GUERLAIN 嬌蘭蜂皇緊緻活肌 Face oil .... 別買!

由前年冬天開始用 "油" 用到上癮!

記得 30 歲前一見到 face oil 就怕怕, 30 過後都仍未覺得自己需要用補油. 但去到前年突然一用就發現它的好處! 可能是年紀愈大皮膚就愈乾吧? 結果一用就上癮了, 覺得 face oil 對抗老效果認真 work, 用後乾紋少了, 皮膚嫩滑了, 更有健康光澤感~

加上有小潔僻的我因經常洗手 / 用酒精抹東抹西 / 替人化妝時又常用紙巾磨擦雙手, 攪到雙手經常甩皮, 於是由上年冬天開始, 仲連雙手都直接用 face oil 取代 hand cream, 有夠誇張.....

平常一向用開 Laura Mercier hand cream + Melvita 的 Roll-On 護手油, 但 Melvita 周不時 sold out 買不到, 用完冇得用.... 上星期經過 "龍城" 見到有 GUERLAIN 的 face oil sample 賣, 細細支方便帶出街, 即買! 打算用在雙手 replace Melvita 護手油~

sample $48 @ 尖沙咀加連威老道龍城藥房 (full size 約 $800-900)

但 sample 應該唔係經常有售

以 $48 來說, 這支 sample 包裝外形極靚 ^^

有盒有蓋不單止, 打開仲要係泵裝~

官方產品資料:

ABEILLE ROYALE FAce Treatment Oil (殿級蜂皇緊緻活肌蜜)

提煉自修療效用超凡的蜂皇產物, 蘊含濃縮的特種蜂蜜成份, 按摩滲透肌膚, 能立時提升肌膚的緊緻度, 用後肌膚變得嬌嫩柔美, 活力再現, 面部輪廓更顯分明.

質地比較稀身, 係超稀身, 如同清水一般, 屬 dry oil (乾性油) 一類:

氣味...... ummm..... 有點似濃香水, 自己覺得麻麻.....

但購買時因沒 tester 可試, 所以要買後才知氣味較濃烈..... 

一塗勻幾乎就乾了, 完全不覺得有塗過:

這支我是主要買來帶出街塗手用的, 不打算用在臉上, 但當然也有試過用上臉 (一次咁多).

覺得它的質地甚至比 dry oil 更 dry! 一塗即吸收, 好處是不油膩不杰稠, 但缺點就是不夠補濕, 更別說會滋潤了..... 不滋潤的 face oil 還是首次遇到!

買 face oil 都為滋潤吧? 自己認為它真的不滋潤, 麻麻.....

好了, 說到最後, 為什麼叫大家別買? 就算不夠潤, 也不構成要列它做 "雷品" 吧?

是它的成份問題喇, 就因它離奇地乾身, 一點都不補濕, 跟過往用過的 face oil 感覺相差太遠, 於是好奇地看一看成份表, 發現它酒精及香料比油份還要多! 所以就不潤了.....

而且 full size 索價 $800-900 一支, 即是用近千元買支 "酒精 + 香水 + 少少 face oil 混合體", 你會不會買??