2017年3月1日 星期三

台灣寶藝新出「乳香修護凍膜」review

寶藝面膜應該好多人都用過喇,今年佢又推出咗新嘅「乳香修護凍膜」,見一班 blogger 大讚,網上評語又唔錯,今次呢盒 mask 仲要係同游絲棋老師共同開發喎,唔知實際效果又點呢?

大家知我舖頭都有賣寶藝嘅面膜,有新出品代理商一定會預先攞俾我試試啦,試用咗咁耐,唔係話佢唔好,但最終我都冇入貨,點解呢? 

睇完 review 大家就明白喇~


先提供產品資料,講講佢有咩好處先 →

乳香修護凍膜含有乳香、鎖水磁石、維他命 C 等多種保養成份,一瓶擁有修護、保濕、抗老、舒緩、亮白、抗氧化、細緻肌膚、降溫控油等 8 大美肌效果,有效解決上妝浮粉、乾燥、肌膚不適、毛孔粗大、暗沉、粗糙膚觸、油光、細紋、鬆弛等 9 種肌膚狀況,敷後肌膚即時明亮柔軟,更顯光采。

售價為 $268 / 250g 左右


今次新出呢盒「乳香修護凍膜」最主要嘅保養成份就係 "乳香" + "鎖水磁石"。

而傳說中埃及豔后就係用乳香保養肌膚,乳香對肌膚有活膚、抗皺、抗老、收斂、安撫等作用,香味亦有助放鬆情緒。  

至於 "鎖水磁石" 就可以於肌膚表面形成薄膜,維持水份平衡,好似磁石一樣吸附水份令肌膚同水份緊緊相吸。


而使用方法就同平時所有嘅寶藝面膜一樣,都係要厚敷 0.5 公分、敷 30-40 分鐘左右,再用附設嘅挖棒刮除,然後用溫水洗淨。


用後感 →

如我所講,佢唔係唔好,敷完之後係即時會有收細毛孔 + 平滑肌膚 + 均勻膚色等等嘅嫩膚效用,以二百幾蚊價位計係物有所值,如果你用過寶藝面膜就會明白我講咩。

不過比較起佢其他舊有嘅面膜嚟講,我又唔覺得佢有咩特別,分別完全唔大,如果入貨嘅話,我都真係唔識 sell。

究竟效果上同佢其他面膜有咩分別? Sorry 我講唔出,所以就唔入貨喇,講完~




沒有留言:

張貼留言