貴婦級氣墊粉底! cle de peau 首個新出 cushion「鑽光水凝氣墊粉底」review

cle de peau 嘅底妝產品一向出名，上月新推出嘅「鑽光水凝氣墊粉底」仲備受一班明星名人熱捧，唔知係咪真係所講咁好用呢? 

出於 cle 家粉絲心態又好、出於好奇心又好，話晒係 cle 第一次出 cushion 粉底，點都要捧捧場嘅~

單睇佢個奢華貴婦 feel 鏡面盒設計已經被迷暈! 😆

產品資料 →

TEINT CUSHION ÉCLAT 

鑽光水凝氣墊粉底

蘊含豐富潤澤精華 + 亮肌複合物 EX + 刺梨果提取物，結合極緻細膩的覆蓋度，掩蓋瑕疵同時締造水潤清新的亮澤肌膚，有效締造輕透絲滑、均勻、亮澤、持久一整天的妝效，瞬間綻放無瑕亮澤妝感，誘發超乎想像的水潤光芒。

⭐️中度遮瑕效果，可疊加塗抹增加遮瑕度。

⭐️持久妝效配方，能改善肌膚暗沉與磨損，保持剛塗抹時的清新美麗效果。

⭐️24 小時長效持久保濕 + 精華液般的質地，持續保持水潤柔滑感受。

⭐️持續使用能提升肌膚光彩，並改善肌膚狀況。

$700 @ https://www.cledepeau-beaute.com/hk/

以售價嚟計係貴的! 不過始終係 cle de peau 嘛，都預咗唔會平得去邊 😉 

粉盒靚係靚，不過鏡盒設計超易印到指模，基本上用一次已會印到成個盒面都係指模，要經常抹有些少麻煩 😅

至於粉底設計就同一般 cushion foundation 冇分別，冇乜特別 →

上妝效果 (只搽上粉底，冇加遮瑕膏及碎粉) →

首先貼面度 + 保濕度的確係好好! 一印上面已經 feel 到好貼皮膚，仿如 second skin 一樣，完全零卡粉，就連本身稍乾嘅部位都能緊貼，好似搽緊 skincare 咁幫你邊上粉邊補濕，可改善到乾紋問題~ 

(但又咁講，成 $700 盒我冇 expect 過會差，貼面同補濕好基本要做到啦係咪? 😂)

印勻後會透發自然光澤感，有微微反光度，感覺滋潤，較適合秋冬 / 乾性肌使用。如在夏天用就稍為有點潤，始終係秋冬季新品嘛，只係提早推出咁解。 

遮瑕度方面就有啲弱，雖則話可逐層加厚 build up 遮瑕度，但我印咗 2-3 層都係未遮得到啲斑斑 + 紅印 + 微絲血管 (暗瘡印直頭唔使諗)，遮極都只能 cover 到 6-7 成.....   

尤其而家懷孕中，荷爾蒙影響下，本來已 laser 晒消失的斑斑又湧返晒出嚟，粉底唔夠 coverage 真係好難攪，就特別覺得呢盒 cle de peau 唔夠遮 😔

另外持久度方面亦唔太 long keep，可能係而家天氣仲未凍，咁熱侷仲要用滋潤型 foundation 係差少少嘅，就算掃咗碎粉定妝，未夠 3 個鐘已經爆出面油，T-zone 油光令立立嗰隻...... 都係留返秋冬先用更好

不過就算係秋冬用，始終我都嫌佢 coverage 太低，遮唔到太多瑕疵之餘，均勻膚色效果亦只屬一般，單係泛紅問題已經 cover 唔到，真係要塊面冇乜瑕疵的人先會覺得夠用了.......