超好用 $24 日本粉樸!

粉樸我一向鐘情於 beauty blender，這點大家都知道~

雖則 beauty blender 的確非常好用，但缺點就係使用前必需要沾濕，先可做到彈 QQ 的貼粉功效 (乾用效果普通)，如趕時間出門只想簡單化個妝，就真係唔會夠時間陪佢整濕又整乾慢慢玩!

所以如果有無需沾濕、都能夠貼服上粉的粉樸就更 perfect 啦! 方便嘛~

可惜曾經試過不少貴牌 / 平牌粉樸，乾用效果始終一般，都係濕用效果更理想.....

而以粉樸乾用計，必需要本身切割夠厚，質地要夠軟，但同時亦要夠挺身，密度要適中，不能太高或太低 ("密度愈高愈好" 的 concept 其實是錯誤的，實情會跣粉，粉底會吸附不實皮膚)。

但這樣的粉樸要到哪裡找??

又俾我無意之中搵到喎! 仲要只係 $24 蚊!~~

如果你習慣用普通粉底液，特別是稀身透薄質感的，其實用手指 / 濕粉掃上粉最好，不一定要用粉樸 ; 如果用的是杰身一點的 creamy 粉底液，那就用手指 / beauty blender 粉樸之類會最理想。

但如果你用的屬粉底膏呢，那用我今次推介的 $24 蚊粉樸最 perfect 了! (beauty blender 也可以，只係要沾濕用較花時）

例如大家都知我近 2 個月都習慣用這盒 "只要手袋有條就罅就攝得入" 的 「Cinema Secrets 五色遮瑕膏」，貪方便快捷可一次過上粉底 + 遮瑕......

(這盒為最新 upgrade 版，售價點: makeupsecret.com.hk )

而它質地屬 creamy 性質，所以最方便的用法，就係用這個 $24 蚊粉樸上妝了! 可一次過上粉底 + 遮瑕，整個過程更無需沾污雙手~ 

之前拍舊版「Cinema Secrets 五色遮瑕膏」video 示範時，也是用它上粉的，近 2 個月每天使用中，無論乾用 / 濕用效果都不錯~

(記住捲起用效果會更好)

Video 重溫 →

可望多一次這個粉樸之用法

側面睇 →

以 $24 蚊計的確相當厚身! 

好肥美~~~

會不會是最最最 perfect 的粉樸? 當然未必~

但別忘記佢只係 $24，以價錢計做到如此質數，效果仲好過好多貴牌粉樸，抵到爛~

用來搽普通稀身粉底液，又得唔得?

冇話唔得，不過如上段所提及，稀身粉底液係用手指 / foundation brush 效果最好的，無謂勉強喔~

$24 @ sasa

並非間間 sasa 有得賣，需多行 2 間碰碰運氣，據經驗比率計約每 4 間 sasa 會有 2 間有售，我是分別於馬鞍山區 + 銅鑼區 sasa 買到。

為免分享完畢後 sold out 自己買唔到，所以出這篇文前，我已經好醒目地預早買多 2 個備用! hahaha~ (偷笑偷笑)