見 SaSa 今期呢張 Kanebo ALLIE 防曬廣告貼得咁勁, 主推耐汗防水 + 抗磨擦不易脫落 + 高效防 UV + 加入棈華成份, 好似幾好咁, 我又去八封一下 😎
試過佢幾款 tester 上手, 質感似乎幾 ok, 不過屋企仲有 2 支防曬未用完唔想浪費, 於是就改買防曬 BB gel 試了。
ALLIE 係 SaSa 今期防曬 Top 10 之一 →
Kanebo ALLIE EXTRA UV BB GEL
特效防曬 BB 霜 SPF50 PA++++
強效耐汗、耐油脂、耐摩擦，不易脫落, 不易脫妝的水漾 BB霜。採用耐磨擦「Friction Proof」新機能, 觸感清爽輕盈水漾, 貼服肌膚, 並能自然地遮蓋毛孔, 持久保持美麗妝容, 更可用一般卸妝產品卸除。
$139 / 30g @ SaSa
BB gel 係冇顏色揀的, 只推出了一款大路色。
試 tester 時覺得佢並唔算太白, 都算 ok (好怕啲 BB cream 搽咗白到似藝伎)
冇添加香料, 零香味 👍🏻
望上去同一般 BB cream 冇分別, 不過質地就屬於 gel →
會冇 cream 咁潤身, 比較適合夏天易出汗出油 / 鐘意清爽啞緻妝效的人用 ☀️
遮瑕度仲好似幾好咁 →
搽上面效果 (除搽了 BB gel 之外冇其他) →
妝效其實係靚嘅~ 均勻到暗黃膚色, 又 cover 到我啲泛紅色素 + 斑斑 + 黑眼圈 + 毛孔, 遮瑕度極好, 同搽咗粉底液效果差唔多, 而且感覺唔太侷身~
由於係主推清爽質感, 我乾肌用就略嫌保濕度偏弱, 搽勻唔夠 20 秒好快就變得清爽啞緻, 夏天用都覺得有少少乾到繃緊, 唔太啱 dry skin 用, 不過易出汗 / 出油嘅人就會好鐘意~
特別要讚讚佢個持妝度確係高!
我返工戴口罩侷住塊面一日, 夜晚收工都仲見到個妝, 同口罩磨擦咗成日都仍然 keep 到有妝, 仲要冇乜油光, 只係磨甩咗啲啲粉啫, 係好勁呀! 平時搽其他粉底係一早侷溶晒, 所以呢支 BB gel 果然係高度「抗磨擦」! 👏🏻
另外遠睇膚色我認為係有少少白, 同條頸兩截色咁 →
不過問過同事 + 另一半就話唔覺得好白 / 唔覺有兩截色喎? (可能男仕普遍對化妝品都色弱 😅)
好似真係好得, 咁建唔建議買?
唔建議.......
係就係冇香料, 不過一搽上面推開就聞到陣濃烈酒精味呢..... 用一次已經想同佢 say bye.....
無論妝效幾好都冇用, 係勁大陣酒精味...... 😓
沒有留言:
發佈留言
注意：只有此網誌的成員可以留言。