! 其他專櫃 eyeshadow 都擺埋咗一邊了 😍
So far 認為佢係零缺點, 價錢又平, 想買眼影的話不妨去 SaSa 試試 tester, 我自己就覺得唔錯, 最鐘意係佢唔會太過閃, 平常返工 / 出街都好啱用~
Good for your sharing
回覆刪除