2017年1月13日 星期五

Clé de Peau 亮膚光映粉「Luminizing Face Enhancer」review

呢盒咁靚嘅 Clé de Peau「亮膚光映粉 Luminizing Face Enhancer」#14 ......

係化妝師同事 Ida 早前送俾我嘅 X'mas gift~~

試用咗一排,又寫個用後感先~



產品資料 →

靈感來自貝殼的螺旋形亮光,採用創新導光技術,並加入了塑造柔滑光澤的「亮肌瑩珠」、「奢華觸感配方」及「水盈複合物 EX」,能於打造奪目輪廓同時提升潤澤效果。

只需在完妝後輕輕一掃,即能為肌膚增添柔和自然光芒。


使用效果 / 暖和燈光下 →

屬於好微弱嘅淡光,可以好自然咁同肌膚自然融合,粉質亦夠輕薄~

不過每次用佢單掃一下都好似唔係咁夠光咁,要掃多幾下先覺得夠光、仲要飛粉飛到成臉都係...... 後來用多 2 次之後,終於發現咗個問題係來自個支附設嘅 "纖維毛化妝掃"!

始終 "纖維毛" 結構係為液狀 / 膏狀化妝品而設,毛毛呈光滑直線冇倒勾,完全抓唔實粉狀化妝品,於是掃出嚟就冇乜效果,兼且飛粉飛到成臉都係......

之後改用返自己嘅松鼠毛胭脂掃去用,就一天都光晒喇~


昏暗燈光下效果 →

反而環境昏暗嘅時候用 (即去夜街) 就會變得好閃,所以份量就要減輕 (除非係去 party)。

的確係幾靚~


至於講到售價就....... 

一盒光影粉賣成 $800 係好貴呀!!

不過見 sasa 都有得賣 ($649),網上亦有 d 日本代購店賣 $500 幾 →

仍然覺得以光影粉計係好貴.....

but oh well.... Clé de Peau 始終係有一班 fans。


膚色較黃的可揀 #16 →


膚色較白的可揀 #11 →


btw,嚟緊最想試嘅就係佢最新出呢支「Radiant Stick Foundation 鑽光粉底筆」→

以佢粉底咁出名嚟講,呢支應該都唔會差,等我搵日經過去望望先~

不過今個月忙到咁,應該都要等到過年後...... 😔

突然想起佢之前新出個支「Radiant Cream Foundation 鑽光粉底霜」,我都好似未寫用後感 haha~




17 則留言:

  1. 作者已經移除這則留言。

    回覆刪除
  2. 請問呢個光影粉是全面掃?

    回覆刪除
  3. 作者已經移除這則留言。

    回覆刪除
    回覆
    1. isa, 光影粉都好用,正如你說用自家的松鼠毛上會更靚,我都找你學化妝當然最聽你的⋯⋯⋯hahaaa

      刪除
  4. hi isa, 早排買左 phyto lab 藍銅胜肰精華 同 menard fairlucent 美白精華 ,用完自己爽膚水之後, 應該用邊支先牙? 同埋 支美白精華 早上可以用嗎?

    回覆刪除
    回覆
    1. hihi~ 用完自己爽膚水之後應用 Mernard Fairlucent 先, 跟住用 phyto lab 藍銅胜肰精華~ 而 Menard 支美白精華內的維 C 成份係深入肌底的水劑納米級, 兼穩定性高, 所以早上也能用 (非每種有維 C 成份的精華早上都能用), 但都要記得搽防曬霜~

      刪除
  5. Hello,請問我混合性皮膚,有毛孔,暗瘡印,想化一個底妝係男友近距離望都覺得皮膚會好好,應該用乜粉底掃?另外,請問上粉底嘅方法應該係先張粉底點上面,定係直接用粉底掃攞粉底掃上面?請問掃粉底嘅方向係點?我睇完video都吾係太明白

    回覆刪除
    回覆
    1. hihi~ 用 kabuki 形式的粉底掃會最好, 可以掃到好薄, 同時又可以填平一點毛孔 (但暗瘡印就要另外用遮瑕膏先會遮到)~ 而上粉底嘅方法, 應該係先將粉底泵出放掌心, 再用粉底掃每次沾取少許份量、分部位掃上, 如用 kabuki 形式的粉底掃, 則沒有分特定塗抹方向, 因為是打圈掃上的~

      刪除
  6. Hello Isa, 請問MD分子酊,MdB3+B5精華,Endocare 精華同 menard fairlucent 美白精華 , 次序係點樣用?
    另加埋dr johom效果會不會仲好d?
    Thanks

    回覆刪除
    回覆
    1. hihi~ 如果有咁多款精華, 還是分開早晚用較好, 怕一次過塗太多會吸收不了 (除非皮膚極乾), 日間使用次序可以是: menard fairlucent 美白精華 → MD B3+B5 精華 → MD分子酊, 晚間使用可以是: menard fairlucent 美白精華 → Endocare 精華 → MD分子酊, 如果皮膚真係好乾, 使用次序就可以是: menard fairlucent 美白精華 → Endocare 精華 → MD B3+B5 精華 → MD分子酊~ 不用再加 Dr.Johom 了, Endocare 精華效果已類同~

      刪除
  7. Hi isa

    請問喑嗆印皮膚, 耐不耐就額頭生幾粒喑嗆, 可唔可以介紹下岩我既洗瞼產品?謝謝

    回覆刪除
    回覆
    1. hihi~ 如果係偏油而又有暗瘡, 可以試試小林製藥支 EAUDE MUGE 洗面泡; 如果係偏乾而有暗瘡或暗瘡印, 可以用 Phyto-Lab 支嬰柔潔膚~

      刪除
  8. Hi Isa,請問你係用乜容器放唇膏?邊度有得買?

    回覆刪除
    回覆
    1. hihi~ 意思係指點樣收納嗎? 我唇膏係用 MUJI 無印的膠兜放的~

      刪除
  9. 請問有冇光/陰影粉同胭脂推介? 想要自然d同粉質好d既~
    另外你有冇用過three既胭脂? 好唔好用?
    早排見好多人講佢隻CHEEKY CHIC BLUSH #05色(果隻好似係豆沙紅),
    今日去望下睇落好深色, 但試上手睇落隻色幾靚, 不過佢好似有少少光粉,
    怕會顯毛孔, 而且未用過three cosmetics既野, 所以掙扎中,
    平日唔係成日化妝, 怕買左唔好用屯積太多化妝品T-T

    回覆刪除
    回覆
    1. 光影粉我係用開美國 The Balm "Mary-Lou" + cle de peau 的,其實就冇話邊隻牌子好啲,因為光影粉隻隻都差唔多,只要粉質唔好太散咁易飛粉就OK ~ 而陰影粉我係用開韓國牌子+ 美國 smashbox 及 girlactik 的,但 3 款香港都冇得買,所以都可以望望 urban decay (係組合形式,一盒有胭脂陰影同光影) / Bobbi Brown 嗰 d~ 至於日本 three 抱歉我就未試過

      刪除