LANCOME 新出升級版「ADVANCED GÉNIFIQUE 冰鑽亮眼精華 + 嫩肌活膚眼霜」用後感

轉眼間 LANCOME 呢支「ADVANCED GÉNIFIQUE 冰鑽亮眼精華」已經推出咗 5 年喇! 

以前推出嗰陣係叫做 "眼部肌底液", 我都曾經 share 過用後感, 而今季佢就 updrade 咗新配方並改名為「冰鑽亮眼精華」, 近排都經常見到佢嘅廣告~

So far 試用咗 1.5 個月, 又係時候分享下 😉

試成個月先出文, 會唔會太耐?

始終 skincare 唔同化妝品, 唔試耐啲又點察覺得出分別, 點寫得出成篇文呢? 好難靠作嘛~

就咁影張相、寫幾句 post 上 facebook 我又覺得冇意思, 如果我想買某件產品, 好自然地都會想睇用家評價多過睇廣告, 所以我仍會堅持試清楚先分享, 即係........ 繼續龜速出文 😂


早前海港城的 LANCOME event →

(Trial products sponsored by LANCOME)

返回正題~ 產品資料 →

ADVANCED GÉNIFIQUE YEUX LIGHT-PEARLTM 

升級版 冰鑽亮眼精華 

全新配方「冰鑽亮眼精華」蘊含皇牌 Génifique 小黑瓶傳奇成份 "酵母萃取", 有效撃退 4 大眼周衰老跡象 : 緊緻眼周 + 撫平細紋 + 擊退黑眼圈 + 淡化眼袋, 並新加入睫毛強化活性成份, 修復眼周衰老痕跡同時強韌美睫。

$645 / 20ml

LANCOME webosite: https://www.lancome.com.hk/zh_HK/home

Facebook 專頁 : https://www.facebook.com/lancomehk/

Facebook 內久不久都有優惠情報, 建議買前可先望一下有咩 promotion ☺️

具彈性嘅「專利 360˚ 冰鑽明眸棒」→

朝早瞓醒少不免會眼腫腫, 工作完一日晚上雙眼又會好攰, 而呢支棒嘅好處就可以於搽 eye serum 時順便按摩埋, 簡單碌幾碌感覺冰冰涼涼確係醒神啲 😌

Serum 質感比起舊款明顯杰稠咗, 冇以前咁稀薄, 感覺更保濕 →

伸展度高, 每次用極少份量已足夠 →

通常搽完眼周有多我會用嚟搽埋笑紋 + 唇邊 

用後感 →

比起舊版嗰支, 我認為呢支新升級版嘅補濕度係更加好, 唔會稀薄到好似冇搽過嘢咁, 吸收得亦算快, 適合所有 skin type 用。輕熟肌 / 眼底唔太乾 / 眼紋唔多的話, 夏天仲直頭可以單用佢嚟取代 eye cream 𠻹~

效果方面, 美睫效能我察覺唔到有分別, 黑眼圈亦唔覺得有明顯改善, 只係覺得用佢支棒碌完感覺會精神啲、精靈啲。至於緊緻度同淡化眼袋效果就僅屬輕微, 但撫平細紋呢點就相當唔錯! 用後眼底肌膚感覺水潤, 觸感變得軟稔, 同時亦柔潤咗 👍🏻

價錢方面雖然唔算好平, 不過每次用咁少都係有排用嘅~

輪到 eye cream →

Advanced Génifique Eye Cream 

全新嫩肌活膚眼霜

全新 Advanced Genifique Eye Cream 配方注入高濃度 Ferment extracts, 有效柔滑眼周肌膚, 激活年輕神采, 撫平疲倦痕跡。

$520 / 15ml

質感唔似 eye cream, 比較似厚身 gel cream →

以前 yahoo blog 年代都有用過舊版, 但年代久遠經已揾唔返篇文了......

至於今次新配方俾我嘅感覺 →

零油膩感 / 零油光之餘, 滋潤度係好足夠, 搽勻後眼底皮膚質感變得柔滑, 幼紋 / 乾紋都有被即時撫平, 仲會覺得好似有層好薄嘅膜包住咁持續補濕~

淡紋滋潤感確係 good, 又唔會好重油份, 夏天用一流, 效果我係滿意嘅~ 

但「用家同意使用 1 個月後, 100%女性見證黑眼圈減淡」呢點, 我又唔多覺有減淡到喎, 同埋有少少嫌佢個開瓶口包裝設計唔夠衛生, 會經常接觸到空氣 / 指上油脂而更容易變質, 如日後能改為泵裝就更好啦~