來自美國的「Hourglass」最出名固然係粉底液同光影粉，好多人都有推介過~
而我就認為四百幾蚊盒光影粉實在係 overpriced，去 counter 試過上面亦覺得興趣不大 ; 粉底液我試過後又覺得遮瑕度太低。
所以就揀咗買佢嘅「Vanish Seamless Finish Foundation Stick」無痕修飾粉底棒，同樣得過美國雜誌 "Instyle" 讀者最愛粉底 No.1，網上一班中港台 blogger 評價亦唔差，於 counter 試時我亦覺得 ok 的~
點知...... 真正實測個結果......
產品資料 →
Vanish Seamless Finish Foundation Stick
無痕修飾粉底棒
具遮瑕膏般的遮瑕效能，同時無重貼膚，主打防水、持久、高遮瑕之餘妝感自然，打造完美無瑕肌。
$440 @ Hourglass 專櫃 (連卡佛)
獨特的三角形棒頭 design，的確係易用又有型 →
官方介紹 + 示範 →
遮瑕度係好高，同遮瑕膏冇分別，但質感就比遮瑕膏柔潤少少 →
由於粉底棒質地一般比較厚身，建議一定要用粉底掃或 beautyblender 上妝，用手指會推得好唔均勻!
推勻後亦並非太厚的 →
before & after →
遮瑕度好係好，連黑眼圈都遮得盡，又未至於話好厚，不過毛孔位就唔多貼粉 + 有啲乾，感覺上化完妝個膚質仲粗糙過素顏，唔係咁夠平滑，未掃碎粉定妝已經 feel 到乾....... 😔
出到街遠睇亦唔好得幾多，毛孔位仲明顯過未化妝之前 →
6 小時後 →
粉底已經浮到一個點，一個難以接受嘅點.....
唔夠持久 + 嚴重溶妝浮粉 + 唔貼面不單止，仲要唔抗油，攪到望上去塊面又乾又油.....
真係好耐都冇試過咁差嘅粉底喇! 之前用過 Bobbi Brown 同 Shiseido 嘅粉底棒都唔會咁.......
bye bye $440 💔
此留言已被作者移除。
回覆刪除有冇打算試佢既眼線筆⋯
回覆刪除想請問有冇啲咩眼線筆推薦畫內眼線（本人眼油）
冇呀, 覺得佢太貴又有少少名過於實..... 眼線筆最防溶係 NARS Larger than Life, 有多色, 但如果連用佢都會溶的話就冇辦法了, 始終內眼線位有眼水好難唔溶.....
刪除好的 咁我試下先 唔該曬😊😊
刪除此留言已被作者移除。
回覆刪除Hi Isa, 請問混合偏乾早晚要用吾同嘅護膚品嗎？邊d要吾同？
回覆刪除其實爽膚水、補水精華素、眼霜早晚都可用同一款, 而夜晚就可以用更滋潤的晚霜~ 另外如果覺得皮膚真係好乾時, 夜晚就可以加多一支滋潤質地的精華~
刪除Hello Isa,請問你覺得補濕精華平同貴有冇分別？另外，請問你覺得化妝品邊d值得買貴少少？
回覆刪除補濕精華平同貴都真係會有分別的，一般平價的精華通常只係補充到水份，用後並唔會覺得太 long last / 膚質亦唔會有特別改善 ; 而貴少少的精華除了補濕效能之外，用後係會見膚質有改善的。不過其實貴價的亦未必一定有效果睇，主要係視乎牌子同口碑~ 而化妝品最值得買貴少少嘅一定係底妝品, 尤其係粉底同碎粉，會直接影響望上去的膚質效果及妝容持久度~ 反而眼影 / 胭脂 / 唇膏等等並唔一定要貴~
刪除