Olay「微磁導入緊緻面膜套裝 MAGNEMASKS」review

Olay 呢套「微磁導入緊緻面膜套裝」一出嗰陣，睇到電視廣告好似好吸引買咗嚟試，但卻一直等到最近先開始用，因為....... 

我實在太懶喇! hahahaha~ 😅

始終呢套 Olay mask 敷上面後仲要 keep 住碌幾分鐘，冇 paper mask 咁方便嘛，放片 mask 上面就可做其他嘢 hehe~ 😝

近排終於見得閒啲試咗佢幾次，share 用後感先~

Olay「微磁導入緊緻面膜套裝 MAGNEMASKS」→

澳洲專利創新微磁導入科技，以全新微磁導入儀釋放天然微磁波力量，激發 3 倍滲透力，將微米級面膜精華推進 10 層肌底，瞬間吸收，有效細緻毛孔、緊緻肌膚、恢復肌膚彈性、淡化細紋、強效持久保濕，帶來前所未有的水潤緊緻感。

另有 "水潤" 及 "美白" 款選擇，我呢盒係 "緊緻款"

$289 / 50ml 連微磁導入儀 @ https://www.olay.com.hk/zh-hk

首先想講呢個 "Olay 微磁導入儀"，同 SK-II 嗰個 "磁力微振儀" 賣相好相似..... 😅

而之前用過 SK-II 部 "磁力微振儀" 都覺得佢嘅導入效果唔錯的，仲有震動效果，可惜上年俾我唔小心跌落地整爛咗，就此訣別了...... (冇得獨立出售)

所以當見到 Olay 呢部我就雙眼發光! 估計應該係差唔多嘅嘢? 可以 replace SK-II 嗰部??

但原來 Olay 呢個係冇震動效果的，係完全唔識郁 😆

咁唔識震 / 唔識郁都唔代表冇效嘅，試吓先~

Olay 的「微磁 3 倍導入按摩法」→

Step 1 : 塗抹面膜於面上，由額頭開始以導入儀由眉骨推上髮線，重覆做 3 次，作提拉作用

Step 2：然後做右邊面，輕柔地推上太陽穴，方向應為內至外

Step 3：於鼻翼位置打圈，有效收細毛孔

Step 4：由下巴輕輕拉至臉腮，可改善淋巴

(用後無需清洗待吸收 / 每星期可用 1-2 次)

奇怪在 Olay 建議嘅按摩手法，係由額頭開始做返去下巴 (由上至下)，但其實要緊緻通淋巴應該係由下巴做返上額頭先真 (由下至上)..... 

所以我係用返自己方法由下至上按摩用~

"緊緻款 Olay Jar Mask" 用後感 →

敷完皮膚真係幾潤吓，乾紋有改善! 好適合 dry skin 用~

不過敷後其實都幾黏笠，所以 "用後無需清洗待吸收" 應該唔得，焗住好易生粒粒，都係用毛巾過水洗吓面更好。同埋以佢咁潤嘅程度計，oily skin 應該唔太適合了。

至於緊緻效果都係明顯有的，碌完塊面會 V 啲! 不過要按摩至吸收都要 5-6 mins 左右，隻手都幾攰吓 😆

又或者我咁講，莫講話用呢個 Olay 微磁導入儀，其實咁樣按摩 5 mins 法，就算用按摩板 / 雙手 / 或其他導入機，都同樣會有 up lift 效用，所以自覺呢個導入儀效果唔算特別標青，不過都係有效的~

如果屋企冇類似嘅導入儀 / 緊緻按摩儀，咁平平哋二百幾蚊買套嚟用吓都係唔錯，都算實用，而且個 mask 係 gel 質地，也可配合其他牌子導入儀使用~