2016年3月17日 星期四

GUERLAIN 嬌蘭 PARURE GOLD 煥采粉底液 + 幻彩流星妝前底霜 + 亮肌粉餅 review

又繼續分享近期用過的粉底用後感,今次輪到大家熟悉的 "GUERLAIN" 法國嬌蘭~

雖然很多用家都說 GUERLAIN 粉底好好用,但我就從來未介紹過,何解? 

其實也是有去它專櫃試過喇,只可惜對上一次想買的 "LINGERIE 系列粉底",我試上臉就夾唔到自己膚色 (一係太深 / 一係偏粉紅),所以只能抱恨返歸。

剛好上個月收到它另一 "PARURE GOLD" 系列瑰麗琉金煥采粉底液,正好寫個 review~

喜訊是今次這個系列是有我膚色的! 不過收到的顏色對我來說卻有點偏深,但沒所謂喇,如試過好用我亦不介意多買一支淺色溝色,反正工作上也能用得著。

今個 review 除有這款 foundation 外,也有它 makeup base + 粉餅的用後感~ 


(trial products given by GUERLAIN)


先介紹新推出的 makeup base →

MÉTÉORITES BASE (幻彩流星妝前底霜

以凝霜與粉色珠粉融合而成,質感補濕而清新,同時糅合吸油粉及柔焦聚合物,有助中和過量皮脂分泌,更可撫平細紋。星塵技術(Stardust Technology)令每顆小珠都蘊藏著鑽石粉粒,發揮不同的反光作用散發恰到好處的柔和亮光全面改善暗沉膚色




真身→

粉紅珠珠好 cute cute ^^

紫羅蘭花香氣亦非常討好!


雖然望上去只見到有粉紅色珠珠,但其實內裡已同時混含了亮金、藍、綠色等獨特色彩組合,能發揮不同的光線折射效果,掃走暗沉膚色。


當唧出來時,凝霜會跟粉色珠珠即時結合 →


Close up 可見到極微細的 "Stardust" 星塵閃閃亮亮 →


搽勻後會有種通透珠光,但不會閃得過份 →

通常不愛底妝有光澤感、塊面反光的人,一聽到 "珠光 base" 三隻字就會調頭吧?

不過我認為這支 GUERLAIN 是會令你對 "珠光 base" 改觀的~


珠光 base 我曾經用過很多款,韓牌、日牌、台灣、歐美品牌的都試過。

我知道好多人認為如非想化韓妝,就無需用到珠光 base,但其實它是很多 makeup artists 的底妝秘密武器呢! 用後能令粉底變得更剔透提亮,亦可使五官顯得更立體~

而我亦知道很多人不愛用珠光 base 的原因,是覺得太白、太反光、太油膩、用後加快溶妝吧?

其實是因為質地沒選對。因為市面上的珠光 base 太多都為 cream-based 配方,用後便有感反光、油膩、厚重、快溶妝了。

所以只要揀支質地清爽的就可以喇 ^^


這支 GUERLAIN 是 gel 狀的,亦同時結合了吸油粉及柔焦聚合物,比一般珠光 base 更清爽,絕對沒油淋淋感覺,亦不會太反光,光度是真的恰到好處~

強就強在它感覺清爽得來、補水度非常澎湃! 一搽上臉經已 feel 到好補濕! (而非單以油份滋潤皮膚表面那種)

所以雖然它售價不便宜,卻屬我用過最好的珠光 base!

想要有剔透光澤感,又唔要油光滿面、兼仲要吸埋油? 

