【我家小孩是這樣長大的】之家有嚴父

對於教仔, 我沒秘方, 甚至認為自己教導無方.

教人點教仔, 我絕對沒本事, 不過日常生活中當然會經歷到不少教仔瑣碎事, 也想跟大家分享一下,  或者笑一下~

首先, 我是一位慈母!

(這句寫出來自己笑死)


每次出親街都想買玩具給仔女, 無論我去的只是 7-eleven. 仔女想要什麼, 只要不貴的我都盡量提供. 一見到仔女扁嘴想喊, 我就會九秒九抱起..... 那種.

在兒女心目中我是慈母, 有求必應. 但正確來說, 我並不懂教仔女, 一對住小朋友就心軟.

中國人說 "慈母多敗兒", 絕對有 point! 過份溺愛會令仔女不聽話是真的, 6 歲兒子一點都不怕我, 叫他做事經常當我唱歌, 認為我惡極都不過如此..... 而 1 歲半大的女兒事無大小, 一哭就找我, 因為我一定會抱抱. 放低不抱她, 就會邊哭邊變樹熊箍住我隻腳, 可以拖行一條血路那款....

兒女尚小, 對他們有求必應, 可能你會覺得 no big deal, 但到大少少你就會知衰.

奈何自己性格不能話變就變, 要從 "慈母" 角色變 "嚴母" 是沒可能的了, 裝都裝不出來. 好彩, 我家仲有位嚴父, 老公可是惡到出汁, "兇" 仔有一手!

兒子的功課一向由我負責教, 日日叫他做功課都扭扭擰擰, 要三催四請先開始做, 仲要邊做邊攪東攪西, 分心到不得了!

"點解我要做功課?" / "點解咁多功課?" / "點解 d 字咁難寫?".... bi-li-ba-la...

我 day day 都要 go thru 一次相同的問題....

ok! 我有的是耐性, 會花時間語重心長去跟他解釋原因, 再陪做功課, 2 版小小的生字練習, 磨下磨下往往一做就 2 小時.... (大人 5 分鐘能 K.O. 那種)

以前幼稚園 K1 / K2 功課不多, 問題不大, 直至上到 K3 功課多了, 就變得好折磨 (我).... 某日老公提早放工, 見識完兒子做功課的扭擰程度後, 自此 check 功課 + 溫習的重任就落在老公身上了.

老公其實也無特別技巧, 不過靠惡 / 罰罰企罷了, 但已嚇到兒子騰騰震.

然後我又會出來攪事, 常怨老公 "哎呀, 得 6 歲大你就別要求太高嘛", or "係咪真係有需要咁惡呢?", or "好喇好喇, 做左好耐喇, 不如休息下先"..... (似十足一個呀婆咁, 好想去解救兒子)

暗地裡兒子又有向我投訴過: "爸爸好惡喔, 可不可以買個新的?" (去那裡買喔?! toysRus 嗎? 有售跟我說一聲 LOL)


但過一陣子後, 奇蹟來了....

現在兒子每日一放學回家, 換完衫食完茶點後, 會好自動自覺開始做功課, 仲會主動 "求" 我教他做 (你沒看錯, 真係會求我), 做完又識得自己再用白紙繼續寫練習.

其實他最緊張是爸爸何時回家, 要盡快趕在爸爸回來前做好功課, 再給爸爸 check, 減少自己被罵的機會.

以為他會因此而討厭爸爸??

sorry, 他最愛的仍然是爸爸, 我只係排第二.


惡, 究竟 work 不 work?

雖然我不忍心見到兒女被罵, 但小孩子的 discipline 有時候要靠兇來培育, 某程度上我覺得很有道理. 道理要講, 但罵也要罵.

有些小孩的自律性很好, 說一句就聽教聽話, 可是我家兒子卻是百厭星, 說 10 次只有 1 次會依你的, 叫佢去東佢去西.

好似我習慣語重心長向他講道理, 沒錯是會 get 到你意思, 只不過因為無威嚇性, 就不願做不願記了, 反正媽媽太腍善不會罵嘛, 變相給他機會繼續錯 / 繼續懶 / 繼續依賴.

給爸爸兇一兇之後, 而家一天都光晒~


想一想, 其實我們都是這樣被父母罵大的, 何解到了這一代就要誅多忌諱呢?

那些現代育兒書 / 外國教仔方式分享文, 都說要耐心教導小孩, 凡事要講道理, 要 open, 罵是 no no 的. 不少潮媽都跟足來做, follow follow 再 follow, 總之孩子不能罵. (oh pls, 我就不信寫的人未鬧過仔)

試了幾年, 我現在認為.... 抱歉.... 真係好 bullshit.... 你試試去一次公園, 看看那班鬼仔鬼妹小學生, 曳到出汁.

這套方法對大小小的孩子 / 青少年可能 work, 但對住幾歲大的百厭星講道理, 佢睬你都傻, 點頭 "唔" 完之後即刻再犯.

該罵的時候就要罵, 罵完再講道理仲 work, 至少佢真正聽到入耳.