Shiseido 上一款黑盒「智能氣墊粉底」雖然已經推出咗 2 年, 但依然係我嘅最愛! 當年係買完一盒又一盒, 無法自拔~
直到後來為咗寫 blog 不停試其他新粉底, 試下試下就漸漸遺忘咗佢了 😅
而下圖較新推出嘅呢款同系列「Synchro Skin White Cushion Compact 智能美白氣墊粉底」, 本來一出嗰陣都有去專櫃睇過, 但 sales 姐姐話呢隻白盒冇黑盒咁滋潤, 我皮膚又乾喎, 於是就冇買嚟試了......
咁啱上個月 X'mas 推出咗聖誕限量包裝, PR 姐姐 send 咗俾我試, 既然兜兜轉轉整定我要試佢, 咁我就唔客氣喇~ 😆
今次主角就係呢隻「Synchro Skin White Cushion Compact 智能美白氣墊粉底 SPF40」→
同 X'mas 聖誕限量版係一模一樣, 只係盒面設計唔同~
應用智能感應技術, 瞬間賦予超卓美肌遮瑕效果, 有效隱藏瑕疵, 改善黯黃膚色, 長時間保持粧容透亮, 輕輕一印便能令色斑雀斑絕跡, 修飾暗啞, 成就健康明亮膚色, 妝效自然恍如素肌。
$390 粉底連鏡盒 (不連 refill) @ Shiseido
官網詳細介紹 :
比起上一款黑盒 cushion 粉底, 呢款白盒係多咗亮肌光澤效果 + 吸收油脂功能 + 防曬度高咗 →
粉樸質地同黑盒嗰款冇分別, 只係顏色唔同 →
粉芯設計亦冇乜特別, 與一般 cushion 粉底無異 →
共 6 色選擇 →
白晳膚色可揀 Neutral 色系, 而偏黃膚色可揀 Golden 色系
Shiseido 粉底我一向係用 #Golden 3 →
再睇睇官方描述功效 →
試上面效果 (只印上 cushion 粉底, 冇搽遮瑕及碎粉) →
Shiseido 所有粉底我都係用開 #Golden 3, 不過可能因為呢隻有亮肌效果, 覺得佢係比平時嘅 Shiseido 粉底淺色少少, 但尚算可接受程度, 如用深一號應該更合膚色。
而粉質印上面時都 feel 到係好貼面, 冇浮粉 / 卡粉問題, 遮瑕度都好充足, 印 1 層已可均勻膚色, 印 2-3 層已 cover 到所有瑕疵 / 斑斑 / 泛紅 / 黑眼圈, 同時冇厚妝感! 👍🏻
補濕度亦有, 只係覺得冬天用佢唔夠滋潤, 未掃碎粉定妝已經覺得妝效好啞緻。一來我皮膚乾啦, 二來佢本身又有吸油粉末, 所以似乎留返春夏用會更 perfect, 除非係皮膚唔乾嘅人就可以冬天用~
雖然質地唔夠滋潤, 但至少未至於乾到龜裂, 搽埋保濕面霜冬天用佢都仲勉強用到, 隨後亦唔需要掃太多碎粉定妝, 好快就自然就風乾咗。
至於持久度方面係好 long keep! 差唔多全日都冇溶過妝, 只係感覺唔多夠保濕啫~
不過以而家冬天嚟講, 唔溶妝係基本啦 😆
總括計效果係好好! (如果春夏用的話)
比較起 Shiseido 另一款黑盒「Synchro Skin Glow Cushion Compact 智能氣墊粉底」→
我認為今次呢隻白盒「智能美白氣墊粉底」係冇咁濕潤, 遮瑕度亦冇咁高, 但上妝就冇咁黏笠, 會比黑盒更適合混合肌 / 油性肌秋冬用, 或乾性肌春夏用~
Dry skin 秋冬都係用返黑盒好啲~ 😉
黑盒「Synchro Skin Glow Cushion Compact 智能氣墊粉底」舊文重溫 :
沒有留言:
張貼留言