除了這支 GUERLAIN 外,似乎冇乜選擇了。


輪到 "PARURE GOLD" 系列瑰麗琉金煥采粉底液 

外表很奢華的說、售價亦同時奢華 hahaha


產品資料 →

以珍貴的雙面色素、加上活性膠原蛋白促生成份等製成,有效淡化歲月痕跡及臉上倦容。粉底質感透薄輕盈、絲柔細滑,閃現出黃金獨有的金光亮采。具 SPF30 PA+++ 防曬度。




共 12 色選擇 →

我收到的是 #03 Beige Natural,不過 #03 對我膚色來說是有點深,應該用 #02 會更好。

Anyway,試試質感 / 妝效先~


屬液狀質地、極容易推勻不卡粉 →

如果用它之前、先用上段介紹那支 MÉTÉORITES BASE 打底......


效果會顯得更通透自然,散發微微光澤 →


如果不用 MÉTÉORITES BASE 打底,單用這支粉底的話 →

效果就會較 full coverage,高遮瑕度而啞緻。

就隨你喜歡了~


搽上半邊臉望望 →

(已搽過 MÉTÉORITES BASE 打底)


夠遮瑕度之餘又唔太厚重,仲好貼皮膚,效果 like 爆~

只需搽一層,斑斑經已 cover 得唔錯,泛紅問題亦全部遮得晒~

(喜歡的話可按圖放大)


遮瑕度 : 
屬中等偏高,均勻膚色、遮掩雀斑 / 黑眼圈冇難度,如太深色的暗瘡印就要另加遮瑕膏。另外如不用珠光 base 打底,遮瑕度仲會再提高! 唔厚又遮到大部份瑕疵,正~~

貼面度 : 
非常貼服柔滑,效果自然不厚重,沒有卡粉 / 浮粉問題出現。

補濕度 / 控油度 : 
補濕感算充足,不會覺得乾,搽勻後慢慢變得清爽,沒油膩感,不含控油功效。

妝效 :
半啞緻 + 半補濕各有一點

適合膚質 :
混合肌 / 偏乾肌也可以,太乾的話就要預先搽搽補濕 serum / base 打底。

持久度 : 
算不錯,約可 last 5 小時左右。(以春天 x 我乾胜肌計)

抗氧度 : 
由於今次粉底顏色不夾膚色,一用已經深色,試唔出數小時後會唔會變灰變暗。


下圖為冇用 MÉTÉORITES BASE 打底,直接上這支粉底妝效 →

會相對更啞緻及 full coverage,不過就好似有少少厚,都係用返 MÉTÉORITES BASE 打底效果更好!


最後到 "BLANC DE PERLE" 珍珠妍白亮肌粉餅 →

一盒同時匯集兩款色調:膚色的粉底可均勻膚色;白色的光影粉則能提亮肌膚輪廓。產品配方採用革命性的「Weather Fit」持妝科技,讓妝粉能適應不同的溫度及濕度,確保一年四季、由早到晚,膚色都能完美無瑕。具 SPF20 PA++ 防曬度。


$565 @ http://www.guerlain.com/hk/zh-hk


對習慣愛用粉餅上妝 / 定妝的人來說,這款能適應不同的溫度及濕度的 GUERLAIN,會是不錯的選擇,始終 HK 氣候潮濕嘛~

而且一盒有埋光影粉又真係幾方便!

用法 1 : 先全臉用膚色,再用白色搽在 T-zone / 下巴 / 面頰作 highlight 
用法 2 : 一次過混合 2 色全臉用,整體底妝會更添明亮感


底層設有粉樸 →

我是習慣用粉底上妝 + 碎粉定妝的人,補妝才會用到粉餅。試過搽完 BB cream / BB cushion 打底後,再用這盒亮肌粉餅上妝,其實效果都 ok 的,粉質夠幼滑及貼面,不會太厚太乾。

不過始終認為用粉餅上妝,會不夠用粉底 + 碎粉般仔細及高遮瑕度,而且虎紋 / 鼻翼位也是會隨著時間變得卡粉,所以粉餅仍 prefer 用作補妝更好。

這盒用來補妝絕對不差,夠滑夠貼又唔乾,仲可以一次過補埋光影 highlight,極方便!

