FANCL 膠原修護系列「修護肌底液 + 乳液」review

成日都聽到人話皮膚要水油平衡先至會靚，而我上一個 video 內亦都提過為肌底膚補充水份係好重要，唔可以見轉季天氣變乾，就一味响面層補充油份、搽啲好潤好厚嘅護膚品，點都要照顧吓皮膚底層嘛~

所以响護理肌膚嘅第一步，就係要補充返一啲細分子 + 滲透度高嘅護膚品~ 

而揀嘅時候就要加強留意成份，因為滲透度高亦同時代表件產品好 / 壞都會落到肌底層，萬一成份唔好嘅話，長期使用對皮膚都會有影響呀!

但係一般人買 skincare 都好少會留意成份表，又或者望到都唔知係啲乜，咁點知好壞? 🤔

我都係嗰句，如果唔想咁煩就揀「FANCL」好了，眾所周知成個品牌產品都係無防腐劑 + 無對皮膚唔好嘅成份嘛~

適逢秋冬轉季，就介紹 FANCL 呢 2 款有 "納米導入滲透科技" 嘅「膠原修護系列 - 修護肌底液 + 乳液」俾大家望望啦~

大家知 FANCL 護膚品因為無添加防腐劑，所以都係 "小瓶" 包裝，如今次介紹的肌底液 + 乳液每支亦只係 30ml，愈快用完就愈好，保持新鮮~ 👍🏻

盒上會列明製造日期，未開封可存放 1 年，開封後 60 日內需用完 →

產品資料 →

Aging Care Lotion II

修護肌底液 - 滋潤

成份蘊含三肽膠原蛋白 + 水解酵母 + 水潤鮮膠原蛋白 + 透明質酸 + 棗果精華 + 歐錦葵花精華等等，以突破性納米導入滲透科技，將膠原營養加強滲透至肌底層，修復受損細胞並提升膠原合成機能，有效令肌膚即時變得水潤柔軟，從源頭作出高效保濕抗老修護。

$208 / 30ml @ https://www.fancl-hk.com

(trial products given by FANCL)

呢支係 "滋潤版"，另有更清爽的 "水潤版" 適合混合性皮膚。

我咁乾就當然係揀 "滋潤版 II" 啦~ 😆

直接當係保濕爽膚水用就 ok，無需倒落化妝棉，可於潔面後倒幾滴落掌心拍上面直至吸收~

吸收後會 feel 到澎湃水份注入肌底，皮膚表面會好似形成一層補水薄膜咁柔軟，亦有撫平乾紋效果，會比一般爽膚水更加保濕滋潤~ 👏🏻

之後就可以再搽呢支乳液 →

Aging Care Emulsion II
修護乳液 - 滋潤

同上面介紹嗰支肌底液同屬「膠原修護系列」，成份亦同樣蘊含三肽膠原蛋白 + 水解酵母 + 水潤鮮膠原蛋白 + 透明質酸等等，以突破性納米導入滲透科技，將膠原營養加強滲透至肌膚底層，於肌膚表層形成鎖水薄膜，提升防禦力，持久鎖緊水份及營養。

$208 / 30ml @ https://www.fancl-hk.com

呢支亦都會有分 "滋潤版" 同 "水潤版"，而我係用滋潤版。

日本製造的護膚品通常都會有 "乳液" 呢一步，係於面霜前用的，用作加強鎖水效果。

皮膚唔太乾的話，亦可以就咁當佢係好薄身嘅面霜使用~

質地輕柔易推 →

補水效果亦都唔錯，搽勻之後會見到皮膚有返少少健康光澤感，亦可以撫平乾紋，摸上去會有軟綿綿嘅感覺，日間化妝前用後再加埋防曬霜，我已經覺得好足夠~ 😊

至於夜晚如果搽完佢之後覺得唔夠潤，亦可以搽多一款面霜。而面霜其實响呢種廿幾度天氣下，局部搽响皮膚比較乾嘅位置都 ok 了~