我的低能事件簿 (1)

生活中我所做過的低能事, 實在數之不盡~~

前幾天就做了這一件.... 懂駕車的你會明白! (可能連不懂駕車的都明白, 我實在太低 b)

是這樣的, 我的車牌已有 10 多年, 但真正開車年資只得 2 年, 自從 10 年前撞過車後, 自此都很少開車了, 加上每次開車都笑料百出, 朋友們都笑我是駕駛白痴. 為了一雪前恥, 前年我還特別約過師傅補鐘....

老實說我的確不善於駕駛, 但當然開車去去附近超市倒是 ok 的~

好了, 上星期五放假, 老公去了 annual dinner 要很晚回家, 於是我便決定同仔仔過過浪漫 moment, 在家晚飯後開車帶佢去.......

屋企附近買珍珠奶茶! (hahaha 頗浪漫吧)

想一想, 自從妹妹出世後, 我就好少機會同仔仔單獨出街了..... 買完珍珠奶茶再逛逛 DVD 舖, 仔仔話經已好開心! (真知足)

過完 45 mins 的 2 人世界, 返到屋企泊好車後......

咦?? 點解條車匙取不出呢? 卡在匙位了!

第一個反射動作, 當然是重新扭動車匙撻車, 再試試熄匙取出.

點知撻車時連 engine 都唔著, 車匙亦仍然取不出.... (是壞車了嗎?? 連 engine 都唔著我巧驚喔...)

試過幾次無效, 立即 call 老公求救!

奈何望一望部電話, 在 carpark 只收得一格, 打唔到電話, 未取出車匙前我又唔敢離開部車, 開始焦急了, 唯有靠 whatsapp 求救.....

老公說我應該在熄匙後扭動過軑盤, 所以車匙被 lock 住了, 還教我要怎樣做才能取出車匙. 可惜我試了幾次, 都完全唔 work.....

然後仔仔話: "媽咪我好驚呀! 我好掛住 daddy 呀! 點解咁架? 係咪有鬼呀?"(咪顛啦細路.....)

不過當我抬頭望一望 carpark, 夜麻麻人影無隻, 加上無訊號的手機, 再加埋呀仔呢句..... 我承認自己當刻真係有少少驚!

跟住我懶鎮定同仔仔講: "傻豬唔怕, 可能部車車只係壞左, 遇到事情最緊要點? 就係要 calm~down~ 我地而家來個深呼吸先, 吸氣~~"

(半秒唔夠, 氣都未吸完)

"好! 我地而家可以 whatsapp 搵朋友求救喇!"


點知未打完段求救 whatsapp, 救星就到了!

突然見到平時在 carpark 抹車的哥哥仔閃過!

嘩! 我即刻把握機會衝過去, 用我畢生最溫柔的聲線求助!

哥哥仔問: "咦? 你先生呢?" (去了 annual dinner.... 唔該救救我)

佢坐上司機位後話: "係喎, 車匙同軑盤都 lock 死左喎, 係咪熄匙後有扭過軑盤呀?" (冇呀冇呀.... 點解呢點解呢?)

我見哥哥仔都係用老公教我的方法, 嘗試取出車匙但唔 work..... (自己還在沾沾自喜, 都話唔係我特別蠢啦, 連哥哥仔試過都唔得, 一定係部車有問題喇....)

然後佢再望望波箱, 嘆了一口氣, 用 2 秒取出車匙交到我手上! (我即時 "O 嘴" + 想拍手!)

(哥哥仔雙眼反白) "小姐.... 你泊好車未入 P 波呀, 梗係取唔到車匙同撻唔著車啦, 安全模式呀, 係車都有架....."


wakakakaka~~~實在太白痴~~

可能個腦太心急想返屋企嘆珍珠奶茶!

仔仔仲要立刻俾個鄙視 look 我: "媽咪呀, 你以後都係唔好開車喇, daddy 叻好多...."

又一次證實我完全不適合開車, 電腦同車簡直係我死穴....死穴....死穴....