台灣 BeautyMaker 最新 Cushion 氣墊粉底 review

台灣的彩妝大師 Kevin 老師，你一定知道係邊個~

而由 Kevin 老師創辦的化妝品牌 "BeautyMaker"，約 9 年前藉著台灣節目 "女人我最大" 登場時，亦賣到滿堂紅，出名到不得了! 記得當年我都有上網買過唔少~

不過網購冇得試 tester，單靠睇相買真係要靠估，就算顏色 ok、質地亦未必係自己想要的，學費交過唔少，但勝在 BeautyMaker 妝品售價唔貴，每件約幾十至百幾，屬學生價。(品牌 target 學生 / 年輕 OL)

今季可說終於殺到入 HK，而家 LOG-ON 都可以買到喇~

其實也算來得遲了，等你 9 年先殺入 HK，我已由品牌 target 的年輕女性類別變成為中女喇!  hahahaha~

早前出席了 Kevin 老師的發佈會，取得幾件底妝品試用，寫個用後報告俾大家睇睇先~

(trial products given by BeautyMaker)

先望望 Essence Air Cushion "極淨光亮白舒芙蕾氣墊粉餅" →

產品資料 : 集遮瑕、打底、亮白、光澤、補濕、防曬 (SPF50 PA+++) 於一身，具珍珠般的完美妝效光澤感，適合深受瑕疵困擾、愛有遮瑕度、同時愛水嫩光澤底妝的人使用。

btw，有沒有覺得台灣 skincare / 妝品產品名稱，都總愛改得長長的? 就那種希望把產品功能都加在產品名內，令你一望就知有咩效果那種 haha~ 

$229 @ LOG-ON (CitySuper)

這款 Essence Air Cushion 氣墊粉底屬品牌新品，設計非常 cute cute!

採用螺旋雙色設計，具 "膚色層" 及 "蜜桃色層" 2 合 1 →

產品指中間 "蜜桃色層" 可作為局部 T-zone 光影提亮 →

不過我認為冇必要用了，望完用後圖之後你就會明白.....

基本上一搽上面已經好光，所以唔需要再局部提亮，因為已經光到爆 →

粉底也非極貼面那種，有種 "膠膠地" 漿住塊面的感覺，我覺得只屬 ok 程度 →

共 2 色選擇，我這盒已屬最深的 "自然色"，不過都係好淺色，用後明顯同條頸唔同色...... 真係好灰白 ........

而且一上完妝已經有 d 浮粉..... 加上因為光澤感太澎湃，成面令立立，毛孔爆現....

令人好懷疑那班大讚好用的台灣 blogger，究竟係個個本身都好白淨? 定係寫 blog 前美圖秀秀左呢???

老老實實，我覺得麻麻。

另一款 Matte Cushion "零油光晶漾持妝金屬氣墊粉餅" →

主推 1 秒由濕粉變蜜粉，當 "控油水粉底" 塗抹於肌膚瞬間，水氧霧化科技就能把它霧化成更細小的 "微米柔焦粉體"，能吸附油脂、防水抗油、填平毛孔、零油光、妝效粉嫩持久。

這盒是 sell 控油的，應該會比上段 Essence Air Cushion 更好吧?

$199 @ LOG-ON

採用 "獨家真空 32 孔金屬觸控板" →

設計能形成一個隔絕空氣、外界污染的真空保鮮層，確保每一滴粉底都是最新鮮、最清新純淨狀態，保持有效成份之活性。

「只需輕輕按壓，控油水粉底就會均勻釋出，每一次按壓的都會是剛剛好的使用量。」

這個 design 其實係非常好、非常衛生，好可惜我真係 feel 唔到佢能做到所指的 "每一次按壓的都會是剛剛好的使用量"......

係壓極都唔出粉底先真.....

而且這個所指的 "獨家金屬版" design，大家有沒有似曾相識的感覺?

上年介紹過的 "秀雅韓" 氣墊粉底，已經用緊同樣的 design，仲早過 BeautyMaker 推出.... 

舊文重溫 : http://isadoracheng.blogspot.hk/2015/03/blog-post_9.html

而且真心認為 "秀雅韓" 壓下去時的出粉份量平均好多 + 易出粉好多!

不過售價就貴少少...... 囉，果真是一分錢一分貨。 

(秀雅韓 $398 vs. BeautyMaker $199)。

用後圖 →

又話係 matte finish 既? 又呃我喇..... 同樣爆令.....

而且又係好白那種..... 

個粉樸仲要甩毛，所以塊面有一點一點的小碎屑....

真係有少少冇心機寫落去.... 收得筆

唯一覺得不錯的，有下圖這支補濕妝前打底霜 "Perfect Hydrating Primer" →

主推 「超水感底妝救星 / 一滴終結乾枯脫妝 / 全天候敷著隱形面膜 / 創造最強的水潤光感肌」。具 "光感柔焦美膚科技"，利用光線折射達到為肌膚柔焦、瞬間明亮膚色、隱藏小瑕疵與粗大毛孔的美膚功能。

$169 @ LOG-ON

這支的確是夠補濕、有輕微柔焦美膚效果、用後再上 foundation 會更貼面，是不錯的 makeup base~

不過又咁講，其實市場上同類同效產品已經有好多，佢唔算特別，只不過論價格佢跑贏，也算是可以一試的產品~