我想買個新風筒好耐喇~~ 😆
屋企個舊風筒已經係 N 年前買落，雖然仲用得，但就超級重，仲要熱到發顛，想換走佢好耐!
受夠咗大型風筒嘅折磨，我嘅 target 係迷你風筒 / 旅行風筒，無論新款嘅大型風筒有幾輕身都好，都唔使預我喇，我對 "童裝 size 手" 都係用返迷你風筒好，又夠慳位~
至於 budget 方面，買化妝品 / skincare 我可以好豪爽，但講到買風筒就好孤寒，認為都係吹個頭啫，使唔使買咁貴呢? 最好求其搵到個幾百蚊、同時又有型有款嘅就 ok，風力我反而要求唔高，唔好太低就得。
話說身邊剛好有個好鍾意買旅行風筒嘅閨蜜 (唔知點解得一個頭要買幾個風筒)，我當然有借機會試吓唔同牌子啦，例如 babyliss / Amika 等等，好可惜全部都 over 晒我 budget......
本來已經諗住算喇，唯有預多少少買個千鬆啲蚊嘅，點知聖誕前去染頭髮嗰陣，竟然比我喺 salon 買到個 $675「ghd 旅行風筒」喎! →
仲要有型又有款~ 正~~ ❤️
ghd 官網資料:
屬於好基本嘅旅行風筒，有冷熱風 + 風速揀，可以隨時轉換成 120w 或 240w，全球通用，亦有負離子功能可以減少毛燥。
風力方面只得 1400W，實屬唔高，不過以 ghd 嘅風筒風力計，點都會比其他雜牌強力，加上有個集中式風嘴，試上去同我用開嘅 Panasonic 1600W 大風筒風力差唔多，但就輕身好多倍~
官網賣英磅 49 蚊，係比香港平但長期冇貨，而我呢部就於 Private i Salon 買的 $675 (有保養 / 三腳插蘇)。
所有 ghd 香港售賣點:
官網圖 →
有附設 dust bag。
摺起後極慳位 →
真身 →
極輕身，我鐘意~
以我中長髮計風力已經好夠用，1400W 有如 1600W 左右風力，又唔會過熱怕傷頭髮~
(不過如果頭髮勁長就會嫌佢唔夠力喇)
同場加映 Dyson 風筒 →
個個都知我係 Dyson 吸塵機 fans，呢部風筒一出嘅時候，就收到好多 whatsapp 問我買咗未?
好老實講我從來冇諗過要買喎，咁貴~ 😂
(Dyson 吸塵機就唔同，真係勁好用)
呢部 Dyson 係我髮型師 Adam 嘅 →
我試吹過確實係唔錯，但要成三千幾蚊喎! 就算係髮型師 stuff price 買都要二千到尾，真係唔使客氣 hahaha~
Adam 同其他 makeup artists 話用 Dyson 風筒係品味、係 life style 一種嘛~
係，我明白嘅!
不過屋企有小朋友，部 Dyson 一定好快有損傷，肯定會被跌落地 / 撞凹 / 刮花，所以咁貴都係可免則免喇，無謂要就住就住用啦~
一部幾百蚊 ghd 我已經好滿意，粗用撞花都唔會心痛~ 😊
Isa, 我內雙眼皮，吾知係米因為眼皮脂肪厚，如果眼影化到張開眼都見到輕微一框會化到超高，請問可以點做？
回覆刪除另外，請問shu uemura cc uv under base mousse(泡沫個隻）用法係點？要用咩工具用？
hihi~ 你情況其實係同我一樣, 係冇辦法解決 ga, 逢係內雙眼皮 / 眼皮厚的人, 如果唔貼雙眼皮膠紙、就只能夠將眼影化高了~ 另外 shu uemura 支 mousse 可先唧上掌心, 再用海綿粉樸沾上 mousse 搽上臉 (粉樸可逐少取 mousse, 無需一次過取晒所有份量)~
刪除Hi,請問你係facebook ootd張相對黑色鞋係邊度買ga？幾錢左右？
回覆刪除可吾可以講埋全身嘅衣着係邊度買？好鐘意你成日著得咁簡單又有型~
刪除多謝你~ 件衫係剛推介過的淘寶: http://isadoracheng.blogspot.hk/2016/12/blog-post_23.html 牛仔褲係 Zara, 而對 boots 就已經係上年買喇 (屋企附近 boutique)~
刪除Hi Isa! 我係中女年紀, 乾性但會乾到出油. 之前用過你介紹既Clinique beyond perfecting foundation 都唔錯, 想問有冇其他既foundation都啱我? 唔該晒!
回覆刪除可以試試 Clarins 新出個支 "Everlasting Foundation 持久無瑕粉底液" ($330) 都幾好, 質地同你用緊支 Clinique 差唔多, 但遮瑕度就再好少少, 唔厚粉, 亦算幾持久, 如果到春夏出油時、仲可以配埋佢隻 "瞬效零毛孔美肌霜 makeup base" ($270), 可以遮到毛孔又控到油~
刪除