售價方面 $500 幾蚊,如跟同級數的專櫃牌子粉餅比較,其實是差不多價位,這盒 GUERLAIN 唔算特別貴,但當然也要視乎自己 budget。


(#01 Pale Beige 與我膚色夾得剛剛好)


12 則留言:

  1. 唔該哂你上一篇既回覆啊:) 想問下全面乾到出油 covermark silky or vidi vici 碎粉較適合同持久呢?謝謝:)

    回覆刪除
    回覆
    1. hihi~ Covermark silky 控油度及持久度會好過 vidivici, 但就會厚及乾過 vidivici 少少, 而 vidivici 相對會冇咁乾同厚~ 如全面乾到出油, 其實用 vidivici 會更好, Covermark 一出得多油時會浮粉~

      刪除
  2. 呢隻係咪仲好用過vidi vici隻base?thanks~

    回覆刪除
    回覆
    1. 你係指 vidivici 的 illumination 珠光 base 嗎? 如果係, 咁呢隻 GUERLAIN 會更好~

      刪除
  3. Hi Isa, 請問MÉTÉORITES BASE洗唔洗全面查? D shimmer會唔會粗大? 係咪真係冇油光滿面嘅問題? 夏天用得唔得? 仲有想問下如果我 (age:23, 混合性偏油)想買foundation, looking for妝感自然, 中coverage, 補濕, 唔卡粉唔現乾紋, 你會recommend你今期介紹嘅guerlain PARURE GOLD / BLANC DE PERLE定係YSL粉底CUSHION? 又或者有冇其他更好選擇? Many thanks!!!

    回覆刪除
    回覆
    1. hihi~ MÉTÉORITES BASE 係全臉搽的, 但你亦可 feel free 只搽光影位都得 (t-zone / 面珠 / 下巴), 它的 shimmer 一點都不粗大, 搽上臉不會見到一粒粒閃的, 反而仲因為加了柔焦聚合物, 所以仲遮到丁點毛孔, 另外佢質地唔厚兼有少少控油成份, 夏天絕對用得~ Foundation 方面, YSL Cushion 及 April Skin Cushion 有控油效果, 會更適合你混合性偏油肌夏天用 (Shiseido 太薄 / PARURE GOLD 會潤)~

      刪除
  4. Hi Isadora , 我係混合偏油肌 有少少痘痘,想請問你無油foundation , glominerals 定 clinique anti blemishes 好 ?
    高Dcoverage 但又5太乾身
    謝謝

    回覆刪除
    回覆
    1. Clinique 都 ok, 另外 Shu Uemura Skin:Fit Foundation (這支可 build up 遮瑕度) / Sofina Primavista Foundation 都唔錯的 (夠高 coverage) / MAC Studio Sculpt Foundation 都 ok(夠高 coverage)~

      刪除
    2. 如果Glominerals 評價又ok ma ?謝

      刪除
    3. Glominerals 如果是指 Satin II 那款, 之前有介紹過, 不過我們則沒再出售了~ 舊文在這裡: http://isadoracheng.blogspot.hk/2014/08/glo-minerals.html

      刪除
  5. 我係專櫃試過,我本身係混合性皮膚,T字位油,臉就乾,如果我用呢枝GUERLAIN打底,係吸油既,禁我粉底液係咪轉返保濕型好d?我怕會太乾,以我又想有光澤感的底妝。呢技打底係咪其實唔係好乾,都有保濕?我試GUERLAIN另一款打底就全保濕,真係好好,好保濕。但如果我追求有光澤感,應該選擇邊枝好?

    回覆刪除
    回覆
    1. 正常因為會搽晒 skincare 先搽呢支 base, 所以補濕度是很夠的, 搽上面會比在專櫃試時更補濕, 我覺得光澤感都好夠~ 但如果你較愛更明顯的光澤感, 咁用更補濕的 base 的確會更潤澤 (但相對亦會較快溶妝, 有心理準備補妝的話就 no problem)~

      刪除