紐西蘭著名有機護膚品牌「Antipodes」，不經不覺就進駐咗香港 Watson's 一年喇! 半年前我亦曾經拍 video 訪問過佢哋嘅 CEO~
而今季佢哋又推出咗新產品，我又再次有機會訪問佢哋嘅 CEO Elizabath Barbalich + 營銷總監 Katrina McClelland 🤗
由於 Antipodes 成份有機天然，係特別適合孕婦 / 哺乳媽媽 / 皮膚敏感嘅人用，而且產品種類亦有好多，潔面品 / 卸妝品 / 爽膚水 / 精華 / 日霜 / 晚霜 / 眼霜 / 面膜等等都有多個系列選擇，仲連天然成份嘅唇膏都有，仲係一個唔用動物測試嘅良心品牌~ 😊
加上產品價錢並唔貴，愛天然有機 skincare 的人從自又有多一個選擇喇~
睇完 video，我又分享吓佢哋嘅皇牌產品 + 新產品用後感啦 →
Halo 亮白透肌火山泥面膜
成份具紐西蘭火山泥 + Vinanza® 葡萄籽 + 奇異果 + 熊果素 + 鱷梨油 + 維他命 C + 牡丹花根 + 等多種植物萃取，並加入亮白配方，有效淨白提亮膚色，改善暗沉，同時吸附肌膚油脂、帶出雜質及化妝品殘留物，淨化毛孔，平衡肌膚油脂分泌，更能預防暗瘡粉刺。
配方中的荷荷巴酯具天然磨砂效果，有效清除肌膚角質，並加入營養豐富的鱷梨油，使肌膚幼滑潤澤。
$299 / 75g @ Watson's
久不久都有 promotion 優惠，最新詳情可留意佢哋 Facebook 專頁:
Watson's Antipodes 產品:
大約敷 10 分鐘 (要有 1-2mm 厚度)，再過水輕揉洗淨便可 →
同一般 mud mask 嘅分別係，呢盒 Antipodes 搽上面嗰陣會摸到有啲 "超細磨砂粒子" (微細到肉眼睇唔到嗰種)，所以洗面時已順道有埋磨砂去舊角質效果，感覺比起普通只有吸附油脂垃功能嘅 mud mask 更乾淨，過水後摸上手塊面亦更平滑~ 👍🏻
敷完後亦見到下巴有幾粒粉刺自動浮出，自己隨手唧出就 ok，可見吸附能力都不錯~
Aura Manuka Honey Mask
麥蘆卡蜂蜜活膚面膜
成份具享譽世界的活性 Manuka 蜂蜜 + 香莢蘭 + 柑橘，不僅能深度清潔肌膚，淨顏祛斑，更能舒緩潤澤肌膚，也非常適合預防痘痘粉刺，淡淡天然柑橘芬芳更能讓您倍感神清氣爽。
呢支亦係網上好多用家推薦嘅面膜~ ☺️
$299 / 75ml
均勻敷上後待 15 分鐘清洗 →
氣味的確係好清香! 😍
雖然支 mask 係話以清潔肌膚 + 淨顏祛斑 + 預防痘痘粉刺為主，但其實滋潤程度係相當高! 絕對可當保濕 mask 用~ 👏🏻
敷完除咗感覺滋潤之外，膚色仲白淨咗、有光澤咗、毛孔 / 乾紋亦有改善，呢支值得試!
Moisture-Boost Natural Lipstick
純天然水潤唇膏
大家有聽過每位女性一生人之中會攝入約 7 磅唇膏吧? (也包括潤唇膏喔) 😵
唇膏成份不但會從唇部皮膚滲入體內，而且食嘢 / 咬唇時都會吞到落肚，所以都咪話唔驚!
雖然我自己未至於超級 concern 呢個問題 (反正化咗妝咁多年早已吞過唔少)，但對於好 concern 呢個問題的人 / 孕婦，咁 Antipodes 呢款唇膏就會係你杯茶喇~ 💄
$149 共 12 色
以食品及新西蘭藥監局嚴格檢測後批准的彩色顏料製，所有原材料均取自純淨的大自然，不僅能放心使用，而且仲具有護唇效果，就算唔小心吞到落肚亦冇害~
質感亦唔會太乾，有潤澤效果 →
Manuka Honey Skin-Brightening Light Day Cream
麥蘆卡蜂蜜亮白透肌輕盈日霜
成份蘊含享譽世界的的 Manuka 蜂蜜，活性指數為 20+，更具馬馬庫黑蕨 + 專利成份 Vinanza® 葡萄及奇異果籽萃取，能有效提拉緊緻肌膚、天然抗菌、減少痘痘及痤瘡，使肌膚重現淨白光澤，亦係 Antipodes 嘅皇牌產品。
$409 / 60ml
呢款日霜質感係專為亞洲膚質而設，質地特別輕盈清爽，極易吸收 →
呢盒 Day Cream 我半年前已經用過，雖然望上去係 cream 狀，但滋潤得來吸收速度奇快，一啲都唔油膩黏身，就算係剛剛搽勻都唔會反光，摸上塊面仲好 soft 好滑，係霧面 feel 的，好啱日間妝前用~
嗰種淡淡天然蜂蜜 + 葡萄籽氣味仲要好香、好好聞~ 😍
Manuka Honey Skin-Brightening Light Eye Cream
麥蘆卡蜂蜜亮白透肌眼霜
同一系列眼霜成份與日霜差不多，亦含有活性指數為 20+ 的 Manuka 蜂蜜 + 專利成份 Vinanza® 葡萄及奇異果籽萃取等等，有效抗氧化、滋潤、提亮眼周膚色、祛除浮腫及改善鬆弛眼袋。
$389 / 30ml
屬半杰身 cream 狀質感，同日霜一樣有種好香嘅天然蜂蜜 + 葡萄籽味 →
呢款 eye cream 我又係半年前經已用過，質感比一般有機眼霜更杰稠、更高滋潤度，但就一啲都唔油膩，搽完後唔會反光油淋淋，好適合眼周皮膚乾嘅人用~ 👍🏻
除咗感覺滋潤之外，長期用仲有改善乾紋效果，亦會有緊緻眼周、預防鬆弛作用~
Antipodes 產品暫時只於指定 Watson's 有售 (如銅鑼灣恩平中心分店)，如想知邊間 Watson's 有 / 幾時做咩優惠等等，可到 Antipodes 的 Facebook 專頁查詢~
沒有留言:
發佈留言
注意：只有此網誌的成員可以留言。