2019年3月1日 星期五

到底「機器霧眉」有咩缺點?? 😨

自從幾年前開始興起「韓式飄霧眉」之後, 好多人都一早整咗~

的確新式飄霧眉技術唔會好似舊式紋眉咁假 / 咁小虎, 後期又唔會變藍變綠, 亦唔會永久殘留不退色, 而且又不含重金屬, 係一項好偉大嘅發明! 方便咗唔少人唔使再做「無眉娘」👍🏻

至於早幾年整過眉嘅人, 隔咗咁耐好自然地已經甩晒色啦, 於是近年就湧出一大批想重新整過嘅客人喇。所以當見得舊眉愈多, 我就愈想講.......

如果你未曾飄霧過眉、又打算會去整的話, 請記住最好揀做「飄眉」「手工霧眉」, 盡量唔好做「機器霧眉」! 👎🏻


點解呢? 😯

雖然「機器霧眉」係紋鏽師最愛 (因為速度快, 可快啲整完收工), 完成後效果亦工整精緻, 但由於機器係每秒已出針幾十次, 屬於密集式填色, 於是就會較實色 + 實框, 冇咁自然。

不過呢個都唔係最大缺點......

始終有啲人係鐘意呢類機器打霧 style 的, 所以嚴格嚟講唔可以話係缺點.....


下圖呢點先係最大問題! →

機器霧眉最大嘅缺點就係日子耐咗邊框會化開! 成堂眉會粗咗! 😨

邊框會變得又鬆又矇糊, 就好似化眼妝有 smokey eyes 煙燻眼咁, 不過呢對係「smokey brows」.....

呢一點絕對係唔關紋鏽師技術或機器牌子事, 而係用機器霧眉嘅統一缺點, 我眼見所有用機器霧過嘅舊眉都有呢個問題, 係一睇就分到你上次一定係機霧。


而且機霧因為填色太密集, 留色效果好得滯, 持久到你幾年都唔會退到色, 點都會留有 "烘位", 就算 laser 洗眉都唔會洗得走、點整都冇得減幼㗎! 

於是你就要一直帶住呢堂眉了...... 😢


重新再整過又如何?

唔好以為重新整過就冇問題呀~ 

因為好多紋鏽師見你上次個舊框已經化開咗, 就會連埋化開咗嘅框位重新補色蓋住, 仲一定會再次用機器去霧先 cover 到你上次咁密集嘅眉色, 其實咁嘅做法已經將成堂眉加粗咗了! 然後你重新整都係用機霧嘛, 日子耐咗佢都係會再次化開的, 於是成堂眉又再變粗一框! 

等於你每隔幾年補 1 次, 佢就變粗 1 次, 成件事你 picture 到啦! 所以我係好反對機霧! 😱


所以如果未做過飄霧眉又想整的話, 記住揀做「飄眉」+「手工霧眉」→

雖然持久度冇機霧咁 long keep, 但就肯定冇手尾跟, 日子耐咗唔會殘留一個框, 退晒色後就消失, 唔會變粗, 效果都自然啲! 👍🏻


咁如果以前已經機霧過, 退極都唔甩色, 重新整可以點整會好啲?

若果退唔走嘅顏色度係好似下圖咁, 咁我都仲有方法救~ 


呢類機霧舊眉顏色度都屬於易救 →


但如果機霧到好似我 auntie 呢種程度 →

咁就真係神仙難救了, 我都唔會幫到手......😓

所以大家選擇機霧前一定要諗清楚!


另外仲有一個問題!

就係有好多以前出去飄霧過眉嘅客人, 揾我重新整嘅時候問 : 「我上次整嗰陣會流血又好痛, 今次整會唔會都有血㗎?」

下?! 流血?? 應該成個過程都唔會有血, 兼唔痛㗎喎?!! 😨

有血的話已代表落筆太深喇, 力度應以唔見血為標準, 而呢點其實所有紋繡導師培訓時都會叮囑, 一見血就等於力度已太大, 整完後顏色仲會化開𠻹......


Makeup Secret「新式飄霧眉」  

 一 take 過揉合美式、韓式、台式「飄 + 霧」手法優點,比過往飄霧眉效果更自然、更仿真、更柔和,因應個別眉毛情況 tailor-made 填補,更可自選顏色、線條感粗幼度及底色配搭等等,bye bye 公式化,選擇更 flexible。  

✔︎ 合併手功飄眉 + 手功打霧技術 
✔︎ 分段採用 3-4 款即棄式針片,比普通紋繡針片更幼細,線條感更迫真柔和 
✔︎ 分層採用 2-3 款色乳,多款顏色選擇 
✔︎ downtown 期唔會變小虎眉 
✔︎ 過程零痛楚, 整完零紅腫   

新式飄霧眉 $3500 (包免費補色 1 次)  

👍🏻 包免費補色 1 次,無額外收費 
👍🏻 採用美國名牌優質紋繡色乳 + 即棄式工具,絕不使用劣質平價品,不會後期變綠變藍 
👍🏻 著名化妝師 Isadora Cheng 親自主理,持美國、韓國、台灣、香港等 7 個專業紋繡師資格


Makeup Secret 

九龍尖沙咀厚福街 3 號華博商業大廈 16 樓1607 室

電話 / Whatsapp / Signal 查詢預約 : (+852) 6315 5670

直接連結至Whatsapp對話:  https://wa.me/85263155670

Facebook 專頁 : https://www.facebook.com/makeupsecret.hk/




1 則留言:

  1. 想問霧眉可以KEEP幾耐? 中間仲需唔需要修眉?

    回覆刪除