「英國暢銷 Instant Lash 睫毛眉毛濃密精華 + Instant Eyes 眼部啫喱」用後感

呢 2 支我係 5 個月前於飛機上買的，印像中一 set 係 $500 左右，好明顯係喺機上悶到發慌揭開 duty free 本書仔睇到，不經意地敗咗家 😂

見佢講到自己效果好勁咁，響外國得過好多獎，又唔算貴，加上認為擺得入 duty free 應該都係 best seller，唔會差得去邊卦? 所以就買咗 try try~ 

Instant Lash and Brow Volumiser 睫毛眉毛濃密精華 →

描述指刷上後 2 分鐘能令睫毛即時濃密多 20%，持續使用 2 星期更可使睫毛眉毛變粗 40% + 增長 20%!

用咗好幾個月，可以話係有即時效果嘅! 刷上後會形成一層 top coat 包住睫毛，無形中望上去睫毛會硬身咗、挺咗、粗身咗，就好似搽咗透明 mascara 咁 👍🏻

但大前提係我本身有整開「角蛋白睫毛」，睫毛已經好捲曲上翹，所以用埋呢支精華效果就更明顯。如果冇整開「角蛋白睫毛」/ 冇夾睫毛習慣，睫毛係下垂情況用的話，效果就應該冇咁覺眼了。

另外用耐咗都覺得睫毛係變強韌咗，冇咁易斷易甩的，但就唔覺有變粗 40% 咁誇，只係極度輕微嘅改善。至於有冇令睫毛變長呢? 我就唔多覺有了，而搽於眉毛度就覺得完全冇效零改善。

總括而言俾我嘅感覺就係「一支唔使卸妝嘅透明 mascara」，唔覺有特別驚喜...... 

£24.99 (約 HKD250)

英國官網: https://myinstanteffects.com/

(下圖 copy 自官網)

Instant Eye Lift 眼部啫喱 →

描述指搽後 15 分鐘能即時減退雙眼浮腫 + 淡紋 + 提亮膚色，持續使用 6 星期更可改善浮腫 + 眼紋 + 黑眼圈達 47%!

就係因為聽落太吸引而買咗，好可惜我已經用完成支都唔覺有咩改善，而且質地係稀身 gel 狀唔係好夠潤，當係 eye serum 搽就差唔多，冇乜效果睇唔太推介，除非只係想求其揾支眼霜搽下就另作別論.....

£24.99 (約 HKD250)