貴婦價 YSL vs. 學生價 Maybelline 有色潤唇膏比併

雖然工作上經常接觸唇妝品, 但自己卻一向討厭塗嘴, 只因不愛自己的唇型, 由懂得化妝以來就只會用淡色 lip gloss / nude 色唇膏, 家中永遠只得 3-4 隻色 (仲要係差唔多色), 其他 sharp color 一定不會用....

不過自從 2 年前韓風百變唇色襲港, 再加上 "咬唇妝" 出現後, 有方法用 sharp color 而不令唇型變大喎! 就慢慢開始接受用鮮色 / 深色了, 仲由 "嘗試" 變為 "上癮"!

現在啞身唇膏 / 潤澤唇膏 / 有色潤唇膏 / lip stain / 唇液筆 / lip gloss 等等, 深色淺色全都會用, 再沒規限自己, 突然覺得世界變 colorful 了! (連荷包都一起吐血了) ^^

唇膏雖然有多支, 但我就只會收埋屋企用, 出街並不會帶. 補妝我習慣只用 lip gloss 或有色潤唇膏, 又滋潤又方便, 又不用另塗 lip balm 打底, 多好! 

今天就打算比併一下 2 款我近來常用的 "有色潤唇膏"~

(左) YSL "Volupte Sheer Candy" $280

(右) Maybelline 新出 "Baby Lips Electro" $29

2 款我都認為不錯, 但售價相差成個位, so crazy!! 

價錢相差咁遠, 而且一個是 target 中女 / OL 的專櫃品牌, 一個 target 學生 / 初出社會一羣的開架品牌, 其實硬要把它們比併是有點不公平. 

不過既然大家同屬有色潤唇膏, 我不理了, 照樣比併一下~

顏色選擇比併:

Maybelline Electro 系列香港有售 2 色, 分別為桃紅 / 橙色.

(美國會有更多顏色出售, 但卻屬你一定不會買的黃色 / 深紫色 / 螢光綠色)

YSL Volupte Sheer Candy 系列有 6 色選擇:

曾買過左二的 #Juicy Grapefruit, 效果如同透明, 跟普通 lip balm 無分別, 未能滿足出街補唇色慾望, 結果轉贈了媽媽. 

另外現在使用中的也有右二 #Luscious Cherry, 屬吸血鬼般的血紅色調, 間中用用不錯, 能令膚色看起來更白~ 

雖然鮮紅色並非每天都會用到, 但認為女人總要有支紅色唇膏看門口, 再加上今年興玩百變唇色, 又多一個買紅色的理由~

顏色實物比併:

下圖 YSL (左) 顏色 #15 屬新出限量色, 是跟化妝同事 Cindy 行街時的敗家之作. (明明就只是陪買, 結果等候期間試吓試吓, 自己又買埋....)

而 Maybelline 桃紅色 (右) 則屬工作 sample, 通常會在為它們工作前提早收到. 

在妝效上, Maybelline 桃紅色就更有韓妝味, YSL 深粉色就屬大路色, 幾時用都 ok~

色效而言:

既然只不過是 "有色潤唇膏", 並非普通唇膏, 所以塗上後會更淡色及透薄, 是很正常的事. 而兩者的出色度都只有 50%, 不會太深色.

顏色淡反而更好, 買 "有色潤唇膏" 正正就是想要這種 sheer 效果~

(若果要好出色, 就倒不如用普通唇膏了)

再比併質地:

明顯見到 YSL (左) 比較潤澤水嫩, 而 Maybelline (右) 則較啞緻

畫上手時兩者效果都潤澤, 只是 YSL (左) 再透薄少少:

其實單憑肉眼睇, 都很難分出邊支打邊支, 效果相差不算太遠. 尤其如在出門口前用, 因通常在家中化妝時, 也會先塗透明 lip balm 打底, 當 on top 再塗這 2 支時, 效果就更加沒分別.

不過, 如在下午嘴嘴經已乾爆時補妝用, 就會明顯 feel 到 YSL 感覺更滋潤, 相反 Maybelline 滋潤度稍遜.

那支更好?

由於售價相差一個零, 實在很難選擇.... 

其實化妝永遠只講求自己想要什麼, 有的人求質地 / 有的人求效果 / 有的人求玩色.....

如想平平哋玩玩唇色, 當然是揀 Maybelline 了, 絕對零負擔, 又能大玩韓妝~ 

如果揀 YSL 似乎也並不需理由, 大多中女 / 熟女們都已中毒, 套用我媽媽愛 YSL 的原因是 "夠潤又有色"! 自從送過 1 支給她後, 就說以後只用 YSL (反白眼), 久不久還會捉我去專櫃買給她用.....